ຖະແຫລງຂ່າວການແຂ່ງຂັນເພາະກາຍຊິງແຊ້ມປະເທດລາວ ຊິງຂັນລັດຖະມົນຕີກະຊວງສຶກສາທິການແລະກິລາ ປະຈໍາປີ 2019


ຕອນບ່າຍວັນທີ 3 ຕຸລາ 2019 ເວລາ 14.00 ໂມງ ທີ່ຫ້ອງປະຊຸມໃຫຍ່ຄະນະກຳມະການໂອແລມປິກແຫ່ງຊາດລາວ ໄດ້ມີພິທີຖະແຫລງຂ່າວການແຂ່ງຂັນເພາະກາຍຊິງແຊ້ມປະເທດລາວ ຊິງຂັນລັດຖະມົນຕີກະຊວງສຶກສາທິການແລະກິລາ ປະຈໍາປີ 2019 ໂດຍການສະຫນັບສະຫນູນຫລັກຈາກ ບໍລິສັດວຽງຈັນຟິດເນັສ ແລະ ນອສ ຟິດເນັດ ຜູ້ຈໍາຫນ່າຍອຸປະກອນອອກກຳລັງກາຍໃຫຍ່ທີ່ສຸດໃນປະເທດລາວ. ແລະ ພິທີເຊັນສັນຍາອຸປະຖໍາຫລັກການແຂ່ງຂັນຢ່າງເປັນທາງການ. 




- ໂດຍໃຫ້ກຽດເປັນປະທານຖະແຫລງຂ່າວໂດຍ ທ່ານ ບົວລານ ສິລິປັນຍາ [ຮອງລັດຖະມົນຕີກະຊວງສຶກສາທິການ ແລະ ກິລາ ຊີ້ນໍາຂະແຫນງກິລາ] 

- ທ່ານ ສະຖາພອນ ພິຈິດ [ປະທານບໍລິຫານບໍລິສັດວຽງຈັນຟິດເນັສ ຈໍາກັດ] ພ້ອມດ້ວຍຄະນະບໍລິຫານ ພະນັກງານ ບໍລິສັດ
- ທ່ານ ຄໍາພະໄພວັນ ວົງໄຊ ຮັກສາການປະທານສະຫະພັນກິລາເພາະກາຍແຫ່ງຊາດລາວ ແລະຄະນະບໍລິຫານງານສະຫະພັນ ພ້ອມດ້ວຍນັກກິລາທີມຊາດ ເຂົ້າຮ່ວມຢ່າງພ້ອມພຽງທຸກທ່ານ. 
- ຊຶ່ງການແຂ່ງຂັນຈະຈັດຂື້ນລະຫວ່າງວັນທີ 24-25-26 ຕຸລາ 2019 ທີ່ ສະໂມສອນໃຫຍ່ ມະຫາວິທະຍາໄລແຫ່ງຊາດລາວ ເວລາ 9.00 ໂມງ. 




- ວັນທີ 19-20/10/2019 ຈະມີການຊ້ອມໂພສທ່າ ໂດຍແຈ້ງທາງເພກສະຫະພັນກິລາເພາະກາຍແຫ່ງຊາດລາວອີກຄັ້ງຫນຶ່ງ 
- ວັນທີ 23/10/2019 ຈັດສະຖານທີ່ 
- ວັນທີ 24/10/2019 ລົງຖະບຽນນັກກິລາ ລາຍງານໂຕ ວັດຄວາມສູງ ເວລາ 9.00 ໂມງ - 12.00 ໂມງ ຕອນບ່າຍຈັດສຊາມະນາ ຫົວຂໍ້ ເພາະກາຍເລີ້ນຕົ້ນ ແລະ ການຮັກສາຮ່າງກາຍ
- ວັນທີ 25/10/2019 ແຂ່ງຂັນງັດກ້າມ 9.00ໂມງ - 16.00 ໂມງ 
- ວັນທີ 26/10/2019 ເວລາ 13.00 ແຂ່ງເພາະກາຍຮອບຄັດເລືອກ ແລະ 16.00 ແຂ່ງຮອບຊິງຊະນະເລີດ ຊິງໄຊມູນຄ່າລາງວັນກວ່າ 50.000.000 ກີບ 




💢 ສໍາລັບການລົງຖະບຽນນັກກິລາ ແລະ ລາຍງານໂຕ ຈັດໃສ່ວັນທີ 24 ຕຸລາ 2019 ເວລາ 9.00 ໂມງ - 12.00 ໂມງ ທີ່ສະໂມສອນໃຫຍ່ມະຫາວິທະຍາໄລແຫ່ງຊາດລາວ 
- ຂໍແຮງເຊຍ ແລະ ເປັນກຳລັງໃຈໃຫ້ແກ່ນັກກິລາລົງຊິງໃຊຄັ້ງນີ້ດ້ວຍ ພ້ອມກັນນີ້ຂໍເຊີນຊວນປະຊາຊົນ ນັກຮຽນ ເຂົ້າຊົມ ແລະ ຊື້ສິນຄ້າທີ່ມາວາງຈໍາຫນ່າຍກວ່າ 50 ຮ້ານ.
ຫລື ຕິດຕໍ່ເບີ 020 55655239

Post a Comment

0 Comments