ກົມໃຫຍ່ການເມືອງກອງທັບ ເປີດຂະບວນການແຂ່ງຂັນກິລາ ແລະ ສິລະປະສະໝັກຫຼິ້ນປະຈຳປີ 2019




ພິທີເປີດການ ແຂ່ງຂັນກີລາ ສິລະປະສະໝັກຫຼິ້ນທົ່ວກົມໃຫຍ່ ການເມືອງກອງທັບ ປະຈຳປີ 2019 ຂຶ້ນໃນວັນທີ 16 ຕຸລາ ນີ້, ໂດຍການເປັນປະທານຂອງ ສະ ຫາຍ ພັນເອກ ບຸນເຫຼືອ ໄຊຍະເພັນ ຫົວໜ້າຫ້ອງການເມືອງກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາບັນດາກົມ, ກອງ, ຫ້ອງການ, ພະນັກງານ-ນັກຮົບ ຕະຫລອດເຖິງບັນດາຄະນະນຳ,ຄູເຝິກ ແລະ ນັກກີລາທົ່ວອົງການ ກົມໃຫຍ່ການເມືອງກອງທັບ ເຂົ້າຮ່ວມຢ່າງພ້ອມພຽງ. 



ສະຫາຍ ພັນໂທ ຖາວອນ ສີ ຫາລາດ ຮອງຫົວໜ້າຫ້ອງການ ເມືອງ ກົມໃຫຍ່ການເມືອງກອງ ທັບ ໄດ້ໃຫ້ຮູ້ວ່າ: ການຈັດຕັ້ງຂະ ບວນການແຂ່ງຂັນກີລາກາຍະ ກຳໃນຄັ້ງນີ້ເພື່ອສ້າງຜົນງານ ຂໍ່ານັບຮັບຕ້ອນວັນປະຫວັດສາດ ທີ່ສຳຄັນຂອງຊາດ, ຂອງພັກ, ຂອງກອງທັບ ໂດຍສະເພາະແມ່ນ ເພື່ອສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ຂອງ ອົງຄະນະພັກກົມໃຫຍ່ການເມືອງ ກອງທັບຄັ້ງທີ V ທີ່ຈະມາເຖິງນີ້ ໃຫ້ມີບັນຍາກາດຟົດຟື້ນ, ເບິກ ບານມ່ວນຊື່ນ ແລະ ມີເນື້ອໃນ ຄວາມໝາຍເລິກເຊິ່ງ. ພ້ອມກັນ ນີ້ກໍ່ເປັນການພົບປະສາມັກຄີແລກ ປ່ຽນບົດຮຽນເຊິ່ງກັນ ແລະ ກັນ ລະ ຫວ່າງອົງການ, ກົມກອງພະ ນັກງານ-ນັກຮົບໃຫ້ຮັດແໜ້ນ ຄວາມສາມັກຄີ ທັງເປັນການຄັດ ເລືອກເອົານັກກີລາປະເພດຕ່າງໆ ທີ່ດີເດັ່ນປະກອບເຂົ້າເປັນທີມນັກ ກີລາ ແລະ ສິລະປະຂອງກົມ ໃຫຍ່ການເມືອງກອງທັບ. ໃນ ງານແຂ່ງຂັນຄັ້ງນີ້ ປະກອບມີສິ ລະປະ 28 ຫົວໜ່ວຍກົມກອງ ສົ່ງເຂົ້າຮ່ວມ 2 ລາຍການໃນນີ້ ມີເພັງ ແລະ ຂັບລຳປະເພດລະ 1 ລາຍການ, ກີລາປະກອບມີ 3 ປະ ເພດ 5 ລາຍການໃນນີ້ມີ ບານ ສົ່ງຊາຍ-ຍີງ, ເປຕັງຍິງ-ຊາຍ ແລະ ກະຕໍ້ຊາຍ, ມີນັກກີລາທັງໝົດ 649 ສະຫາຍ ຍິງ 220 ສະຫາຍ. ການແຂ່ງຂັນຈະດຳເນີນເປັນເວ ລາ 27 ວັນຈຶ່ງຈະສຳເລັດ. 

ໂດຍ: ເພັດ ສົມນໍວັນ

Post a Comment

0 Comments