ທະຫານແຂວງໄຊສົມບູນຈັດພິທີ ມອບ - ຮັບ ທະຫານໃໝ່ ສົກປີ 2019


ໄຊສົມບູນ: ໃນວັນທີ 15 ຕຸລາຜ່ານມານີ້, ທະຫານແຂວງໄຊສົມບູນ ໄດ້ຈັດ ພິທີມອບ-ຮັບທະຫານໃໝ່ ສົກປີ 2019 ຂຶ້ນ, ຢູ່ທີ່ສໍານັກງານກອງ ພັນ 596 ໂດຍການເຂົ້າຮ່ວມຂອງ ສະຫາຍ ພັນເອກ ພິມພາ ທິຖາວອນ ຄະນະປະຈຳພັກແຂວງ, ຫົວ ໜ້າ ກອງບັນຊາການປ້ອງກັນຄວາມ ສະຫງົບແຂວງ, ມີ ສະຫາຍ ຄຳພູ ທອນ ວົງພະຈັນ ເຈົ້າເມືອງໆອະ ນຸວົງ, ສະຫາຍ ພັນເອກ ຈັນທີ ວັນ ລາວົງ ເລຂາຄະນະພັກ, ຫົວໜ້າ ການເມືອງ ກອງບັນຊາການທະ ຫານແຂວງ, ມີຄະນະພັກ-ຄະນະ ບັນຊາອົງການ 5 ຫ້ອງ, ນາຍ ບ້ານໆພູຫົວຊ້າງ, ກອງພັນ 596, ອໍານວຍການໂຮງຮຽນການທະ ຫານທ້ອງຖິ່ນ ພ້ອມດ້ວຍອ້າຍ ນ້ອງທະຫານໃໝ່ 300 ສະຫາຍ ເຂົ້າຮ່ວມ. 


ໃນພິທີ ທ່ານ ຄຳພູທອນ ວົງພະຈັນ ເຈົ້າເມືອງໆອະນຸວົງ ໄດ້ຕາງໜ້າບັນດາເມືອງ ຂຶ້ນ ກ່າວມອບທະຫານໃໝ່ພັນທະ ປ້ອງກັນຊາດໃຫ້ກອງບັນຊາ ການທະຫານແຂວງ ເພື່ອທົດ ແທນຊັບຊ້ອນຜັດປ່ຽນກຳລັງຜູ້ ທີ່ຈົບພັນທະໃນທົ່ວກອງບັນຊາ ການແຂວງ ເພື່ອໃຫ້ມີກຳລັງ ພຽງພໍໃນການເຄື່ອນໄຫວເຮັດ ໜ້າທີ່ຂອງຕົນ ແນໃສ່ເຮັດໃຫ້ ແຂວງໄຊສົມບູນມີຄວາມສະ ຫງົບ ແລະ ປອດໄພໂດຍພື້ນຖານ. 


ໂອກາດນີ້ ສະຫາຍ ພັນເອກ ພິມພາ ທິຖາວອນ ໄດ້ມີຄຳເຫັນໂອ້ລົມພິ ທີ ເຊິ່ງສະຫາຍໄດ້ເນັ້ນໜັກຕໍ່ ອ້າຍນ້ອງທະຫານໃໝ່ຈົ່ງພ້ອມກັນ ປະຕິບັດສິດ ແລະ ໜ້າທີ່ຂອງຕົນ ທີ່ຂັ້ນເທິງມອບໝາຍໃຫ້ຢ່າງເຂັ້ມ ງວດ ແລະ ຖືກຕ້ອງຕາມລະບຽບ ກົດໝາຍພັນທະປ້ອງກັນຊາດ ໃຫ້ມີຜົນສຳເລັດເປັນກ້າວໆ. 


ພ້ອມດຽວກັນນີ້, ກອງບັນ ຊາການທະຫານ ແຂວງໄຊສົມບູນ ຍັງໄດ້ເປີດອົບຮົມ-ຫັດແອບການ ເມືອງ, ການທະຫານ, ພະລາທິ ການ-ເຕັກນິກໃຫ້ທະຫານໃໝ່ ປະຈຳປີ 2019 ເພື່ອຍົກລະດັບ ຄວາມຮູ້ຄວາມສາມາດໃຫ້ອ້າຍ ນ້ອງທະຫານໃໝ່ໄດ້ຮັບຮູ້ກ່ຽວ ກັບພື້ນຖານທາງດ້ານສິລະປະ ຍຸດ-ຍຸດທະວິທີທະຫານຮາບ ແລະ ວິຊາສະເພາະພະລາທິການ-ເຕັກນິກ ເພື່ອເປັນການຍົກລະດັບສະຕິຕື່ນຕົວຕໍ່ການປະຕິບັດຂໍ້ກຳນົດ, ກົດລະບຽບຂອງທະຫານ. ການເຝິກອົບຮົບໃນຄັ້ງນີ້ຈະໄດ້ ດໍາເນີນເປັນເວລາ 92 ວັນຈຶ່ງ ຈະສໍາເລັດ. 

ໂດຍ: ມະລິ ສຸພັນທອນ

Post a Comment

0 Comments