ມອບເງິນອຸດໜູນແກ່ຄອບຄົວຜູ້ເສຍສະຫຼະຊີວິດປາງສົງຄາມ ຈຳນວນ 3 ເມືອງ ຢູ່ແຂວງຜົ້ງສາລີ ມູນຄ່າ 1.061 ລ້ານກີບ



ຍາກໃດພັກ-ລັດຖະບານ ກໍໃຫ້ຄວາມສຳຄັນຕໍ່ພະນັກງານປະຕິວັດອາວຸໂສໃນການປະຕິວັດຊາດ ແລະ ເພື່ອເປັນການຕອບບຸນແທນຄຸນຕໍ່ຜູ້ທີມີຄຸນງາມຄວາມດີຕໍ່ປະເທດຊາດທີ່ເສຍສະຫຼະຊີວິດປາງສົງຄາມ ຕາມດໍາລັດ 272/ລບ. ດັ່ງນັ້ນມາໃນລະຫວ່າງວັນທີ 16-17 ຕຸລາ 2019 ຢູ່ທີ່ພະແນກແຮງງານ ແລະ ສະຫວັດດີການສັງຄົມ ແຂວງຜົ້ງສາລີ ໄດ້ຈັດພິທີມອບ-ຮັບເງິນອຸນໜູນເສຍສະຫຼະຊີວິດປາງສົງຄາມຕາມດໍາລັດ 272/ລບ ປະຈໍາປີ 2019 ໃຫ້ ເມືອງສຳພັນ, ເມືອງໃໝ່ ເເລະ ເມືອງຂວາ ເເຂວງຜົ້ງສາລີ.



ໂດຍເປັນກຽດເຂົ້າຮ່ວມ ແລະ ມອບໂດຍ ຂອງທ່ານ ເຫຼັກດວງໄກ ສົມພະຄູນ ຫົວໜ້າພະແນກ ແຮງງານ ແລະ ສະຫວັດດີການສັງຄົມ ແຂວງຜົ້ງສາລີ, ມີບັນດາທ່ານຈາກເມືອງ ຜົ້ງສາລີ ແລະ ເມືອງ ບຸນໃຕ້, ມີພະນັກງານຈາກພະແນກ ແຮງງານ ແລະ ສະຫວັດດີການສັງຄົມ ແຂວງ, ເມືອງ ແລະ ຍາດຕິພີ່ນ້ອງຜູ້ເສຍສະຫຼະຊີວິດປາງສົງຄາມຈາກເມືອງຜົ້ງສາລີ ແລະ ເມືອງ ບຸນໃຕ້ ເຂົ້າຮ່ວມ.

ການປະຕິບັດນະໂຍບາຍເງິນອຸນໜູນເສຍສະຫຼະຊີວິດປະຈຳປີ 2019, ສໍາລັບແຂວງຜົ້ງສາລີ ມີຈໍານວນ 77 ທ່ານ, ລວມເປັນເງິນທັງໝົດ 1.061.420.700 ກີບ, ໂດຍປະກອບມີ ເມືອງສຳພັນ ມີ 29 ທ່ານ, ເມືອງຂວາ ແລະ ເມືອງໃໝ່ລວມ 48 ທ່ານ .

ທ່ານ ເຫຼັກດວງໄກ ສົມພະຄູນ ຫົວໜ້າພະແນກ ແຮງງານ ແລະ ສະຫວັດດີການສັງຄົມ ແຂວງຜົ້ງສາລີ. ກ່າວຕື່ມວ່າ: ສ່ວນບັນດາເມືອງທີ່ເຫຼືອຈະໄດ້ຈັດພິທີມອບໃນຄັ້ງຕໍ່ໄປ./

(ຈາກ ພະແນກ ຮສສ ແຂວງຜົ້ງສາລີ)


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------

Post a Comment

0 Comments