ນັກທຸລະກິດລາວ ລົງທຶນ 30,8 ຕື້ກີບ ລ້ຽງງົວພັນຊີ້ນ ສະໜອງພາຍໃນ ແລະ ສົ່ງອອກ




ນັກທຸລະກິດໜຸ່ມລາວເບິ່ງເຫັນອະນາຄົດການໄກ ປະຕິບັດຕາມແນວທາງນະ ໂຍບາຍຂອງລັດຖະບານ ໃນການສົ່ງເສີມ ການຜະລິດສະບຽງອາຫານໃຫ້ເປັນສິນ ຄ້າ ໂດຍການຈົກເງິນສ່ວນຕົວເຖີງ 3,5 ລ້ານໂດລາ ຫຼື ປະມານ 30,8 ຕື້ກີບ ເພື່ອ ລ້ຽງງົວພັນຊີ້ນສະໜອງພາຍໃນ ແລະ ສົ່ງອອກຕ່າງປະເທດທີ່ຈຳປາສັກ.





ເປັນນິມິດໝາຍໃໝ່ໃນວົງການສະ ໜອງຊີ້ນງົວທີ່ມີຄຸນນະພາບໃນລາວ ກໍຄື ໃນແຂວງຈໍາປາສັກ ເມື່ອມີນັກທຸລະກິດ ໜຸ່ມລາວຄົນທີ່ເບິ່ງເຫັນອະນາຄົດທຸລະ ກິດ ແລະທ່າແຮງທີ່ເຕີບໃຫຍ່ໃນການບໍລິ ໂພກຊີ້ນງົວທີ່ມີຄຸນນະພາບໄດ້ຈົກເງິນ ສ່ວນຕົວ ເພື່ອລ້ຽງງົວພັນຊີ້ນທີ່ມີຄຸນນະ ພາບ ສະໜອງຕະຫຼາດພາຍໃນ ແລະສົ່ງ ອອກຕ່າງປະເທດ, ທັງເປັນການຂັບເຄື່ອນ ຂະບວນການຜະລິດຊີ້ນໃຫ້ເຂົ້າສູ່ລະບົບ ອຸດສາຫະກໍາທີ່ທັນສະໄໝໃນລາວ ແລະ ເພີ່ມການບໍລິໂພກຊີ້ນງົວທີ່ມີຄຸນນະພາບ ຫຼາຍຂຶ້ນ, ໂດຍສະເພາະແມ່ນຮ້ານອາ ຫານ, ໂຮງແຮມໃຫ້ມີຄຸນນະພາບເນັ້ນ ການບໍລິການໃນລະດັບອຸດສາຫະກໍາ.





ທ່ານ ດາວັນ ບຸບຜາພັນ ຜູ້ອໍານວຍການ ບໍລິສັດ ດາວັນຟາມມາ ຂາອອກ-ຂາເຂົ້າ ຈໍາກັດຜູ້ດຽວ ໄດ້ໃຫ້ຮູ້ວ່າ: ເພື່ອປະຕິບັດຕາມແນວທາງນະໂຍບາຍຂອງລັດຖະ ບານ ໃນການສົ່ງເສີມການຜະລິດໃຫ້ເປັນ ສິນຄ້າ, ໂດຍສະເພາະແມ່ນການລ້ຽງ ແລະ ການປູກ, ທັງເປັນການຕອບສະໜອງ ຄວາມຮຽກຮ້ອງຕ້ອງການຂອງສັງຄົມ ໃນການບໍລິໂພກຊີ້ນງົວທີ່ມີຄຸນນະພາບ ຫຼາຍຂຶ້ນ, ຊຸກຍູ້ສົ່ງເສີມປະຊາຊົນໄດ້ມີ ວຽກເຮັດງານທໍາ ແລະ ມີລາຍໄດ້ທີ່ແນ່ ນອນ ທັງມີສ່ວນຮ່ວມໃນໂຄງການລ້ຽງ ງົວ, ດັ່ງນັ້ນບໍລິສັດຈຶ່ງໄດ້ລົງທຶນ 3,5 ລ້ານໂດລາ ເພື່ອຮ່ວມທຸລະກິດກັບບໍລິສັດ ຊັ້ນນໍາປະເທດໄທ ເພື່ອລ້ຽງງົວພັນຊີ້ນທີ່ມີຄຸນນະພາບ ສະໜອງຕະຫຼາດພາຍໃນ ແລະສົ່ງອອກໃຫ້ກັບບໍລິສັດທີ່ມີການຕົກ ລົງຮັບຜະລິດຕະພັນທີ່ປະເທດໄທ ແລະ ອີກສ່ວນໜຶ່ງແມ່ນຈະໄດ້ສະໜອງໃຫ້ກັບ ບັນດາຮ້ານອາຫານ ແລະໂຮງແຮມ ທີ່ມີຄວາມຕ້ອງການຊີ້ນທີ່ມີຄຸນນະພາບໃນສປປ ລາວ.





ພິທີເຊັນສັນຍາຮ່ວມມືດັ່ງກ່່າວໄດ້ມີ ຂຶ້ນໃນວັນທີ 2 ຕຸລາຜ່ານມາ, ທີ່ນະຄອນ ປາກເຊ ແຂວງຈໍາປາສັກ ລົງນາມລະ ຫວ່າງທ່ານ ດາວັນ ບຸບຜາພັນ ຜູ້ອໍານວຍ ການບໍລິສັດ ດາວັນຟາມມາ ຂາອອກ-ຂາ ເຂົ້າຈໍາກັດ ກັບ ທ່ານ ພານິດ ມະແອ ຜູ້ອໍາ ນວຍການບໍລິສັດ ສອງແຜ່ນດິນ 2018  ອິມ-ເອັກພອດ ຈໍາກັດ ປະເທດໄທ, ເຂົ້າ ຮ່ວມເປັນສັກຂີພິຍານໂດຍທ່ານ ບົວສອນ ວົງສອງຄອນ ເຈົ້າແຂວງໆຈໍາປາສັກ  ແລະບັນດາທ່ານແຂກຜູ້ໃຫຍ່ທີ່ກ່ຽວຂ້ອງເຂົ້າຮ່ວມ.

Post a Comment

0 Comments