ເຈົ້າເມືອງອຸທຸມພອນ ລົງມອບເຄື່ອງຊ່ວຍເຫຼືອໃຫ້ຜູ້ປະສົບໄພນ້ຳຖ້ວມ ເມືອງສອງຄອນ ເປັນເມືອງທີ 4



ເພື່ອເປັນການສືບຕໍ່ມອບເຄື່ອງຊ່ວຍເຫຼືອ ໃຫ້ປະຊາຊົນບັນດາເມືອງ ທີ່ໄດ້ຮັບຜົນກະທົບຈາກນໍ້າຖ້ວມ ໃນລະຫວ່າງເດືອນສິງຫາ ຫາເດືອນກັນຍາ ທີ່ຜ່ານມາດັ່ງນັ້ນ ໃນຕອນເຊົ້າວັນທີ 3 ຕຸລາ 2019ນີ້,ທ່ານປະສົງສິນຈະເລີນສຸກເຈົ້າເມືອງໆອຸທຸມພອນ ພ້ອມຄະນະ ຈຶ່ງໄດ້ນໍາເອົາເຄື່ອງທີ່່ລະດົມໄດ້ຈາກທຸກພາກສ່ວນໃນສັງຄົມພາຍໃນເມືອງ ເພື່ອນໍາໄປມອບ ຊ່ວຍເຫຼືອໃຫ້ປະຊາຊົນເມືອງສອງຄອນ ທີ່ຖືກຜົນກະທົບຈາກນໍ້າຖ້ວມ ເປັນເມືອງທີ 4 ທັດຈາກເມືອງເຊໂປນ, ເມືອງຈໍາພອນ ແລະ ເມືອງຊົນນະບູລີ ໂດຍຜ່ານການຈັດຕັ້ງຂອງເມືອງ. 


ເຊິ່ງເຄື່ອງທີ່ນໍາໄປມອບປະກອບມີ: ນ້ຳດື່ມ 259 ແຟັກ, ໝີ່ 106 ແກັດ, ເຂົ້າສານ 8 ກະສອບ, ປາກະປ໋ອງ 24 ແຟັກ, ເຄື່ອງບັນເທົາທຸກ 120 ຖົງ ແລະ ເຄື່ອງໃຊ້ອື່ນໆອີກຈຳນວນໜຶ່ງ ລວມມູນຄ່າ 15 ລ້ານ 6 ແສນກວ່າກີບ, ແລະ ໃຫ້ກຽດກ່າວຮັບເຄື່ອງດັ່ງກ່າວ ໂດຍແມ່ນ ທ່ານ ນັນ ສິດສານຸພາບເຈົ້າເມືອງໆສອງຄອນ,ຊ້ອງໜ້າການຈັດຕັ້ງຂອງສອງເມືອງ.ເຊິ່ງທ່ານກໍ່ໃຫ້ຄຳໝັ້ນສັນຍາວ່າ:  ເຄື່ອງທີ່ການນໍາຂອງເມືອງ ອຸທຸມພອນ ນຳມາມອບຄັ້ງນີ້ແມ່ນເຖິງມືປະຊາຊົນຜູ້ທີ່ໄດ້ຮັບຜົນກະທົບ ຈາກນໍ້າຖ້ວມຢ່າງແນ່ນອນ, ເຊິ່ງທົ່ວເມືອງມີບ້ານ ທີ່ຖືກນໍ້າຖ້ວມທັງໝົດ 36 ບ້ານ, ໜັກກວ່າໝູ່ມີ 11 ບ້ານ, ມີ 1.800 ກວ່າຄອບຄົວ, ສ່ວນຜູ້ຖືກຜົນກະທົບ ແລະ ຕ້ອງຍ້າຍໄປຢູ່ບ່ອນໃໝ່ຊົ່ວຄາວມີ 11.900 ກວ່າຄອບຄົວ ເພາະບາງບ້ານຖ້ວມຈົນວິດຫຼັງຄາເຮືອນ ຖ້າທຽບໃສ່ນ້ຳຖ້ວມໃນຄັ້ງຜ່ານມາ ຖືວ່າຖືກນໍ້າຖ້ວມໜັກໃນຮອບ41ປີເຊິ່ງສາມາດວັດແທກໄດ້ເກືອບ20ກວ່າແມັດ.ມາຮອດປະຈຸບັນນີ້ເຫັນວ່າລະດັບນ້ຳແມ່ນໄດ້ບົກລົງແລ້ວສ່ວນຄວາມເສຍຫາຍແມ່ນທາງຄະນະກຳມະການພວກເຮົາຈະໄດ້ລົງເອົາຂໍມູນຢ່າງລະອຽດ ສຳລັບແຜນເບື້ອງຕົ້ນແມ່ນຈະເລັ່ງໃສ່ ນຳພາປະຊາຊົນຟື້ນຟູພື້ນຖານໂຄງລ່າງເຊັ່ນ: ອະນາໄມ ແລະ ສ້ອມແປງເຮືອນຊານບ້ານຊ່ອງ, ຖະໜົນຫົນທາງ ແລະ ອື່ນໆ.

ໂອກາດນີ້ ທ່ານປະສົງສິນຈະເລີນສຸກເຈົ້າເມືອງໆອຸທຸມພອນກໍ່ໄດ້ສະແດງຄວາມເປັນຫ່ວງເປັນ ໃຍມາຍັງບັນດາຜູ້ປະສົບໄພ ກໍ່ຄືຜູ້ຖືກຜົນກະທົບຈາກໄພນ້ຳຖ້ວມ ພ້ອມທັງຂໍເປັນກຳລັງໃຈໃຫ້ຄະນະນຳຂອງເມືອງຕະຫຼອດຮອດພໍ່ແມ່ປະຊາຊົນໃນການປັບປຸງຟື້ນຟູຊີວິດການເປັນຢູ່ໃຫ້ດີຂື້ນ, ພ້ອມກັນ ສ້າງສາພັດທະນາປະເທດຊາດບ້ານເມືອງຂອງຕົນໃຫ້ຈະເລີນກ້າວໜ້າ.

ຈາກນັ້ນ ເພື່ອເປັນການຮັດແໜ້ນຄວາມສາມັກຄີ ລະຫວ່າງ ຄະນະການນຳທັງສອງເມືອງ ຈຶ່ງໄດ້ຈັດໃຫ້ມີການແຂງຂັນກິລາ ບານເຕະມິດຕະພາບຂຶ້ນ ລະຫວ່າງ ທີມຄະນະເມືອງອຸທຸມພອນ ກັບທີມຄະນະເມືອງສອງຄອນ ເຊິ່ງຜົນປະກົດວ່າ ສະເໝີກັນ ດ້ວຍຜົນປະລວມ 5-5 ປະຕູ.

ນັກຂ່າວເມືອງອຸທຸມພອນ
ພອນປະເສີດ ແຜນພັກດີ

Post a Comment

0 Comments