ນາຍທະຫານກອງທັບປະຊາຊົນລາວ 469 ຄົນ ໄດ້ຮັບການຍົກລະດັບພາສາອັງກິດ




ໃນປີ 2019 ນາຍທະຫານ ຈາກກອງທັບປະຊາຊົນລາວ ຈຳ ນວນ 21 ຄົນໄດ້ເຂົ້າຮ່ວມສຳມະ ນາຫລັກສູດຢູ່ຕ່າງປະເທດ ທາງ ດ້ານການສອນພາສາອັງກິດ ແລະ ການພັດທະນາຄູ-ອາຈານ, ຫຼັກສູດທີ່ປຶກສາດ້ານບົດບາດຍິງ-ຊາຍ ແລະ ເຂົ້າຮ່ວມກອງປະ ຊຸມກົດໝາຍດ້ານການທະຫານ ຢູ່ປະເທດອົດສະຕຣາລີ ເຊິ່ງນັບ ແຕ່ປີ 1998 ຮອດປັດຈຸບັນ, ມີ ນາຍທະຫານຈາກກອງທັບປະ ຊາຊົນລາວ 469 ຄົນ ທີ່ໄດ້ຮັບ ທຶນເຝິກອົບຮົມໃນຫລັກສູດພາ ສາອັງກິດ ທີ່ສູນເຝິກອົບຮົມປ້ອງ ກັນຊາດສາກົນ(DITC) ເມືອງ ເມວເບິນ ໂດຍການສະໜັບສະ ໜູນຈາກລັດຖະບານ ອົດສະຕຣາ ລີ ເຊິ່ງ ທ່ານ ພັນເອກ ນາງ ແນໂຣ ລີ່ ແມັກໂດໂນ ທູດທີ່ປຶກສາດ້ານ ການທະຫານ ອົດສະຕຣາລີ ປະ ຈຳ ສປປ ລາວ ໄດ້ກ່າວໃນງານ ລ້ຽງພົບປະສິດເກົ່ານາຍທະຫານ ລາວ ແລະ ອົດສະຕຣາລີ ໃນວັນ ທີ 17 ຕຸລາ 2019 ທີ່ໂຮງແຮມ ຄຣາວພາຊາ ນະຄອນຫຼວງວຽງ ຈັນ ໂດຍການເຂົ້າຮ່ວມຂອງ ທ່ານ ຢີນ ເບີນາດ ຄາຣາດໂກ ເອກອັກຄະລັດຖະທູດ ອົດສະ ຕຣາລີ ປະຈໍາ ສປປ ລາວ, ທ່ານ ພັນໂທ ທວນຄໍາ ສຸກຈະເລີນ ຫົວໜ້າພະແນກການເມືອງ ແລະ ຄວາມໝັ້ນຄົງອາຊຽນກົມ ພົວພັນຕ່າງປະເທດ ກະຊວງ ປ້ອງກັນປະເທດ ພ້ອມດ້ວຍບັນ ດານັກສຶກສາທີ່ໄດ້ຮັບທຶນເຂົ້າຮ່ວມ. 


ທ່ານ ນາງ ແນໂຣລີ່ ແມັກໂດ ໂນ ກ່າວວ່າ: ການພົບປະນັກສຶກ ສາໃນຄັ້ງນີ້ແມ່ນການແລກປ່ຽນ ປະສົບການ ໂດຍສະເພາະແມ່ນ ການເຝິກອົບຮົມທາງດ້ານພາສາ ອັງກິດ, ມີຈຸດປະສົງເພື່ອຍົກລະ ດັບຄວາມສາມາດໃຫ້ແກ່ບັນ ດານາຍທະຫານເພື່ອໃຫ້ພວກ ເຂົາເຈົ້າສາມາດພົວພັນກັບ ບັນດາຄູ່ຮ່ວມມືສາກົນຢ່າງມີປະ ສິດທິຜົນ, ທັງສືບຕໍ່ຮັບໃຊ້ຜົນ ປະໂຫຍດຂອງທັງສອງປະ ເທດເປັນຢ່າງດີ. ໂຄງການນີ້ ໄດ້ມີການຂະຫຍາຍຕົວຢ່າງ ຫຼວງຫຼາຍໃນສອງທົດສະວັດ ທີ່ຜ່ານມາໂດຍ ສປປ ລາວ ແມ່ນໜຶ່ງໃນສອງປະເທດໃນພາກ ພື້ນທີ່ໄດ້ ຈັດທີມເຝິກອົບຮົມຄູ-ອາຈານ ມາຈາກ DITC ເອີ້ນ ວ່າ 'ການເຝິກອົບຮົມຄູເຝິກ' ໄດ້ ໃຫ້ການສິດສອນ ແລະ ໃຫ້ຄຳ ແນະນຳທີ່ມີຄຸນຄ່າແກ່ຄູ-ອາຈານ ສອນພາສາອັງກິດ ຈາກກອງທັບ ປະຊາຊົນລາວ ແລະ ຍັງເປີດໂອ ກາດໃຫ້ຄູຝຶກອົດສະຕຣາລີ ມີໂອກາດພັດທະນາມິດຕະພາບ ໃໝ່ໆກັບເພື່ອນຮ່ວມງານລາວນຳ ອີກ.

 ໂດຍ: ບົວລາວ

Post a Comment

0 Comments