ນັກທຸລະກິດຫນຸ່ມແຂວງຫຼວງພະບາງສາມາດຍາດມາໄດ້ 4 ລາງວັນ ໃນງານມອບ-ຮັບລາງວັນນັກທຸລະກິດດີເດັ່ນອາຊຽນ



ງານດັ່ງກ່າວແມ່ນໄດ້ຈັດຂຶ້ນ ໃນວັນທີ 4 ຕຸລາ 2019 ທີ່ ໂຮງແຮມ ຄຣາວພາຊາ ໂດຍໃຫ້ກຽດເຂົ້າຮ່ວມ ຂອງພະນະ ທ່ານ ສົມດີ ດວງດີ,​ ຮອງນາຍົກລັດຖະມົນຕີ ແຫ່ງ ສປປລາວ,​ ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງ ອຸດສາຫະກຳ ແລະ ການຄ້າ,​ ທ່ານ ເຈັນປີເຕີ ລຸບເຄັນແຮມ ເອກອັກຄະລັດຖະທູດ ສະຫະພັນເຢຍລະມັນ ປະຈຳ ສປປລາວ,​ ທ່ານ ທະນົງສິນ ກັນລະຍາ,​ ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ

ປີ 2019 ມີຜູ້ສະຫມັກ 24 ບໍລິສັດ,​ ຈຳນວນ 59 ແບບຟອມ,​ ຂັ້ນສູນກາງ 14 ບໍລິສັດ,​ ຂັ້ນແຂວງ 10 ບໍລິສັດ ແລະ ສະຫມັກມາທັງຫມົດ 19 ລາງວັນ ຈາກ 26 ລາງວັນຂອງ ASEAN.



       ຂໍສະແດງຄວາມຍີນດີກັບບັນດານັກທຸລະກິດທີ່ໄດ້ຮັບລາງວັນ ນັກທຸລະກິດດີເດັ່ນອາຊຽນ ຂອງ ສປປ.ລາວ ທຸກໆທ່ານເຊີ່ງປະກອບມີ:

1. ລາງວັນ ຂະແໜງ ຫັດຖະກໍາດີເດັ່ນ, ຮ້ານ ພາສາຜ້າ (ສະມາຊິກ ສະພາການຄ້າ ແລະ ອຸດສາຫະກໍາ ແຂວງຫຼວງພະບາງ)
2. ລາງວັນ ດ້ານການຈ້າງງານດີເດັ່ນ, ຮ້ານພາສາຜ້າ (ສະມາຊິກ ສະພາການຄ້າ ແລະ ອຸດສາຫະກໍາ ແຂວງຫຼວງພະບາງ)
3. ລາງວັນ ທຸລະກິດສີຂຽວດີເດັ່ນ, ແຫ່ງທ່ອງທ່ຽວນໍ້າຕົກຕາດຮ້ອຍຄົວ (ສະມາຊິກ ສະພາການຄ້າ ແລະ ອຸດສາຫະກໍາ ແຂວງຫຼວງພະບາງ)
4. ລາງວັນ ທຸລະກິດເພື່ອນມິດ ສປປ.ລາວ ບໍລິສັດ Laos Buffalo Dairy

ຂໍ້ມູນ:  ຫ້ອງການອຸດສາຫະກໍາການຄ້າຫລວງພະບາງ
ຂ່າວສານຫລວງພະບາງ

Post a Comment

0 Comments