ເປີດໂຄງການທັມມະຍາດຕຣາ 5 ແຜນດິນ


ຕອນບ່າຍ ວັນທີ 15 ຕຸລາ 2019

ທີ່ ວັດພະທາດຜາເງົາ ເມືອງຊຽງແສນ ຈັງຫວັດຊຽງລາຍ ປະເທດໄທໄດ້ມີພິທີເປີດໂຄງການທັມມະຍາດຕຣາ 5 ແຜນດິນປະກອບມີ (ປະເທດໄທ, ລາວ, ຫວຽດນາມ,ມ້ຽນມ້າ ແລະ ກໍາປູເຈ້ຍ) ຢ່າງເປັນທາງການ ໂດຍໄດ້ຮັບຄວາມເມດຕາເປັນປະທານຝ່າຍສົງໂດຍ ສົມເດັດພຣະມະຫາທີຣາຈານ ກໍາມະການເຖຣະສະມາຄົມ ຜູ້ປະຕິບັດໜ້າທີ່ດູແລພຣະທັມມະທູດສາຍຕ່າງປະເທດ ແລະ ປະທານຝ່າຍຄະຣາວາດໂດທ່ານ.ພລ.ອ.ໄພໂຣດ ພານິດສະໄໝ ສະມາຊິກວຸດທິສະພາ ຕົວແທນພລ.ອ.ປຣະວິດ ວົງສຸວັນ

ນອກຈາກນີ້ຍັງມີ ພຣະທັມມະໂພທິວົງ ຫົວໜ້າພຣະທັມມະທູດສາຍອິນເດຍ-ເນປານ, ເຈົ້າອາວາດວັດໄທພຸດທະຄະຍາ ອິນເດຍ, ທ່ານ ວິໄນ ວິຣະພຸຊົງ ປະທານມູນນິທິ ປະທານມູນນິທິວີຣະພຸຊົງ, ທ່ານສຸກພະໄຊ ວິຣະພູຊົງ ເລຂາທິການສະຖາບັນໂພທິຄະຍາວິຊາໄລ ແລະ ຕົວແທນແຕ່ລະປະເທດທັງຝ່າຍສົງ ແລະ ຝ່າຍຄະຣາວາດຈາກ 05 ປະເທດ.




 ໃນການຮ່ວມເດີນທາງທັມມະຍາຕຣາໃນຄັ້ງນີ້ມີທັງໝົດ 120 ອົງ/ທ່ານ, ພຣະສົງ 53 ອົງ ແລະຝ່າຍຄະຣາວາດ 67 ທ່ານ. ສໍາສັບຕົວແທນຊາວພຸດຈາກລາວມີຜູ້ຮ່ວມເດີນທາງທັງໝົດ 25 ອົງ/ທ່ານ, ພຣະສົງ 12 ອົງ, ຄະຣາວາດ 13 ທ່ານ ໄດ້ຮັບຄວາມເມດຕາຈາກ ພຣະອາຈານໃຫຍ່ ບຸນມາ ສິມາພົມ ຮອງປະທານ ສູນກາງ ອພສ. ຜູ້ຊີ້ນໍາວຽກງານກໍາມາທິການປົກຄອງສົງ ເປັນອົງເດີນທາງມາຮ່ວມເປີດງານ ແລະ ຝ່າຍຄະຣາວາດໂດຍທ່ານ ຈັນທະວົງ ແສງອໍາມາດມົນຕີ ຮອງປະທານສູນກາງແນວລາວສ້າງຊາດ.


 ໃນພິທີໄດ້ກ່າວໄດ້ຮັບຟັງການລາຍງານຈາກທ່ານ ສຸກພະໄຊ ວິຣະພູຊົງ ວ່າ: ການເດີນທາງທັມມະຍາຕຣາຄັ້ງນີ້ເປັນຄັ້ງທີ 2 ໂດຍໄດ້ມີຈຸດເລີ່ມຕົ້ນມາຈາກດິນແດນພຸດທະພູມ ອັນເປັນຈຸດກໍາເນີດຂອງພຣະພຸດທະສາສະໜາເຊື່ອມໂຍມມາສູ່ລຸ່ມແມ່ນໍ້າຂອງຜ່ານດິນແດນສຸວັນນະພູມ, ເລີ່ມຈາກປະນິທານຂອງ ພຣະອາຈານໃຫຍ່ມະຫາ ຜ່ອງສະມາເລິກ ອະດີດປະທານສູນກາງອົງການພຸດທະສາສະໜາສໍາພັນລາວ ກ່ອນຈະມໍລະນະພາບເພິ່ນໄດ້ວາງແນວທາງ “ໃຫ້ເດີນໝ້າມຸ່ງໝັ່ນທໍາງານຕໍ່ໄປ ແນວທາງພຸດພິກສຸວັນນະພູມ ງານນີ້ຈະເປັນງານປະຫວັດສາດຕໍ່ໄປຊົວການລະນານ”, ສະຖາບັນໂພທິຄະຍາວິຊາໄລ ໄດ້ນ້ອມຮັບຄໍາແນະນໍາ ແລະໄດ້ຂະຫຍາຍຜົນຕໍ່ມາເປັນງານ “ທັມມະຍາຕຣາ 5 ແຜນດິນ” ເປັນການຮ່ວມມືລະຫວ່າງເຄື່ອຂ່າຍພາຄີ 5 ແຜນດິນ ອັນປຽບເໝືອນການຮ່ວມຍາຕີທັມໃນດິນແດນລຸ່ມແມ່ນໍ້າຂອງມາບໍໍາເພັງກຸສົນ ປາຣະມີຮ່ວມກັນເພື່ອຢືນຍັງເຈຕະນາຄໍາສອນຂອງພຣະພຸດທະເຈົ້າມາປະຍຸກໃຊ້ໃນການດໍາເນີນຊິວິດ ເພື່ອໃຫ້ເກີດຄວາມຮົ່ມເຢັນອັນເກີດຈາກສັນຕິພາບທົ່ວແຜນດິນສຸວັນນະພູມ.

ການເດີນທາງໃນຄັ້ງນີ້ລະຫວ່າງວັນທີ 14-31 ຕຸລາ 2019 ເປັນເວລາ 18 ວັນ, ເສັ້ນທາງເລີ່ມແຕ່ພຣະທາດຜາເງົາ ອໍາເພີຊຽງແສນ ຈັງຫວັດຊຽງລາຍ, ມຸ່ງໜ້າສຸ່ລັດຊານ ປະເທດມ້ຽນມ້າ ຕໍ່ໄປຍັງຈັງຫວັດດຽນບຽນຟູ ປະເທດເຫວຽດນາມ ແລ້ວຍ້ອນກັບມາເມືອງຫຼວງພະບາງ ແລະ ເຂົ້າວຽງຈັນ ປະເທດລາວ ແລ້ວເດີນທາງເຂົ້າຈັງຫວັດອຸດອນທານີ, ສະກົນນະຄອນ, ນະຄອນພະນົມ ແລະ ຂ້າມດ່ານຈັງຫວັດສີສະເກດ ແລະ ຈັດພິທີປິດ ທີ່ເມືອງສຽມມະລາດ ປະເທດກໍາປູເຈ້ຍ.

ໃນພິທີຍັງໄດ້ຮັບການກ່າວຕ້ອນຮັບຢ່າງອົບອຸ່ນຈາກຜູ້ວ່າອໍາເພີ ໂດຍຈັດໃຫ້ມີການສະແດງວັດທະນະທໍາຖ້ອງຖິ່ນລ້ານນາ ແລະ ຈົບລົງດ້ວຍການສະແດງດົນດີພື້ນເມືອງຂອງມ້ຽນມ້າ

#ຂຽນຂ່າວແລະພາບໂດຍ: ຄູບາ ລາ ທິດາຈັນ ຄະນະເດີນທາງຮ່ວມງານ

Post a Comment

0 Comments