ຕ້ອງການງົບ 52 ຕື້ກວ່າກີບເພື່ອນໍາໄປຟື້ນຟູຫລັງນໍ້າຖ້ວມທີ່ ແຂວງອັດຕະປື



ອັດຕະປື: ປັດຈຸບັນອໍານາດການປົກຄອງແຂວງອັດຕະປື ໄດ້ເປັນເຈົ້າການຮີບຮ້ອນແຈກຍາຍເຄື່ອງບໍລິຈາກ ທີ່ໄດ້ຈາກພາກສ່ວນຕ່າງໆນໍາມາມອບ ເພື່ອໄປມອບໃຫ້ກັບປະ ຊາຊົນທີ່ໄດ້ຮັບຜົນກະທົບຈາກນໍ້າຖ້ວມໃນຕົ້ນເດືອນກັນ ຍາ 2019 ຜ່ານມາ. ໃນນັ້ນກໍໄດ້ມີການສໍາຫລວດເກັບກໍາຄອບ ຄົວຜູ້ທີ່ໄດ້ຮັບຄວາມເສຍຫາຍໜັກ ແລະ ຂາດເຂີນກ່ອນໝູ່ເພື່ອໃຫ້ການຊ່ວຍເຫລືອຢ່າງເລັ່ງດ່ວນ. ຂະນະດຽວກັນກໍຍັງສືບຕໍ່ເປີດຮັບບໍລິຈາກການຊ່ວຍເຫລືອຕ່າງໆ.



      ທ່ານ ອຸ່ນຫລ້າ ໄຊຍະສິດ ຮອງເຈົ້າແຂວງອັດຕະປື,ປະ ທານຄະນະກໍາມະການປ້ອງກັນ ແລະ ຄວບຄຸມໄພພິບັດໄດ້ໃຫ້ສໍາພາດໃນວັນທີ 2 ຕຸລາ 2019ວ່າ: ສະພາບເກີດອຸທົກ ກະໄພນໍ້າຖ້ວມຢູ່ແຂວງອັດຕະປື ແມ່ນໄດ້ສົ່ງຜົນກະທົບກວມເອົາ 5 ເມືອງ 89 ບ້ານ 15.164 ຄອບ ຄົວ. ມີເຮືອນຊານຂອງປະຊາຊົນໄດ້ຮັບຄວາມເສຍຫາຍຈໍານວນ 34 ຫລັງ ແລະ ຖືກນໍ້າພັດໄຫລ 12 ຫລັງ ແລະ ມີຜູ້ເສຍຊີວິດ 4 ຄົນ ຢູ່ເມືອງສາມັກຄີໄຊ 1 ຄົນ, ຊານໄຊ 3 ຄົນ, ໃນນັ້ນພື້ນຖານໂຄງລ່າງເປັນຕົ້ນຖະໜົນຫົນທາງ, ໂຮງ ຮຽນ, ສາທາບລະນະສຸກ, ເນື້ອທີ່ການຜະລິດ ແລະ ສັດ ລ້ຽງ ຄາດຄະ ເນມູນຄ່າເສຍຫາຍທັງໝົດ 82 ຕື້ກວ່າກີບ ໃນນັ້ນມູນຄ່າຄວາມຕ້ອງການໃນການນໍາໄປຊ່ວຍເຫລືອຟື້ນຟູຄັ້ງນີ້ປະມານ 52 ຕື້ກີບ.

Post a Comment

0 Comments