ປະກາດ ປະກາດ! ປະກາດໃຫ້ຊາບທົ່ວເຖິງກັນວ່າ ຢູ່ ສປປ ລາວ ມີ 5G ແລ້ວເດີ


ເປັນອີກຂ່າວສໍາຄັນຂອງວົງການ ເທັກໂນໂລຍີ ໂດຍສະເພາະ ຂະແໜງສືສານທາງອິນເຕີເນັດ ຂອງປະເທດລາວ ກັບການເປີດຕົວລະບົບ 5G ຂອງບໍລິສັດຍັກໃຫຍ່ວົງການ ໂທລະຄົມ ຂອງປະເທດລາວ ເຊິ່ງມີການເປີດທົດລອງນຳໃຊ້ເປັນຄັ້ງທຳອິດໃນປະຫວັດສາດ ໂດຍ ບໍລິສັດ ລາວໂທລະຄົມມະນາຄົມ ມະຫາຊົນ ໃນເຊົ້າວັນທີ 08 ຕຸລາ2019 ນີ້

ບໍລິສັດ ລາວໂທລະຄົມມະນາຄົມ ມະຫາຊົນ ເປັນບໍລິສັດທຳອິດ ທີ່ດຳເນີນທຸລະກິດໃນການບໍລິການທາງດ້ານການສື່ສານໂທລະຄົມມະນາຄົມແບບຄົບວົງຈອນ ໃນ ສປປ ລາວ ນັບແຕ່ປີ 1996 ເປັນຕົ້ນມາ, ໂດຍຍຶດໝັ້ນຫລັກການພັດທະນາເຕັກໂນໂລຊີຢ່າງມີຄວາມຮັບຜິດຊອບສູງຕໍ່ສັງຄົມ ກໍຄືປະເທດຊາດ ເພື່ອເປັນຜູ້ໃຫ້ບໍລິການທີ່ມີມາດຕະຖານທຽບເທົ່າສາກົນ



ການທົດລອງນຳໃຊ້ 5G ໃນມື້ນີ້ຖືວ່າເປັນຄວາມກ້າວໜ້າ ແລະ ທັນສະໄໝ ອີກໜຶ່ງໃນຄວາມພະຍາຍາມຂອງ ລາວໂທລະຄົມ ເພື່ອໃຫ້ສັງຄົມກ້າວສູ່ຍຸກທັນສະໄໝໃນຍຸກ Digital Life ອີກກ້າວ

ເຊິ່ງເປັນການຜັນຂະຫຍາຍນະໂຍບາຍການຫັນບັນດາທຸລະກິດທີ່ມີທ່າແຮງເປັນທັນສະໄໝ ສອດຄ່ອງກັບແຜນຍຸດທະສາດ 5ປີ(2016-2020) ຂອງກະຊວງ ໄປສະນີ ໂທລະຄົມມະນາຄົມ ແລະ ການສື່ສານ





 5G ຮອງຮັບຊ່ອງການເຊື່ອມຕໍ່ຫລາຍກ່ວາ10ເທົ່າ ຂອງ4Gມີຢູ່ ຫລື ເວົ້າງ່າຍໆ ວ່າເຮົາຈະສາມາດມີຊ່ອງທາງເຊື່ອມຕໍ່ຮອງຮັບເຖິງ 1ລ້ານ ອຸປະກອນ ຕໍ່ ຕາລາງກິໂລແມັດ


ເຊິ່ງຈະຮອງຮັບໂລກຍຸກ IOT ( Internet of things ) ຢ່າງແທ້ຈິງ ເຮັດໃຫ້ການເຊື່ອມຕໍ່ຂອງ smart home, smart city , smart transportation, smart life , smart health ເປັນໄປຢ່າງບໍ່ມີສະດຸດ ສາມາດສັ່ງການທຸກອຸປະກອນໄດ້ຜ່ານມືຖື ແລະ ອຸປະກອນຕ່າງໆສາມາດເຊື່ອມຕໍ່ປະສານກັນ ແລະ ຄວບຄຸມກັນເອງໄດ້ຢ່າງອັດຕະໂນມັດ




 ເວລາການຕອບສະໜອງຂອງ 5G ພຽງ1ມິນລິວິນາທີ(1ms) ແລະ ດ້ວຍຄວາມໄວດັ່ງກ່າວ 5Gຈະສາມາດຕອບໂຈດກຸ່ມຂອງນັກພັດທະນາ ແລະ ເກມເມີ້ ທີ່ຕ້ອງການ ການຕອບໂຕ້ໄວ ເພາະມີ Letency ຕໍ່າ



5G ຍັງສາມາດຕອບໂຈດການຂັບຂີ່ແຫ່ງໂລກອະນາຄົດທີ່ບໍ່ມີຄົນຂັບ  ທີ່ມີຄວາມປອດໄພສູງ ອີກທັງສາມາດປະຕິວັດວົງການການແພດເຊັ່ນການຜ່າຕັດທາງໄກ ແລະ ອື່ນໆ ພ້ອມທັງຍັງສາມາດພັດທະນາໃນໂລກສະເໝືອນຈິງ ແບບ AR ແລະ VR ( Virtual Reality ) ໄດ້ຢ່າງສົມບູນແບບ












------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------

Post a Comment

0 Comments