ວິທະຍາໄລຄູບ້ານເກິນ ໄດ້ຈັດພິທີສະເຫຼີມ ສະຫຼອງວັນຄູແຫ່ງຊາດ 7 ຕຸລາ ຄົບຮອບ 25 ປີ


ວັນທີ 9 ຕຸລາ 2019 ວິທະຍາໄລຄູບ້ານເກິນ ໄດ້ຈັດພິທີສະເຫຼີມ ສະຫຼອງວັນຄູແຫ່ງຊາດ 7 ຕຸລາ ຄົບຮອບ 25 ປີຂຶ້ນທີ່ສະໂມສອນ ວິທະຍາໄລຄູບ້ານເກິນ ເປັນປະທານຂອງທ່ານ ຄໍາພັນ ສິດທິດໍາພາ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງ ແຂວງ ວຽງຈັນ, ທ່ານ ນາງ ຈັນທະມາລາ ສຸທຳມະວົງ ຜູ້ອຳນວຍການວິທະຍາໄລ ຄູບ້ານເກິນ, ມີອະດິດການນຳ ພະນັກງານ ອາວຸໂສບໍານານ ແລະພະນັກງານຄູ-ອາຈານ, ນັກສຶກສາ ເຂົ້າຮ່ວມ700 ກວ່າຄົນ.

ໃນພິທີໄດ້ຮັບຊົມການສະແດງສິລະປະ ຮ້ອງເພັງ, ບົດຟ້ອນ ແລະອ່ານສານອວຍພອນວັນຄູຈາກນ້ອງນັກສຶກສາ, ໄດ້ຮັບຟັງການ ຂຶ້ນຜ່ານບົດສະຫຼຸບ-ແຜນການໃນການຈັດຕັ້ງປະຕິບັດການຮຽນ-ການສອນ ແລະ ຮັບຟັງການຂຶ້ນຜ່ານປະຫວັດຄວາມເປັນມາຂອງນາຍຄູຄຳ. ຈາກນັ້ນ, ກໍ່ໄດ້ທີການມອບກະຕ່າຂອງຂວັນ ເພື່ອສະແດງເຖິງ ຄວາມຮູ້ບຸນຄຸນ ທີ່ໄດ້ສິດສອນ.ໂອກາດນີ້ ທ່ານຄໍາພັນ ສິດທິດໍາພາ ໄດ້ຍົກໃຫ້ເຫັນມູນເຊື້ອ ກໍ່ຄື ຜົນງານຂອງຄູໃນໄລຍະຜ່ານມາ ແລະ ຄວາມສຳຄັນຂອງວຽກງານ ການສຶກສາທີ່ທຸກຄົນໃນສັງຄົມມີສ່ວນຮ່ວມນຳກັນ ແລະ ເປັນເຈົ້າການເຂົ້າໃນການພັດທະນາການສຶກສາເຮັດໃຫ້ວຽກງານ ມີບາດກ້າວຂະຫຍາຍຕົວດີຂຶ້ນເລື້ອຍໆ

Post a Comment

0 Comments