ລາວ-ຈີນ ຮ່ວມມືສ້າງສູນພັດທະນາ ລະບົບມາດຕະຖານ ການຜະລິດ ແລະ ການກັກກັນ ພືດ-ສັດ




ຂປລ.ໃນວັນທີ 12 ຕຸລາ 2019, ທີ່ນະຄອນຫລວງວຽງຈັນ ໄດ້ມີພິທີເຊັນສາຍາຮ່ວມມື ໂຄງການສ້າງສູນພັດທະນາລະບົດມາດຕະຖານການຜະລິດ ແລະ ການກັກກັນ ພືດ ແລະ ສັດ, ຜະ ລິດຕະພັນພືດ ແລະ ຜະລິດຕະພັນສັັດຂອງ ສປ ຈີນ ຢູ່ ສປປ ລາວ ລະຫວ່າງ ທ່ານ ຈັນທາ ທິບພະວົງພັນ ຫົວໜ້າກົມປູກຝັງ ກະຊວງກະຊວງກະສິກຳ ແລະ ປ່າໄມ້ ແລະ ທ່ານນາງ ຫລຽງ ຢ່າລີ່ ປະທານບໍລິສັດ ຢຸນນານຕຽນຈານ ຈຳກັດ ແຫ່ງ ສປ ຈີນ, ມີທ່ານ ລຽນ ທິແກ້ວ ລັດຖະມົນຕີກະ ຊວງກະສິທຳ ແລະ ປ່າໄມ້, ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມເປັນສັກຂີພິຍານ. 

ທ່ານ ຈັນທາ ທິບພະວົງພັນ ໃຫ້ຮູ້ວ່າ: ສູນພັດທະນາແຫ່ງນີ້, ແມ່ນເປັນການຊຸກຍູ້ສົ່ງເສີມການຜະລິດກະສິກຳ ໃຫ້ໄດ້ທັງປະລິດມານ ແລະ ຄຸຸນນະພາບ, ພ້ອມທັງແນໃສ່ຮັບປະກັນ ຄວາມປອດໄພໃນການສົ່ງອອກ ພືດ ແລະ ສັດ, ຜະລິດຕະພັນພືດ ແລະ ຜະລິດຕະພັນສັດ ຂອງ ສປປ ລາວ ໄປ ສປ ຈີນ ແລະ ສາກົນ ໂດຍການປະຕິບັດຕາມເງື່ອນໄຂ ຂອງການນຳເຂົ້າຂອງ ສປ ຈີນ ບົນພື້ນຖານມາດຕະຖານສາກົນ ດ້ານສຸຂະນາໄມ ແລະ ສຸຂະນາໄມພືດ ຂອງອົງການການຄ້າໂລກ ແລະ ການຄ້າຂາຍລະຫວ່າງຊາດ. ເງື່ອນໄຂດັ່ງກ່າວ ແມ່ນໄດ້ຮຽກຮ້ອງໃຫ້ສິນຄ້າກະສິກຳ ຂອງ ສປປ ລາວ ຕ້ອງມີຄຸນນະພາບ  ແລະ ໄດ້ມາດຕະຖານຕາມເງື່ອນໄຂທີ່ໄດ້ກຳນົດໄວ້; ນອກຈາກນີ້, ຍັງເປັນການສືບຕໍ່ໍຊຸກຍູ້ສົ່ງເສີມ ໂຄງການລົງທຶນດ້ານວິຊາການ ຂອງເອກະຊົນ ເຊິ່ງໂຄງການດັ່ງກ່າວ ເປັນໂຄງການລິເລີ່ມ ເພື່ອສ້າງພື້ນຖານໃນການຊຸກຍູ້ສົ່ງເສີມການຮ່ວມມືສອງຝ່າຍ ລາວ-ຈີນ  ບົນພື້ນ ຖານຄູ່ຮ່ວມມືຍຸດທະສາດຮອບດ້ານ ແລະ ສາຍພົວພັນມິດຕະພາບ 4 ດີ. 

Post a Comment

0 Comments