ຂະແໜງວຽກງານຄຸ້ມຄອງສື່ມວນຊົນຈາກ ສປປລາວ ເຂົ້າຮ່ວມສຳມະນາພາຍໃຕ້ໂຄງການ ທຶນການສຶກສາຜູ້ນຳໜຸ່ມໜ້ອຍ ອາຊຽນ-ຈີນ


ຄະນະຜູ້ແທນຕາງໜ້າ ຂະແໜງວຽກງານຄຸ້ມຄອງສື່ມວນຊົນຈາກ ສປປລາວ ເຂົ້າຮ່ວມສຳມະນາພາຍໃຕ້ໂຄງການ ທຶນການສຶກສາຜູ້ນຳໜຸ່ມໜ້ອຍ ອາຊຽນ-ຈີນ (ASEAN-China Young Leaders' Scholarship), ທີ່ ນະຄອນຫຼວງປັກກິ່ງ, ສປຈີນ 



     ໃນວັນທີ 15 ຕຸລາ 2019 ທີ່ຜ່ານມາ ທີ່ ນະຄອນຫຼວງປັກກິ່ງ, ຄະນະຜູ້ແທນຕາງໜ້າຂະແໜງວຽກງານຄຸ້ມຄອງສື່ມວນຊົນ ໂດຍມີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ກະຊວງການຕ່າງປະເທດ ຈຳນວນ 03 ທ່ານ ຈາກ ສປປ ລາວ ເຂົ້າຮ່ວມສຳມະນາ ພາຍໃຕ້ໂຄງການ ທຶນການສຶກສາຜູ້ນຳໜຸ່ມໜ້ອຍ ອາຊຽນ-ຈີນ (ASEAN-China Young Leaders' Scholarship) ໃນຫົວຂໍ້: "ການສົ່ງເສີມ ການແລກປ່ຽນດ້ານ ຂໍ້ມູນຂ່າວສານ ແລະ ສື່ມວນຊົນ ອາຊຽນ-ຈີນ (Enhancing ASEAN-China Informatoin and Media Exchange), ໃນລະຫວ່າງວັນທີ 14-23 ຕຸລາ 2019 ທີ່ ນະຄອນຫວງປັກກິ່ງ, ສປ ຈີນ.



 ຈຸດປະສົງຂອງໂຄງການດັ່ງກ່າວແມ່ນ ເພື່ອສ້າງຄວາມເຂັ້ມແຂງໃນການແລກປ໋ຽນຄວາມຄິດເຫັນ ແລະ ການສື່ສານ, ການແບ່ງປັນປະສົບການ, ການປະຕິບັດວຽກງານໃຫ້ມີຜົນສຳເລັດ, ການສົນທະນາ, ການສ້າງໂອກາດ ແລະ ສິ່ງທີ່ທ້າທາຍ ລວມເຖິງການເສີມຂະຫຍາຍຄວາມຮູ້ຄວາມສາມາດໃນການກໍ່ສ້າງພະນັກງານດ້ານສື່ມວນຊົນ ຂອງສື່ມວນຊົນ ອາຊຽນ-ຈີນ.



     ໃນວາລະໂອກາດນີ້ ຄະນະດັ່ງກ່າວ ກໍໄດ້ເດິນທາງຢ້ຽມຢາມພົບປະ ກະຊວງການຕ່າງປະເທດຂອງ ສປ ຈີນ, ສະຖານີວິທະຍຸ CRI ແຫ່ງປະເທດຈີນ, ສະຖານີໂທລະພາບ CCTV, ມະຫາວິທະຍາໄລ ການສື່ສານ ຂອງປັກກິ່ງ. ນອກຈາກນີ້ ໄດ້ຢ້ຽມຢາມບັນດາບໍລິສັດ ແລະ ຢ້ຽມຊົມແຫຼ່ງທ່ອງທ່ຽວຕ່າງໆຢູ່ໃນ ນະຄອນຫຼວງປັກກິ່ງອີກດ້ວຍ.

ຂ່າວ-ພາບ: ລັດຕະນາວັນ ວົງຈັນດີ

Post a Comment

0 Comments