ປິດຂະບວນການແຂ່ງຂັນກິລາ ແລະ ສິລະປະວັນນະຄະດີ ທົ່ວກົມວິທະຍາສາດ - ປະຫວັດສາດການທະຫານ




ພິທີປິດຂະບວນການແຂ່ງ ຂັນກີລາ ແລະ ສີລະປະວັນນະ ຄະດີ ເພື່ອຕ້ອນຮັບກອງປະຊຸມ ໃຫຍ່ຄັ້ງທີ IV ຂອງຄະນະພັກ ຮາກຖານ ກົມວິທະຍາສາດ-ປະ ຫວັດສາດການທະຫານ ໄດ້ຈັດ ຂຶ້ນໃນວັນທີ 22 ຕຸລາ ນີ້, ໂດຍ ການເຂົ້າຮ່ວມຂອງ ສະຫາຍ ພົນຈັດຕະວາ ວຽງໄຊ ສົມວິຈິດຫົວໜ້າກົມວິທະຍາສາດ-ປະ ຫວັດສາດ ການທະຫານ, ມີຄະ ນະພັກຄະນະບັນຊາ ແລະ ພະ ນັກງານ- ນັກຮົບພາຍໃນກົມເຂົ້າ ຮ່ວມ.


 ສະຫາຍ ພັນໂທ ສຸລິ ຍົງໄຊ ຍະວົງ ຮັກສາການຫົວໜ້າພະ ແນກການເມືອງໄດ້ຂຶ້ນຜ່ານ ບົດສະຫຼຸບ ໂດຍຜ່ານການຈັດ ຕັ້ງປະຕິບັດຕົວຈິງເປັນເວລາ ເກືອບສອງເດືອນສາມາດຕີລາ ຄາໄດ້ດັ່ງນີ້: ກີລາບານສົ່ງ ເຂົ້າຮ່ວມ ທັງໝົດ 7 ທີມ, ຊະ ນະເລີດແມ່ນພະແນກບໍລິຫານ, ຮອງຊະນະເລີດແມ່ນພະແນກ ວິທະຍາສາດ, ກີລາເປຕັງປະສົມ ຊາຍ-ຍິງຊະນະເລີດແມ່ນພະ ແນກບໍລິຫານ, ຮອງຊະນະເລີດ ແມ່ນພະແນກການເມືອງ+ການ ເງິນ. ສຳລັບສິລະປະວັນນະຄະ ດີໄດ້ສະແດງຜ່ານມີລາຍການ ຟ້ອນ 3 ລາຍການ, ຮ້ອງເພັງ ດ່ຽວ ແລະ ເພັງລວມໝູ່ ທັງ ໝົດ 8 ລາຍການ ເພື່ອກະກຽມ ຮັບໃຊ້ໜ້າທີ່ລວມຂອງກົມ ໃນ ໂອກາດກອງປະຊຸມໃຫຍ່ຄະນະ ພັກຮາກຖານກົມຄັ້ງທີ IV ຂອງ ຕົນທີ່ຈະມາເຖິງນີ້. 


ໂອກາດນີ້ ສະຫາຍ ຫົວໜ້າກົມ ວິທະຍາສາດ-ປະຫວັດສາດ ການ ທະຫານ ຍັງໄດ້ສະແດງຄວາມ ຍ້ອງຍໍຊົມເຊີຍທຸກພາກສ່ວນທີ່ມີ ສ່ວນຮ່ວມໃນຂະບວນການລວມ ຂອງກົມກອງຄັ້ງນີ້ ພ້ອມທັງ ຮຽກຮ້ອງໃຫ້ທຸກສະຫາຍເຫັນ ໄດ້ຄວາມໝາຍຄວາມສຳຄັນ ຂອງວຽກທີ່ຕົນໄດ້ປະກອບ ສ່ວນຖືວ່າໄດ້ປະກອບສ່ວນໃຫ້ ກົມກອງຕາມທິດຊີ້ນຳຂອງກະ ຊວງໃນການສ້າງກອງວັດທະ ນະທຳ, ນັກຮົບວັດທະນະທຳ, ສ້າງໃຫ້ພະນັກງານ-ນັກຮົບມີ ຄວາມເບີກບານມ່ວນຊື່ນຮັກສາ ໄດ້ຄວາມສາມັກຄີ, ສ້າງໃຫ້ກົມ ກອງມີຮອຍຍິ້ມ, ມີຄວາມເບີກ ບານມ່ວນຊື່ນຮັບປະກັນເຮັດສຳ ເລັດໜ້າທີ່ວິຊາສະເພາະຕາມຂັ້ນ ເທິງມອບໝາຍໃຫ້ເປັນຢ່າງດີ.

 ໂດຍ: ສອນໄຊ ສຸກສິງຈັນ

Post a Comment

0 Comments