ຫົວໜ້າກົມໃຫຍ່ພະລາທິການກອງທັບ ເຂົ້າຢ້ຽມຂ່ຳນັບ ສະຫາຍ ພົນເອກ ຄຳໄຕ ສີພັນດອນ




     ເນື່ອງໃນໂອກາດທີ່ ສະ ຫາຍ ພົນຕີ ປອ ວົງຄໍາ ພົມມະກອນ ກໍາມະການຄະນະປະຈໍາ ພັກກະຊວງປ້ອງກັນປະເທດ ຫົວໜ້າກົມໃຫຍ່ພະລາທິການກອງ ທັບ ແລະ ສະຫາຍ ພົນຈັດຕະວາ ຄໍາມ່ວນ ເລືອງວັນຫຼ້າ ຮອງຫົວໜ້າຫ້ອງວ່າການກະຊວງ ປ້ອງກັນປະເທດ ພ້ອມດ້ວຍຄະ ນະ ຕາງໜ້າໃຫ້ກະຊວງປ້ອງ ກັນ ປະເທດ ລົງເຄື່ອນໄຫວມອບ ເຄື່ອງຊ່ວຍເຫຼືອໃຫ້ປະຊາຊົນທີ່ ໄດ້ຮັບຜົນກະທົບຈາກໄພພິບັດ ທໍາມະຊາດນໍ້າຖ້ວມຢູ່ບັນດາ ແຂວງພາກໃຕ້ຂອງລາວ, ໂດຍ ໃນວັນທີ 25 ຕຸລານີ້, ຄະນະດັ່ງ ກ່າວກໍໄດ້ເຂົ້າຢ້ຽມຂໍ່ານັບ ສະ ຫາຍ ພົນເອກ ຄໍາໄຕ ສີພັນດອນ ອະດີດເລຂາທິການໃຫຍ່ ອະ ດີດປະທານປະເທດແຫ່ງ ສປປ ລາວ ຢູ່ທີ່ເມືອງປາກຊ່ອງ ແຂວງ ຈໍາປາສັກ.



 ໂອກາດນີ້, ສະຫາຍ ພົນຕີ ປອ ວົງຄໍາ ພົມມະກອນ ກໍາມະ ການຄະນະປະຈໍາພັກກະຊວງ ປ້ອງກັນປະເທດ ຫົວໜ້າກົມໃຫຍ່ພະລາທິການກອງທັບກໍໄດ້ ລາຍງານໃຫ້ຊາບໂດຍຫຍໍ້ສະ ພາບການຈັດຕັ້ງປະຕິບັດຂົງ ເຂດວຽກງານຕາມ 4 ໜ້າທີ່ ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກເປັນຕົ້ນແມ່ນວຽກງານເຮັດໃຫ້ສະພາບມີຄວາມສະ ຫງົບ, ສະພາບການປັບປຸງກໍ່ ສ້າງກຳລັງໃນໄລຍະຜ່ານມາ, ໂດຍໄດ້ລົງເລິກຂົງເຂດວຽກ ງານການຮັບປະກັນດ້ານພະລາ ທິການໃນທົ່ວກອງທັບສົກປີ 2019 ຜ່ານມາ. 

ຈາກນັ້ນ ສະຫາຍ ພົນເອກ ຄໍາໄຕ ສີພັນດອນ ອະດີດເລຂາ ທິການໃຫຍ່ ອະດີດປະທານປະ ເທດແຫ່ງ ສປປ ລາວ ກໍໄດ້ໃຫ້ທິດຊີ້ນໍາຫຼາຍບັນຫາສໍາຄັນໂດຍສະເພາະຂົງເຂດວຽກງານພະ ລາທິການໃນກອງທັບ, ເນັ້ນໃຫ້ ບັນດາກົມກອງຕ່າງໆປັບປຸງກໍ່ສ້າງພື້ນຖານພະລາທິການກັບທີ່ ໃຫ້ມີຄວາມໜັກແໜ້ນເຂັ້ມແຂງ, ໃນນີ້ໃຫ້ເອົາໃຈໃສ່ໃນການປຸງ ແຕ່ງຜະລິດຕະພັນ, ສ້າງພະລາ ທິການຮັບປະກັນໃຫ້ແກ່ກອງທັບ ໄດ້ດີກວ່າເກົ່າ ຖືເອົາການປູກຝັງ-ລ້ຽງສັດເປັນສໍາຄັນ, ພ້ອມທັງ ຄົ້ນຄວ້າ ແລະ ນໍາໃຊ້ທາງດ້ານ ເຕັກນິກວິທະຍາສາດ, ເທັກໂນ ໂລຢີເຂົ້າສູ່ການຜະລິດໃຫ້ມີປະ ສິດທິຜົນສູງກວ່າເກົ່າ, ນອກ ຈາກຮັບປະກັນໃຫ້ແກ່ກອງທັບໄດ້ດີແລ້ວຕ້ອງໄດ້ປະກອບສ່ວນ ເຂົ້າໃນການພັດທະນາເສດຖະກິດ ສັງຄົມຂອງປະເທດຕາມເງື່ອນ ໄຂທ່າແຮງຕົວຈິງ.

 ໂດຍ: ນ. ຍ້ອມເພັດ

Post a Comment

0 Comments