ງານສະເຫລີມສະຫລອງບຸນກາເຟສາກົນ ທີ່ເມືອງ ປາກຊ່ອງ ຈັດຂຶ້ນຢ່າງຄືກຄື້ນ


ໃນວັນທີ 1 ຕຸລາ 2019 ທີ່ບ້ານຫລັກ 40 ເມືອງ ປາກຊ່ອງ ໄດ້ຈັດງານສະເຫລີມສະຫລອງບຸນກາເຟສາກົນ ທີ 1 ຕຸລາ ຄົບຮອບ 5 ປີ ເປັນກຽດເຂົ້າຮ່ວມໂດຍ ທ່ານ ນາງ ບອນຄໍາ ເວີ່ນໂພຄໍາ ຄະນະຫົວໜ້າຄະນະໂຄສະນາອົບຮົມເມືອງ ປາກ ຊ່ອງ, ມີຄະນະສະມາຄົມກາເຟລາວ, ບໍລິສັດ ຄິວບິກ, ອາວສະ ແປນ, ຜູ້ຕາງໜ້າໂຄງການຮ່ວມມືລາວ -ເຢຍລະມັນ (GIZ), ມີບັນດາສະມາຊິກສະຫະກອນກາເຟ ບ້ານຫລັກ 40 ເມືອງ ປາກຊ່ອ ງເຂົ້າຮ່ວມຢ່າງພ້ອມພຽງ.



   ກິດຈະກໍາສະເຫລີມສະຫລອງວັນບຸນກາເຟສາກົນ ຈັດເປັນ ຄັ້ງທໍາອິດ ຢູ່ ເມືອງ ປາກຊ່ອງ ແຂວງ ຈໍາປາສັກ ແລະ ແມ່ນ ຄັ້ງທີ 2 ຂອງ ສປປ ລາວ ທີ່ໄດ້ຮັບກຽດເປັນເຈົ້າພາບທີ່ຈັດ ຂຶ້ນໃນປີ 2018 ທີ່ ນະຄອນຫລວງວຽງຈັນ, ສໍາລັບຄັ້ງນີ້ຜູ້ເຂົ້າ ຮ່ວມໄດ້ຮັບຟັງປະຫວັດຄວາມເປັນມາຂອງວັນບຸນກາເຟສາກົນ, ຄວາມເປັນມາຂອງກາເຟລາວ, ກາເຟປາກຊ່ອງເຂດ ພູພຽງບໍລະເວນ, ພ້ອມນີ້ ຍັງມີການສົນທະນາແລກປ່ຽນບົດ ຮຽນການຜະລິດກາເຟ ແລະ ການຕະຫລາດ, ຮັບຊົມຂັ້ນ ຕອນການຜະລິດກາເຟໃຫ້ມີຄຸນນະພາບ ແລະ ຍືນຍົງ, ການ ສາທິດວິທີການຂົ້ວກາເຟ, ຊົງກາເຟ, ຊີມລົດຊາດກາເຟຂອງ ແຕ່ລະພາກສ່ວນ. ພິເສດຍັງມີກິດຈະກໍາຫລິ້ນເກມຊີງລາງ ວັນເຊັ່ນ: ຕໍາກາເຟ, ຝັດກະເຟ ແລະ ເລືອກຊື້ສິນຄ້າເອກະ ລັກຂອງຊາວເມືອງປາກຊ່ອງ ທີ່ນໍາມາວາງສະແດງ ແລະ ຈໍາ ໜ່າຍດ້ວຍລາຄາທີ່ບໍ່ພຽງ.



   ຈຸດປະສົງການຈັດກິດຈະກໍາຄັ້ງນີ້ ເພື່ອເຜີຍແຜ່ຄວາມ ເປັນມາຂອງກາເຟລາວ, ກາເຟໂລກ ແນໃສ່ສົ່ງເສີມການຜະ ລິດກາເຟໃຫ້ມີຄຸນນະພາບ ແລະ ກວ້າງຂວາງ,ຂະຫຍາຍ ການສົ່ງອອກໃຫ້ເພີ່ມຂຶ້ນເພື່ອສ້າງລາຍຮັບໃຫ້ແກ່ຊາວສວນ

ຂ່າວ: ເກດສະໜາ ແກ້ວສຸວັນນະແສງໍ

Post a Comment

0 Comments