ປກສ ນະຄອນຫລວງ ຈູດທຳລາຍຢາເສບຕິດ ຈໍານວນຫຼາຍ



      
  ຂປລ.ໃນວັນທີ 12 ຕຸລາ 2019 ຜ່ານມານີ້, ກອງບັນຊາການປ້ອງກັນຄວາມສະຫງົບ  ນະຄອນຫລວງວຽງຈັນ ໄດ້ຈູດທຳລາຍຢາເສບຕິດ ທີ່ສານຕັດສິນແລ້ວ ມາຈາກກົມຕໍາຫລວດ 303 ແລະ ທົ່ວ ປກສ ນະຄອນຫລວງວຽງຈັນ ເນື່ອງໃນໂອກາດວັນແຫ່ງຊາດຕ້ານຢາເສບຕິດຄົບຮອບ 18 ປີ(12/10/2001-12/10/2019) ໂດຍມີທ່ານ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.



ທ່ານ ພົຈວ ບຸບຜາ ສີພົມມາ ຫົວໜ້າກອງບັນຊາການປ້ອງກັນຄວາມສະຫງົບ  ນະຄອນ ຫລວງວຽງຈັນ ລາຍງານໃຫ້ຮູ້ວ່າ: ຢາເສບຕິດທີ່ນໍາມາທໍາລາຍໃນຄັ້ງນີ້, ມີຢາບ້າ ຈໍານວນ 385 ກິໂລກຣາມ, ເຮໂລອິນ 93 ກິໂລກຣາມ, ຢາໄອສ໌ 37 ກິໂລກຣາມ, ຄັນຊາແຫ້ງ 8 ກິໂລ, ແປ້ງເຮັດຢາບ້າ 67 ກິໂລ, ແປ້ງຄາເຟອິນ 41 ເປົາ, ໂຣເດຍໂອມ 64 ກິໂລ, ຣິຊິສເດ 18 ກິໂລ, ແປ້ງສີ ຄຣີມ 310 ກຣາມ, ແປ້ງຝຸ່ນສີຂາວ 8,8 ກິໂລກຣາມ, ແປ້ງຝຸ່ນສີສົ້ມ 67 ກຣາມ, ແປ້ງຝຸ່ນສີບົວກຸຫລາບ+ບົວປູນ 113 ກຣາມ, ແປ້ງສີແດງຊໍ້າ 56 ກຣາມ, ແປ້ງສີແດງ 17,2 ກິໂລກຣາມ, ໂສດາໄຟ 17 ເປົາ, ໃບຕົ້ນແຄັດ 39 ກິໂລກຣາມ. ລວມທັງໝົດ 741 ກິໂລ ແລະ ແປ້ງຄາເຟອິນ+ໂສດາໄຟ 58 ເປົາ. 

ຂ່າວ-ພາບ: ທະນູທອງ

Post a Comment

0 Comments