ທະຫານແຂວງໄຊສົມບູນ ມອບເງິນຊົດເຊີຍໃຫ້ຄອບຄົວທີ່ຖືກຜົນກະທົບຈາກການກໍ່ສ້າງເສັ້ນທາງ ໂຮງຮຽນການທະຫານທ້ອງຖິ່ນ




ໃນວັນທີ 10 ຕຸລານີ້, ຢູ່ທີ່ສະ ໂມສອນ ກອງບັນຊາການທະ ຫານ ແຂວງໄຊສົມບູນ ໄດ້ຈັດພິທີ: ມອບຮັບເງິນຊົດເຊີຍໃຫ້ແກ່ຄອບ ຄົວຜູ້ທີ່ຖືກຜົນກະທົບຈາກການກໍ່ສ້າງເສັ້ນທາງໂຄງການກໍ່ສ້າງ ໂຮງຮຽນການທະຫານທ້ອງຖິ່ນ ທະຫານແຂວງໄຊສົມບູນ; ໂດຍ ການເຂົ້າຮ່ວມເປັນປະທານຂອງ ສະຫາຍ ພັນເອກ ຈັນທີ ວັນລາວົງ ເລຂາຄະນະພັກ, ຫົວໜ້າການເມືອງ ກອງບັນຊາການທະຫານ ແຂວງໄຊສົມບູນ, ມີຄະນະພັກ- ຄະນະບັນຊາ ອົງການ 5 ຫ້ອງ, ມີເລຂາພັກບ້ານ-ນາຍບ້ານ, ບ້ານ ຖໍ້າໂລ້ ພ້ອມດ້ວຍຄອບຄົວຜູ້ທີ່ຖືກ ຜົນກະທົບ ຈໍານວນ 2 ຄອບຄົວ ເຂົ້າຮ່ວມ.


 ສະຫາຍ ພັນໂທ ເພັດລັງສີ ພິຈິດ ຮອງຫົວໜ້າ ຫ້ອງພະລາທິການ ກອງບັນຊາການທະຫານແຂວງ ໄດ້ຂຶ້ນກ່າວຈຸດປະສົງກ່ຽວກັບ ການມອບຮັບເງິນຊົດເຊີຍໃຫ້ແກ່ ຄອບຄົວຜູ້ທີ່ຖືກຜົນກະທົບ ພ້ອມ ທັງເຮັດບົດທຶກ ແລະ ລົງລາຍເຊັນ ມອບຮັບ ລະຫວ່າງຄະນະພັກ- ຄະນະບັນຊາກອງບັນຊາການ ທະຫານແຂວງ ແລະ ຄອບຄົວ ຜູ້ທີ່ຖືກຜົນກະທົບດັ່ງກ່າວນີ້ແມ່ນ ດິນນາ, ໄຮ່, ສວນ, ລວມມູນຄ່າ ທົດແທນທັງໝົດ 17.000.000 ກີບ, ກ່າວມອບໂດຍ ສະຫາຍ ພັນ ເອກ ຈັນທີ ວັນລາວົງ ເລຂາຄະ ນະພັກ ຫົວໜ້າການເມືອງກອງ ບັນຊາການທະຫານແຂວງໄຊ ສົມບູນ, ພ້ອມທັງໄດ້ໂອ້ລົມ ແລະ ຮຽກຮ້ອງຕໍ່ກັບອໍານາດ ການປົກຄອງບ້ານຕ້ອງໄດ້ເອົາ ໃຈສຶກສາອົບຮົມການເມືອງແນວ ຄິດໃຫ້ພໍ່ແມ່ປະຊາຊົນພາຍໃນ ບ້ານຂອງຕົນໄດ້ຮັບຮູ້ເຊື່ອມຊຶມ ຕໍ່ແນວທາງແຜນນະໂຍບາຍ ຂອງພັກ ແລະ ບັນດາກົດໝາຍ ຂອງລັດ; ໃຫ້ເຂົາເຈົ້າໄດ້ຮັບຮູ້ ຢ່າງທົ່ວເຖິງ ແລະ ມີແນວຄິດອຸ່ນ ອຽນທຸ່ນທ່ຽງ; ເປັນເຈົ້າການ ຮ່ວມມື ແລະ ຊ່ວຍເຫຼືອເຊິ່ງກັນ ແລະ ກັນ ເພື່ອແນໃສ່ອໍານວຍ ຄວາມສະດວກໃຫ້ແກ່ໂຄງການກໍ່ສ້າງໃນຄັ້ງນີ້ໄດ້ສໍາເລັດຜົນໄປດ້ວຍດີ.

 ໂດຍ: ສົດນາມໄຕ

Post a Comment

0 Comments