ເຊກອງເປີດຂາຍເຂົ້າສານເພື່ອແກ້ໄຂລາຄາເຂົ້າແພງ



ເຊກອງ: ພະແນກອຸດສາຫະກຳ ແລະ ການຄ້າແຂວງເຊກອງ ເປີດຂາຍເຂົ້າສານໜຽວ ຢູ່ທີ່ຈຸດສູນການຄ້າ ໃນວັນທີ 3 ຕຸລາ 2019 ເພື່ອດັດສົມລາຄາເຂົ້າສານໜຽວ ແລະ ແຊກແຊງລາຄາເຂົ້າ ທີ່ມີການເໜັງຕີງຂຶ້ນສູງໃນຊ່ວງໄພພິບັດໄພນໍ້າຖ້ວມໃນຕົ້ນເດືອນກັນຍາ ຜ່ານມາ ທັງນີ້ ກໍເພື່ອເຮັດໃຫ້ພະນັກງານ, ທະຫານຕໍາຫລວດ ຕະຫລອດຮອດພໍ່ແມ່ປະຊາຊົນ ໄດ້ຊື້ເຂົ້າກິນໃນລາຄາທີ່ເໜາະສົມ 7000ກີບ/ກິໂລ.ໂດຍມີທ່ານ ເຫລັກໄຫລ ສີວິໄລ ຮອງເຈົ້າແຂວງເຊກອງ,ມີເຈົ້າເມືອງລະມາມ,ຫົວໜ້າພະແນກອຸດສະຫະກໍາ ແລະ ການຄ້າແຂວງ,ພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມ.




ທ່ານ ອຸດົມ ສົມຈັນທາ ຮອງອໍານວຍການບໍລິສັດການຄ້າຂາອອກ-ຂາເຂົ້າເມືອງລະມາມ ເປີດເຜີຍໃຫ້ຮູ້ວ່າ:ເພື່ອເປັນການນໍາເອົາເຂົ້າມາແຊກແຊງລາຄາ ແລະ ດັດສົມຕະຫລາດໃນຄັ້ງນີ້ແມ່ນບໍລິສັດຈະເປັນຜູ້ເຮັດໜ້າທິ່ໃນການສະໜອງເຂົ້າໂດຍໄດ້ນໍາເອົາເຂົ້າສານປະເພດ 2 ອອກມາແຊກແຊງລາຄາຈໍານວນທັງໝົດ 50 ໂຕນ.ເຊິ່ງມີຈູດຈໍາໜ່າຍເບື້ອງຕົ້ນແມ່ນເດີ່ນຂອງສູນການຄ້າແຂວງເຊກອງເລີ່ມແຕ່ວັນທີ 3 ຕຸລາ 2019  ໃນລາຄາ 7000 ກີບ/ກິໂລ ຖ້າຫາກລາຄາເຂົ້າກິນຍັງມີສະພາບລາຄາເໜັງຕິງກໍອາດຈະຂະຫຍາຍລົງສູ່ເມືອງອື່ນໆຕື່ມອີກ.

ພາບແລະຂ່າວ: ນັກຂ່າວແຂວງເຊກອງ

Post a Comment

0 Comments