ເຕືອນໄພ! ສາວລາວ ຄົບຫາກັບຊາຍເກົາຫຼີ ອາດຕົກເປັນເຫຍື່ອຂອງຂະບວນການຄ້າມະນຸດ! ຂໍໃຫ້ກວດສອບດີໆ ກ່ອນຕັດສິນໃຈ


ບັນຫາການຄ້າມະນຸດ ທ່ີ່ມາໃນຮູບແບບ ການແຕ່ງງານ ແລະ ຄົບກັບ ຄົນຕ່າງປະເທດ ແມ່ນລະບາດ ໃນຫຼາຍປະເທດ ເຊິ່ງທີ່ຜ່ານມາ ກໍ່ເຫັນເປັນຂ່າວ. ເຊິ່ງມີພົນລະເມືອງດີ ໄດ້ສົ່ງຂໍ້ມູນ ເຕືອນໄພ ມາຍັງ ໂທລະໂຄ່ງ ກັບຂະບວນການຄ້າມະນຸດ ທີ່ມາຕິດຕໍ່ເອົາຍິງສາວລາວ ໃຫ້ກັບ ຊາຍ ທີ່ປະເທດເກົາຫຼີ ເຊິ່ງຈະເຫັນວ່າ ປະຈຸບັນ ມີແມ່ຍິງລາວຈໍານວນ ຫຼາຍ ແມ່ນເດີນທາງໄປປະເທດ ເກົາຫຼີ.

ຈໍານວນໜຶ່ງທີ່ໂຊກດີ ກໍ່ໄດ້ຜູ່ຊາຍດີ ມາເປັນສາມີ, ແຕ່ກໍ່ມີຈໍານວນຫຼາຍ ທີ່ອາດຕົກເປັນເຫຍື່ອ ຂອງຂະບວນການຄ້າມະນຸດ. ດັ່ງຂໍ້ມູນທີ່ພົນລະເມືອງດີໄດ້ສົ່ງເຂົ້າມາ.


ເຊິ່ງປະຈຸບັນ ມີຫຼາຍເວັບໄຊ ທີ່ປະເທດເກົາຫຼີ ມີການເຜີຍແຜ່ຂໍ້ມູນ ສາວລາວ ເພື່ອໃຫ້ເລືອກຄູ່ ຈໍານວນຫຼາຍ, ເຊິ່ງແນ່ນອນ ຍິ່ງສາວຈໍານວນໜື່ງແມ່ນເຕັມໃຈໃຫ້ຂໍ້ມູນ ແລະ ອີກສ່ວນໜື້່ງອາດບໍ່ຮູ້ເລີຍວ່າ ຂໍ້ມູນຂອງຕົນເອງນັ້ນ ຈະຖືກສົ່ງໄປທາງໂລກອິນເຕີເນັດ ຢູ່ໃສແດ່.





ເວັບໄຊທີ່ມີຂໍ້ມູນ ເລື່ອງການຄ້າບໍລິການ: https://www.allman04.com/movie/view?web_idx=9205&sev_idx=159560

ຂໍ້ມູນບາງສ່ວນ ທີ່ໂຊຢູ່ເວັບໄຊ ທີ່ປະເທດເກົາຫຼີ


ດັ່ງນັ້ນ ຈິ່ງແຈ້ງເຕືອນ ໃຫ້ແມ່ຍິງລາວທຸກຄົນ ຕ້ອງມີສະຕິລະວັງຕົວ, ຫາກຈະຄົບແບບ ຄົນຮັກ ກໍ່ຕ້ອງ ກວດສອບຂໍ້ມູນລະອຽດ ແລະ ມີການຮັບຮູ້ ຈາກການຈັດຕັ້ງ ແລະ ສະຖານທູດ ຂອງປະເທດ ເກົາຫຼີ ເພື່ອປ້ອງກັນ ບັນຫາ ຕົກເປັນ ເຫຍື້ອ ຂອງຂະບວນການຄ້າມະນຸດ.

ຖ້າພົບເຫັນ ສາມາດ ໂທຫາສາຍດ່ວນ 1362 ປົກປ້ອງ ແມ່ຍິງ ແລະ ເດັກນ້ອຍ
ຮຽກຮ້ອງໃຫ້ທາງເຈົ້າໜ້າທີ່ ຊ່ວຍຕິດຕາມ ແລະ ກວດສອບບັນຫານີ້ດ້ວຍ.





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------


Post a Comment

0 Comments