ມອບ-ຮັບ ຫົວໜ້າ​ ອົງການໄອຍະການປະຊາຊົນເຂດ I ແຂວງສາລະວັນ


ສາລະວັນ:   ວັນທີ 26 ກັນຍາ 2019 ນີ້, ອົງການໄອຍະການປະຊາຊົນເຂດ I ແຂວງສາລະວັນ ໄດ້ຈັດພິທີມອບ-ຮັບ ຫົວໜ້າ ອຍກ ເຂດ 1 ແຂວງສາລະວັນ ລະຫວ່າງຜູ້ເກົ່າ ແລະຜູ້ໃໝ່ຂຶ້ນ,  ໂດຍການເຂົ້າຮ່ວມເປັນປະທານຂອງ ທ່ານ ຄໍາປຸ່ນ ອະໄພຈິດ ເລຂາພັກ ຫົວໜ້າອົງການໄອຍະການປະຊາຊົນແຂວງ ແລະ ທ່ານ ວັນນະລັກ ຫຼ້າລ່ຽມທະວີໄຊ ຮອງເລຂາພັັກ ຫົວໜ້າຄະນະຈັດຕັ້ງເມືອງສາລະວັນ ພ້ອມດ້ວຍແຂກທີ່ຖຶກເຊີນຈາກອ້ອມຂ້າງເມືອງ ແລະສະມາຊິກພັກ-ພະນັກງານເຂົ້າຮ່ວມ. 

     ໂດຍປະຕິບັດຕາມຂໍ້ຕົກລົງ ຂອງອົງການໄອຍະການປະຊາຊົນສູງສຸດ ສະບັບເລກທີ 482, 483, 485/ອອປສ, ນະຄອນຫຼວງວຽງຈັນ, ລົງວັນທີ 30 ສິງຫາ 2019 ວ່າດ້ວຍ ການຍົກຍ້າຍ ແລະແຕ່ງຕັ້ງ ທ່ານ ສີປະວອນ ອັງຄຳໄລ ຮອງຫົວໜ້າອົງການໄອຍະການປະຊາຊົນເຂດ II ໄປເປັນ ຮັກສາການຫົວໜ້າອົງການໄອຍະການປະຊາຊົນເຂດ I ແຂວງສາລະວັນ ( ຜູ້ໃໝ່) ແລະ ແຕ່ງຕັ້ງ ທ່ານ ດາວ ແກ້ວດວງດີ ຫົວໜ້າອົງການໄອຍະການປະຊາຊົນເຂດ I (ຜູ້ເກົ່າ) ໄປເປັນ ຮອງຫົວໜ້າອົງການໄອຍະການປະຊາຊົນແຂວງສາລະວັນ ແລະ ແຕ່ງຕັ້ງ ທ່ານ ຄໍາສອນ ສາຍສູນທອນ  ຮອງຫົວໜ້າອົງການໄອຍະການປະຊາຊົນເຂດ I ໄປເປັນຮອງຫົວໜ້າອົງການໄອຍະການປະຊາຊົນເຂດ II, ຈາກນັ້ນໃນພິທີກໍ່ໄດ້ມີການເຊັນບົດບັນທຶກມອບ-ຮັບວຽກງານ ລະຫວ່າງຜູ້ເກົ່າ ແລະຜູ້ໃໝ່ ໂດຍຊ້ອງໜ້າພາກສວ່ນທີ່ກ່ຽວຂ້ອງ ແລະແຂກທີ່ຖືກເຊີນຮ່ວມເປັນສັກຂີພິຍານ, ໃນໂອກາດນີ້ ທ່ານ ຄຳປຸ່ນ ອະໄພຈິດ  ກໍ່ໄດ້ໂອ້ລົມ ພ້ອມທັງໃຫ້ທິດຊີ້ນຳໃນການຈັດຕັ້ງປະຕິບັດວຽກງານຂອງອົງການໄອຍະການໃຫ້ປະສົບຜົນສຳເລັດໃນທຸກໆດ້ານ.

ພາບ-ຂ່າວ:ສື່ມວນຊົນສາລະວັນ

Post a Comment

0 Comments