ກອງຄຸ້ມຄອງພາສີ II ເກັບລາຍຮັບ 9 ເດືອນ ໄດ້ລື່ນແຜນການປີ 16,21%


ການຈັດຕັ້ງປະຕິບັດ ເກັບລາຍຮັບເຂົ້າງົບປະມານແຫ່ງລັດປີ 2019 ຂອງກອງຄຸ້ມຄອງພາສີ II (ແຂວງອຸດົມໄຊ-ແຂວງຜົ້ງສາລີ) ເພີ່ມຂຶ້ນແຕ່ລະເດືອນ, ສະແດງອອກໃນ 9 ເດືອນປີ 2019 ສາມາດປະຕິບັດໄດ້ 52 ຕື້ກວ່າກີບ ເທົ່າກັບ 116,21%ຂອງແຜນການປີ, ລື່ນແຜນການປີ 16,21%; ສ່ວນອີກ 3 ເດືອນຈະສູ້ຊົນເກັບລາຍຮັບໃຫ້ໄດ້ 5 ຕື້ກີບ ແລະ ຄາດຄະເນໝົດປີຈະປະຕິ ບັດໄດ້ 58 ຕື້ກີບ ເທົ່າກັບ 128,88% ຂອງແຜນການປີ.




ທ່ານ ບຸນເພັງ ສຸພັດທອນ ຫົວໜ້າກອງຄຸ້ມຄອງພາສີ II ໃຫ້ສໍາພາດກັບຂ່າວການເງິນວ່າ:ການປະຕິບັດວຽກງານວິຊາສະເພາະໃນໄລຍະ 9 ເດືອນຜ່ານມາ ໄດ້ຖືສຳຄັນວຽກເອົາວຽກງານ ສຶກສາອົບຮົມການເມືອງ-ແນວຄິດ ໃຫ້ບັນດາພະນັກງານ-ເຈົ້າໜ້າທີພາສີມີຄວາມເຂົ້າໃຈ, ເຊື່ອມຊຶມຕໍ່ແນວ ທາງນະໂຍບາຍຂອງພັກ, ລະບຽບກົດໝາຍຂອງລັດ,ເຮັດໃຫ້ມີຄວາມເຊື່ອໝັ້ນຕໍ່ການຈັດຕັ້ງ, ມີຄວາມສາມັກຄີເປັນເອກະພາບ ແລະ ມີລະບຽບວິໄນຢ່າງເຂັ້ມງວດ, ຕ້ານການສວຍໃຊ້ສິດໜ້າທີ່ເພື່ອຫາຜົນປະໂຫຍດສ່ວນຕົວ, ມີຄວາມໂປ່ງໃສຮອບດ້ານ; ປັບປຸງ ແລະ ສ້າງກົນໄກການຄຸ້ມຄອງ, ຕິດຕາມ, ກວດກາ-ກວດການການຈັດຕັ້ງປະຕິບັດວຽກງານວິຊາສະເພາະຂອງບັນດາດ່ານ, ພະນັກງານວິຊາການພາຍໃນຄວາມຮັບຜິດຊອບຂອງກອງຄຸ້ມຄອງພາສີ II, ປັບປຸງແບບແຜນວິທີເຮັດວຽກຢູ່ບັນດາດ່ານພາສີຊາຍແດນຄືນໃໝ່ໃຫ້ມີຄວາມລະອຽດ ເພື່ອອຳນວຍຄວາມສະດວກໃຫ້ແກ່ຜູ້ປະກອບການ ແລະ ບໍລິ ການໃຫ້ມີຄວາມວ່ອງໄວ.

Post a Comment

0 Comments