ມອບຮັບແລ້ວ ເງິນຊົດເຊີຍ ໂຄງການທາງດ່ວນ ນະຄອນຫລວງວຽງຈັນ ຫມາຍເລກ 1




ໃນຕອນເຊົ້າ ເວລາ 8.30 ໂມງ  ຂອງວັນທີ 19 ພະຈິກ 2019 ນີ້ ທີ່ສະໂມສອນໃຫຍ່ ຫ້ອງວ່າການປົກຄອງ ເມືອງ ໄຊທານີ ໄດ້ຈັດພິທີມອບ-ຮັບ ເງິນຊົດເຊີຍ ແລະ ທົດແທນຄ່າເສຍຫາຍ ຈາກໂຄງການທາງດ່ວນວຽງຈັນ ຫມາຍເລກ 1, ໂດຍການເປັນປະທານ  ຂອງ ທ່ານ ພູຂົງ ບັນນະວົງ ຮອງເຈົ້າຄອງນະຄອນຫລວງວຽງຈັນ, ຫົວຫນ້າພະແນກແຜນການ ແລະ ການລົງທຶນ ນວ.




ໂຄງການທາງດ່ວນ ວຽງຈັນ ຫມາຍເລກ 1 ຖືເປັນ ເສັ້ນທາງປະຫວັດສາດ ເສັ້ນທໍາອິດ ຂອງ ນວ ໄດ້ເຊັນສັນຍາສໍາປະທານ ໃນຄັ້ງວັນທີ 4 ເດືອນ ມີນາປີ 2019 ມາຮອດມື້ນີ້ ກໍ່ໄດ້ຈັດພິທີມອບເງິນຊົດເຊີຍ ແລະ ທົດແທນຄ່າເສຍຫາຍ ໃຫ້ປະຊາຊົນຜູ້ມີສິດໃຊ້ ແລະ ສິດນໍາໃຊ້ທີ່ດິນ ຄັ້ງທີ 1 ຂຶ້ນ, ໃນການມອບຄັ້ງນີ້ ປະກອບມີປະຊາຊົນ ຈໍານວນ 19 ຄອບຄົວ, ຈາກ ເມືອງໄຊເສດຖາ ແລະ ເມືອງໄຊທານີ ລວມມີ ບ້ານ ໂນນຄໍ້ເຫນືອ,ບ້ານ ໄຊ,ບ້ານ ນາແຄ, ລວມເປັນຕອນດິນ 19 ຕອນດິນ ແລະ ເປັນມູນຄ່າທັງຫມົດ 4,608,907,996 ກີບ, ທາງ ນວ ໄດ້ສະແດງຄວາມຊົມເຊີຍ ແລະ ກ່າວຂອບໃຈ ພໍ່ແມ່ປະຊາຊົນ ທຸກໆ ທ່ານ ທີ່ໄດ້ປະກອບສ່ວນອັນສໍາຄັນ ໃຫ້ແກ່ການພັດທະນາ ນວ.




ພ້ອມກັນນີ້ ກໍຂໍໃຫ້ພໍ່ແມ່ປະຊາຊົນ ທີ່ມີສິດໃຊ້ ແລະ ສິດນໍາໃຊ້ທີ່ດິນ ທີ່ຍັງບໍໄດ້ເຂົ້າມາແຈ້ງຮັບເອົາເງິນຊົດເຊີຍ ລວມມີ:

1. ເມືອງ ໄຊເສດຖາ 14 ບ້ານ
- ບ້ານ ໂນນຄໍ້ເຫນືອ
- ບ້ານ ວຽງຈະເລີນ
- ບ້ານ ຮ່ອງສຸພາບ
- ບ້ານ ຮ່ອງແກ
- ບ້ານ ທາດຫລວງໃຕ້
- ບ້ານ ໂນນສະຫງ່າ
- ບ້ານ ວັງຊາຍ
- ບ້ານ ຫນອງຫນ່ຽງ
- ບ້ານ ໂນນສະຫວ່າງ
- ບ້ານ ຫົວຂົວ
- ບ້ານ ໂພນພະເນົາ
- ບ້ານ ໂຊກໃຫຍ່
- ບ້ານ ໂນນຫວາຍ
- ບ້ານ ຄຳສະຫວາດ




2. ເມືອງໄຊທານີ 7 ບ້ານ
- ບ້ານ ນາແຄ
- ບ້ານ ໄຊ
- ບ້ານ ດົງສ້າງຫີນ
- ບ້ານ ໂຄກໃຫຍ່
- ບ້ານ ໄຊສະຫວ່າງ
- ບ້ານ ດອນຕິ້ວ
- ບ້ານ ດົງຫມາກຄາຍ 




ກໍ່ໃຫ້ຮີບຮ້ອນໃຈເຂົ້າມາແຈ້ງເຈດຈໍານົງ ທີ່ ໂຄງການທາງດ່ວນ ນະຄອນຫລວງວຽງຈັນ ຫມາຍເລກ 1 .ໂດຍໃນນີ້ ທາງໂຄງການໄດ້ມີເງື່ອນໄຂໃຫ້ພີ່ນ້ອງປະຊາຊົນ ທີເຂົ້າມາແຈ້ງເຈດຈໍານົງ ຕັ້ງແຕ່ເດຶອນພະຈິກຫາເດືອນທັນວາ 2019 ທາງໂຄງຈະໄດ້ຈັບລາງວັນມອບໃຫ້ກັບຜູ້ໂຊກດີ, ຊຶ່ງ ລວມມີ: 





1. ລົດກະບະລີໂວລຸ້ນຕໍ່າ 1 ລາງວັນ,
2. ສາຍຄໍຄາ 5 ບາດ 4 ລາງວັນ,
3. ສາຍຄໍຄຳ3ບາດ 3ລາງວັນ, 
4. ໂທລະສັບໄອໂຟນ 5 ລາງວັນ 
ລວມເປັນມູນຄ່າທັງຫມົດຫລາຍກວ່າ 500,000,000 ກີບ.
I. ຂັ້ນຕອນດຳເນີນການປະຕິບັດການຊົດເຊີຍ




1) ໃຫ້ປະຊາຊົນທີ່ມີສ່ວນຮ່ວມໃນໂຄງການ ມາແຈ້ງສິດໃຊ້ ຫລື ສິດນໍາໃຊ້ທີ່ດິນ ແລະ ໃຫ້ຄວາມຮ່ວມມືໃນການວັດແທກ, ປະກອບເອກະສານຕ່າງໆທີ່ກ່ຽວຂ້ອງໃຫ້ຄົບຖ້ວນ ໃຫ້ແກ່ໂຄງການທາງດ່ວນ ຕາມວັນເວລາທີ່ອໍານາດການປົກຄອງບ້ານ ໄດ້ແຈ້ງເຊີນໄປ (ຖືເປັນຄັ້ງທີ 1).




2) ຖ້າວ່າ ການແຈ້ງເຊີນ (ຄັ້ງທີ 1) ຜູ້ທີ່ມີສ່ວນຮ່ວມໃນໂຄງການ ບໍ່ໄດ້ມາຮ່ວມນໍາ ຫລື ບໍ່ໃຫ້ການຮ່ວມມືກັບທາງຄະນະກຳມະການ, ຈະໄດ້ເຊີນມາຮ່ວມເປັນ (ຄັ້ງທີ 2) ເຊິ່ງອອກບັດເຊີນຈາກຫ້ອງວ່າການປົກຄອງເມືອງ.




3) ໃນກໍລະນີ ຄັ້ງທີ 1 ຫລື 2 ບໍ່ມາ, ທາງຄະນະໄກ່ເກ່ຍໂຄງການທາງດ່ວນ ແມ່ນຈະໄດ້ລົງຫນັງສືພິມ ຫລື ສື່ໂຄສະນາອື່ນໆ ເພື່ອປະກາດຫາເຈົ້າຂອງສິດໃຊ້ ຫລື ສິດນໍາໃຊ້ ທີ່ມີສ່ວນຮ່ວມໃນໂຄງການ ໃຫ້ມາຮ່ວມຮັບເອົາຄ່າຊົດເຊີຍ, ພ້ອມນັ້ນ ກໍ່ຈະໄດ້ເຊີນມາຮ່ວມເປັນ (ຄັ້ງທີ 3) ເຊິ່ງອອກບັດເຊີນຈາກຫ້ອງວ່າການນະຄອນຫລວງວຽງຈັນ. 




4) ຖ້າວ່າ ໄດ້ແຈ້ງເຊີນທັງ 3 ຄັ້ງແລ້ວ, ແຕ່ເຈົ້າຂອງສິດໃຊ້ ຫລື ສິດນໍາໃຊ້ ກໍ່ຍັງບໍ່ມາ ຫລື ບໍ່ໃຫ້ຄວາມຮ່ວມມື, ຄະນະກຳມະການໄກ່ເກ່ຍ ແມ່ນຖືວ່າ ເຈົ້າຂອງສິດໃຊ້ ຫລື ສິດນໍາໃຊ້ ແມ່ນເຫັນດີກ່ຽວກັບເງື່ອນໄຂທັງຫມົດຂອງໂຄງການທີ່ໄດ້ວາງອອກ, ຈະດຳເນີນການລົບລ້າງໃບຕາດິນ ແລະ ດຳເນີນຕາມຂັ້ນຕອນ, ແລ້ວເກັບເງິນຄ່າຊົດເຊີຍໄວ້ ເພື່ອໃຫ້ເຈົ້າຂອງສິດໃຊ້ ຫລື ສິດນໍາໃຊ້ ມາພົວພັນຮັບເອົາເງິນຕາມພາຍຫລັງ.














Post a Comment

0 Comments