ສກລ ໄຂກອງປະຊຸມເປີດກ້ວາງຄົບຄະນະບໍລິຫານງານ ຄັ້ງທີ 5 ສະໄໝທີ VII




ຂປລ. ໃນວັນທີ 4 ພະຈິກ 2019 ນີ້, ສູນກາງສະຫະພັນກຳມະບານລາວ (ສກລ) ໄດ້ຈັດກອງປະຊຸມເປີດກ້ວາງຄົບຄະນະບໍລິຫານງານ ຄັ້ງທີ 5 ສະໄໝທີ VII ເພື່ອສະຫລຸບການເຄື່ອນໄຫວວຽກງານໃນໄລຍະຜ່ານມາ ແລະ ວາງທິດທາງແຜນການໃນຕໍ່ໜ້າ ໂດຍມີ ທ່ານ ບຸນທອງ ຈິດມະນີ ກຳ ມະການກົມການເມືອງສູນກາງພັກ, ຄະນະເລຂາທິການສູນກາງພັກ, ຮອງນາຍົກລັດຖະມົນຕີ, ປະ ທານຄະນະກວດກາສູນກາງພັກ ແລະ ອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງຫລວງຂັ້ນສູນກາງ, ທ່ານ ປ້ານ ນ້ອຍມະນີ ກຳມະການສູນກາງພັກ ປະທານສູນກາງສະຫະພັນກຳ ມະບານລາວ, ມີຄະນະບໍລິຫານງານ ສກລ, ປະທານສະຫະພັນກຳມະບານກະຊວງ, ອົງການ, ແຂວງ ແລະ ນະຄອນຫລວງ ເຂົ້າຮ່ວມ.

ກອງປະຊຸມຄັ້ງນີ້, ໄດ້ສະຫລຸບການຈັດຕັ້ງປະຕິບັດມະຕິກອງປະຊຸມຄົບຄະນະບໍລິຫານງານສູນກາງສະຫະພັນກຳມະບານລາວຄັ້ງທີ 4 ສະໄໝທີ VII, ວາງທິດທາງແຜນການປີ 2020, ຜ່ານຮ່າງບົດສຳຫລວດການນຳພາຂອງຄະນະບໍລິຫານງານ ສກລ, ຮ່າງບົດລາຍງານການເມືອງກອງປະຊຸມໃຫຍ່ຜູ້ແທນ ສກລ ທົ່ວປະເທດ ຄັ້ງທີ VIII, ຮ່າງຍຸດທະສາດ ແລະ ແຜນພັດທະນາກຳມະບານລາວ 5 ປີ (2021-2026), ຮ່າງກົດລະບຽບສະຫະພັນກຳມະບານລາວສະໄໝທີ  VIII, ຮ່າງປັບປຸງເນື້ອໃນຂໍ້ແຂ່ງຂັນ 5 ເປັນເຈົ້າ ຂອງສະຫະພັນກຳມະບານລາວ. ພ້ອມນັ້ນ, ກອງປະຊຸມ ຍັງໄດ້ພ້ອມກັນ ປະກອບຄຳຄິດຄຳເຫັນໃສ່ບົດບົດລາຍງານການເມືອງ, ຮ່າງແຜນຍຸດທະສາດ, ຮ່າງກົດລະບຽບ ແລະ ຮ່າງປັບປຸງເນື້ອໃນຂໍ້ແຂ່ງຂັນ 5 ເປັນເຈົ້າ ຂອງສະຫະພັນກຳມະບານລາວ ແນໃສ່ ກ້າວໄປຈັດຕັ້ງປະຕິບັດວຽກກຳມະບານ ໃນຕໍ່ໜ້າ ໃຫ້ໄດ້ຮັບຜົນສຳເລັດຕາມລະດັບຄາດໝາຍ ທີ່ກຳນົດໄວ.

Post a Comment

0 Comments