ຈະເປີດ ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊູດທີ VIII (7/11-6/12/2019)


ໃນວັນທີ 30/10/2019 ເວລາ 14:00 ໂມງ ຢູ່ສະພາແຫ່ງຊາດ ( ຫຼັກ6 ) ທ່ານ ນາງ​ ສວນສະຫວັນ ວິຍະເກດ, ກຳມະການສຳຮອງສູນກາງພັກ, ຄະນະປະຈຳສະພາແຫ່ງຊາດ, ເລຂາທິການແຫ່ງຊາດໄດ້ຖະແຫຼງຂ່າວໃຫ້ກັບສື່ມວນຊົນກ່ຽວກັບການດຳເນີນ ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊູດທີ VIII ທີຈະໄດ້ຈັດຂຶ້ນໃນລະຫວ່າງວັນທີ 7 ພະຈິກ ຫາ 6 ທັນວາ 2019​ ທີ່ຫ້ອງປະຊຸມສະພາແຫ່ງຊາດ ( ຫຼັກ6 ).


ໃນກອງປະຊຸມໃນຄັ້ງນີ້ ຈະໄດ້ຮັບຟັງການລາຍງານ, ພິຈາລະນາ ແລະ ຕົກລົງຮັບຮອງບັນຫາສຳຄັນຕ່າງໆ ດັ່ງນີ້:

1. ວຽກງານຂອງລັດຖະບານ.
2. ວຽກງານຂອງອົງການກວດສອບແຫ່ງລັດ.
3. ວຽກງານຂອງອົງການກວດກາລັດຖະບານ.
4.​ ລາຍງານຂອງຕາງໜ້າຄະນະປະຈຳສະພາແຫ່ງຊາດ ແລະ ກຳມາທິການສະພາແຫ່ງຊາດ.
5. ວຽກລາຍງານຂອງອົງການໄອຍະການປະຊາຊົນສູງສຸດ ແລະ ສານປະຊາຊົນສູງສຸດ.
6. ວຽກງານຂອງສະພາແຫ່ງຊາດ.
7. ພິຈາລະນາ, ຮັບຮອງເອົາການສ້າງ ແລະ ປັບປຸງກົດໝາຍ ຈຳນວນ 8 ສະບັບ.

ດັ່ງນັ້ນ,​ຈຶ່ງຮຽກຮ້ອງຂໍເຊີນບັນດາທ່ານ ພະນັກງານ, ລັດຖະກອນ, ຖະຫານ, ຕຳຫຼວດ, ນັກຮຽນ, ນັກສຶກສາ, ປັນຍາຊົນ, ກຳມະກອນ, ຊາວຜູ້ອອກແຮງງານ, ພໍ່ແມ່ພີ່ນ້ອງ, ປະຊາຊົນບັນດາເຜົ່າທຸກຊັ້ນຄົນໃນທົ່ວປະເທດ ແລະ ພີ່ນ້ອງຊາວລາວທີ່ອາໄສຢູ່ຕ່າງປະເທດ ຈົ່ງຕິດຕາມການດຳເນີນກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດຊູດທີ VIII ຄັ້ງນີ້. ໃນໄລຍະດຳເນີນກອງປະຊຸມສະພາແຫ່ງຊາດ, ຄະນະເລຂາທິການສະພາແຫ່ງຊາດ ໄດ້ຈັດຕັ້ງໜ່ວຍງານຮັບຜິດຊອບໂທລະສັບສາຍດ່ວນ ເພື່ອຮັບເອົາຄຳຄິດເຫັນ ແລະ ຄຳສະເໜີໂດຍກົງຈາກປະຊາຊົນ ທີ່ຈະສົ່ງໄປຍັງກອງປະຊຸມ, 

ບັນດາທ່ານສາມາດສົ່ງຄຳຄິດເຫັນ ແລະ ຄຳສະເໜີໄປຍັງກອງປະຊຸມໄດ້ຕາມວິທີດັ່ງລຸ່ມນີ້:
- ໂທລະສັບບໍ່ເສຍຄ່າ ໝາຍເລກ: 156
- ໂທລະສານ         ໝາຍເລກ: 021 413528
- ສົ່ງເປັນຈົດໝາຍຕູ້ໄປສະນີ ຕູ້ ປນ. 662
- ສົ່ງອີເມວ: na_session@na.gov.la

Post a Comment

0 Comments