ກອງປະຊຸມສຸດຍອດຂອບການຮ່ວມມືແມ່ນ້ຳຂອງ-ສ.ເກົາຫລີ ຄັ້ງປະຖົມມະລຶກ


ກອງປະຊຸມສຸດຍອດຂອບການຮ່ວມມືແມ່ນ້ຳຂອງ-ສ.ເກົາຫລີ ຄັ້ງປະຖົມມະລຶກ,
ໃນວັນທີ 27 ພະຈິກ 2019 ທີ່ນະຄອນປູຊານ, ສ.ເກົາຫລີ

ຂປລ. ໃນວັນທີ 27 ພະຈິກ 2019, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ນໍາພາ ຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມສຸດຍອດຂອບການຮ່ວມມືແມ່ນໍ້າຂອງ-ສ.ເກົາຫລີ ຄັ້ງປະຖົມມະລຶກ ທີ່ນະຄອນປູຊານ, ສ.ເກົາຫລີ, ຊຶ່ງມີບັນດາຜູ້ນຳ ຈາກປະເທດສະມາຊິກແມ່ນໍ້າຂອງ-ສ.ເກົາຫລີ ເຂົ້າຮ່ວມຢ່າງພ້ອມພຽງ. ກອງປະຊຸມໄດ້ດຳເນີນໄປພາຍໃຕ້ການເປັນປະທານຮ່ວມ ຂອງ ທ່ານ ປະທານາທິບໍດີ ສາທາລະນະລັດ ເກົາຫລີ ແລະ ທ່ານ ນາຍົກລັດຖະມົນຕີ ແຫ່ງ ຣາຊະອານາຈັກໄທ. 



ຂອບການຮ່ວມມືແມ່ນໍ້າຂອງ-ສ.ເກົາຫລີ ໄດ້ຖືກສ້າງຕັ້ງຂຶ້ນໃນປີ 2011 ໂດຍມີປະເທດສະມາຊິກທັງໝົດ 6 ປະເທດ ຄື: ກໍາປູເຈຍ, ລາວ, ມຽນມາ, ໄທ, ຫວຽດນາມ ແລະ ສ.ເກົາຫລີ. ຈຸດປະສົງຂອງການສ້າງຕັ້ງກົນໄກການຮ່ວມມືດັ່ງກ່າວ ແມ່ນເພື່ອຮັດແໜ້ນການພົວພັນ ແລະ ຮ່ວມມືທາງດ້ານເສດຖະກິດ ລະຫວ່າງ ບັນດາປະເທດແມ່ນໍ້າຂອງ ກັບ ສ.ເກົາຫລີ ກໍຄື ເພີ່ມທະວີການຮ່ວມມື ລະ ຫວ່າງ ອາຊຽນ ແລະ ສ.ເກົາຫລີ ແລະ ຢູ່ໃນກອງປະຊຸມລັດຖະມົນຕີ ຕ່າງປະເທດຄັ້ງທີ 8 ໃນປີ 2018 ຜ່ານມາ, ໄດ້ຕົກລົງຍົກລະດັບກົນໄກການຮ່ວມມືໄປສູ່ລະດັບສຸດຍອດ ຊຶ່ງ ສ.ເກົາຫລີ ໄດ້ຮັບເປັນເຈົ້າພາບຈັດກອງປະຊຸມຄັ້ງປະຖົມມະລຶກ ໃນຄັ້ງນີ້.



Post a Comment

0 Comments