ບໍລິສັດ Star Telecom (Unitel) ເປີດທົດລອງ 5G ດ້ວຍຄວາມໄວສູງ




ຢູນີເທວໄດ້ເປີດທົດລອງ ນຳໃຊ້ 5G ແລ້ວ ຢູ່ທີ່ກອງປະຊຸມລັດຖະມົນຕີ ICT   ອາຊຽນ TELMIN 19 ທີ່ໄດ້ຈັດຂຶ້ນລະຫ່ວາງວັນທີ່ 19 - 25 ຕຸລາ ຜ່ານມານີ້, ໃນງານສະເຫລີມສະຫລອງ ຢູນີເທດວ ຄົບຮອບ 10 ປີ ທີ່ ບໍລິສັດ ສະຕາ ໂທລະຄົມ, ດ້ວຍຄວາມໄວສູງສຸດໄດ້ເຖີງ 1.7 Gbps (ຖ້າໃຊ້ຄວາມຖີ່ 5G ຢ່າງດຽວ) ແລະ ຖ້າຫາກໃຊ້ ສັນຍານ ຮ່ວມ 4G ຈະໄດ້ຄວາມໄວສູງສຸດໄດ້ເຖີງ  2.5 Gbps (ເມື່ອນຳໃຊ້ແບບລະບົບ Dual Connection ໃຊ້ ສັນຍານ ຮ່ວມກັນທັງ 5G ແລະ 4G ແລ້ວສົ່ງຫາອຸປະກອນປາຍທາງ). 



 
ທ່ານ ລີວ ແມັງ ຮ່າ  ຜູ້ອຳນວຍການໃຫຍ່ບໍລິສັດ Star Telecom ໄດ້ກ່າວວ່າ: ການທົດລອງ 5G ປະສົບຜົນສຳເລັດ ແມ່ນການລິເລີ່ມຂອງເຄືອຂ່າຍ 5G ທີ່ສົມບູນໃນອະນາຄົດອັນໃກ້ນີ້. ພ້ອມກັນນັ້ນ ທ່ານຍັງໄດ້ເນັ້ນອີກວ່າ: ບໍລິສັດ Star Telecom (Unitel) ຮູ້ດີກ່ຽວກັບບົດບາດຂອງບໍລິສັດ ໃນປະຈຸບັນ ແມ່ນຜູ້ບຸກເບີກໃນການພັດທະນາລະບົບ ດີຈີຕອນທີ່ທັນສະໄໝ. ນອກຈາກການມີເຄືອຂ່າຍ 4G ທີ່ສາມາດ  ສົ່ງສັນຍານໄດ້ທົ່ວປະເທດແລ້ວ Star Telecom (Unitel) ຍັງມີເປົ້າໝາຍໃນການສ້າງເຄືອຂ່າຍ 5G ເພື່ອຕອບສະໜອງຄວາມຕ້ອງການຂອງສັງຄົມ, ດ້ວຍຄວາມລະອຽດສູງສຸດ ແລະ ສາມາດເຊື່ອມຕໍ່ IoT ເພື່ອນຳໃຊ້ເຂົ້າໃນຜະລິດຕະພັນຂໍ້ມູນຂະໜາດໃຫ່ຍ, ເປັນຕົ້ນແມ່ນ ຜະລິດຕະພັນ AI ສາທາລະນະສຸກ, ອຸດສາຫະກຳ, ກະສິກຳ ແລະ ປ່າໄມ້…ເພື່ອຮັບໃຊ້ຂະບວນການຫັນເປັນດີຈີຕອນ. ຕາມແຜນການແລ້ວ, Star Telecom (Unitel) ຈະສືບຕໍ່ຂະຫຍາຍການທົດລອງເຄືອຂ່າຍມືຖື 5G ໃນບາງແຂວງ ເພື່ອໃຫ້ລູກຄ້າ ສາມາດທົດລອງສຳພັດກັບຄວາມໄວ ທີ່ກຳລັງທົດສອບໃນປັດຈຸບັນ. ນອກນັ້ນ ຢູນີເທວຈະສົມທົບ , ລາຍງານຕໍ່ກະຊວງໄປສະນີ ແລະ ໂທລະຄົມມະນາຄົມໃນການ ຈັດຕັ້ງຜັນຂະຫຍາຍ 5ຈີ ໃນທົ່ວປະເທດ. 



 

ຜົນປະໂຫຍດຂອງ 5G ທີ່ໃຫ້ການນໍາໃຊ້ອິນເຕີເນັດທີ່ມີປະສິດທິພາບ ແລະ ໄດ້ຮັບຜົນປະໂຫຍດສູງສຸດ: 

(1): ເທັກໂນໂລຊີ ທີ່ລໍ້າສະໄຫມ 5G ແມ່ນເຄືອຂ່າຍມືຖືທີ່ 5 (5th Generation)  ແມ່ນເຄືອຂ່າຍຍຸກສະໄຫມໃຫມ່ ພາຍຫລັງ 4G ດ້ວຍຄວາມໄວທີ່ພົ້ນເດັ່ນ. 5G ຈະແມ່ນເຄືອຂ່າຍ ໄຮ້ສາຍທີ່ຈະເຮັດໃຫ້ພວກເຮົາ ເຊື່ອມຕໍ່ກັບໂລກພາຍນອກ ເຮັດໃຫ້ເຊື່ອມຕໍ່ກັບ Internet ແບບບໍ່ມີອຸປະສັກຫລືຂໍ້ຈໍາກັດໃດໆ. 
(2) ຄວາມໄວທີ່ໂດດເດັ່ນ: 5G ເພີ່ມຄວາມໄວໃນການສົ່ງຂໍ້ມູນ 20Gb ຕໍ່ວິນາທີ ເຊິ່ງມີຄວາມໄວກວ່າ 20 ເທື່ອເມື່ອທຽບກັບ 4G ເຊິ່ງປັດຈຸບັນ (ມີຄວາມໄວ 1Gb ຕໍ່ວິນາທີ) 




 (3): ເວລາໃນການສົ່ງຂໍ້ມູນຕໍ່າ ເວລາໃນການສົ່ງຂໍ້ມູນ (latency) ແມ່ນຄວາມໄວທີ່ໃຊ້ໃນການແທັດຂໍ້ມູນທີ່ເຮົາສົ່ງຈົນເຖີງເວລາທີ່ລະບົບຮັບໄດ້ ແລະ ຕອບກັບຫາເຮົາ.ຕົວຢ່າງ ເວລາເຮົາ click mouse, ຂໍ້ມູນຈະຖືກສົ່ງຫາລະບົບສູນກາງ, ລະບົບສູນກາງຈະປະມວນຜົນແລະສົ່ງກັບ. ຂະບວນການລໍຖ້າການປະມວນຜົນນັ້ນ - ເອີ້ນວ່າ ເວລາການສຢ່ງຂໍ້ມູນ. ຕາມທິດສະດີ ເຄືອຂ່າຍ 5G ມີເວລາໃນການສົ່ງຂໍ້ມູນທີ່ ບໍ່ຕ້ອງໃຊ້ພະລັງງານຕໍ່າຫລາຍ, ພຽງແຕ່ 1ms, ເຊິ່ງໃນເຄືອຂ່າຍ 4G ແລະ 3G ປັດຈຸບັນມີເວລາໃນການສົ່ງຂໍ້ມູນແມ່ນ 50-60 ms. ເວລາການສົ່ງຂໍ້ມູນຕໍ່າ ຈະຊ່ວຍໃຫ້ເຮົາເຊື່ອມຕໍ່ ແລະ ປະມວນຂໍ້ມູນທີ່ໄວຂຶ້ນ, ບັນຫານີ້ສໍາຄັນຫລາຍໃນການໃຊ້ງານກັບໂປຼແກຼມຄວບຄຸມ, ເຊັ່ນໂປຼແກຼມຄວບຄຸມ ພະຫະນະຂັບເຄື່ອນດ້ວຍຕົວເອງ, ລວມທັງອຸປະກອນເຊື່ອມຕໍ່. ຕົວຢ່າງພະຫະນະຂັບເຄື່ອນດ້ວຍຕົວເອງ ຖ້າເວລາໃນການສົ່ງຂໍ້ມູນສູງ ແມ່ນຂໍ້ມູນອື່ນຈະໄດ້ຮັບຜົນທີ່ປະມວນຊ້າຂຶ້ນ ແລະ ບັນຫານີ້ຈະສົ່ງຜົນເຖິງຄວາມປອດໄພຂອງຜູ້ໂດຍສານພາຍໃນລົດນັ້ນ ເພາະການສື່ສານກັນຂອງບັນດາພະຫະນະຈະຖືກຂັດຈັງວະ. 
 
(4): ການນໍາໃຊ້ພະລັງງານທີ່ມີປະສິດຖິພາບ ເວລານໍາໃຊ້ເຄືອຂ່າຍ 5G, ບັນດາອຸປະກອນທີ່ຈະຊ່ວຍ support ຫລຸດລົງ 90% ການຊົມໃຊ້ພະລັງງານ ດ້ວຍເຫດນີ້ການຊົມໃຊ້ເຄືອຂ່າຍຈຶ່ງມີຄວາມສະຖຽນຫລາຍຂຶ້ນ ບໍ່ຕ້ອງກັງວົນເລື່ອງອາຍຸການໃຊ້ງານຂອງ battery. ຊ່ວຍເພີ່ມອາຍຸການໃຊ້ງານຂອງ battery ອີກ 10ປີ ສໍາລັບໂທລະສັບທີ່ມີຄວາມຈຸ battery ຕໍ່າ. 

ເທັກໂນໂລຢີ 5G ແມ່ນບາດກ້າວທີ່ສຳຄັນ ເພື່ອເຊື່ອມໂຍງບັນດາ ເທັກໂນໂຊຊີ ທີ່ນໍາໜ້າສູ່ສັງຄົມລາວ ເພື່ອໃຫ້ທຽບເທົ່າກັບສາກົນໃນຂອບເຂດພາກພື້ນໃນໂລກ ເພືອປະຕິບັດໃຫ້ໄດ້ຕາມ ທິດທາງ-ແຜນການ ຂອງບໍລິສັດ ສະຕາ ໂທລະຄົມ ໃຫ້ຮູ້ວ່າ ຈະສືບຕໍ່ ພັດທະນາລະບົບເທັກໂນໂລຢີທີ່ທັນສະໄໝທີ່ດີທີ່ສຸດເພື່ອສະໜອງການບໍລິການເຊັ່ນ: 5G,AI, virtual reality (VR), Big data… ໄປພ້ອມໆ ກັບການໃຫ້ບໍລິການບັນດາບໍລິການໃໝ່ໆ ເຊັ່ນ: ທະນາຄານດິຈິຕອນ, ລະບົບເທັກໂນໂລຊີເພື່ອນໍາໃຊ້ເຂົ້າໃນບັນດາໂຄງການຂອງລັດຖະບານອີເລັກໂທຣນິກ. ໂຄງການລັດຖະບານອີເລັກໂທຣນິກ
 

Post a Comment

0 Comments