ພະແນກພາຍໃນ ແຂວງໄຊສົມບູນ ມອບວຽກງານຍົກຍ້າຍພົນລະເມືອງ ໃຫ້ກອງບັນຊາການ ປກສ ແຂວງໄຊສົມບູນ



ພິທີມອບ-ຮັບ ວຽກງານຍົກຍ້າຍພົນລະເມືອງ ລະຫວ່າງ ພະແນກພາຍໃນ ແຂວງ ແລະ ກອງບັນຊາການ ປກສ ແຂວງອໄຊສົມບູນ ໄດ້ຈັດຂຶ້ນໃນຕອນບ່າຍ 18 ທັນວາ ນີ່້ ທີ່ຫ້ອງປະຊຸມຫ້ອງວ່າການແຂວງ ໂດຍການເຂົ້າຮ່ວມຂອງທ່ານ ແດງ ປະທຸມທອງ ຮອງເຈົ້າແຂວງໄຊສົມບູນ, ມີ ທານ ແສງເດືອນ ວົງພະຈັນ ຮອງຫົວໜ້າພະແນກພາຍໃນແຂວງໄຊສົມບູນ, ທ່ານ ພັນໂທ ຄຳດອນ ຈັນທະວົງ ຮອງຫົວໜ້າກອງບັນຊາການ ປກສ ແຂວງ,  ມີພະແນກການ, ການນຳເມືອງອະນຸວົງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ. 

        ໂອກາດນີ້ ທານ ແສງເດືອນ ວົງພະຈັນ ຮອງຫົວໜ້າພະແນກພາຍໃນ ແຂວງ ໄດ້ຜ່ານບົດບັນທຶກມອບ-ຮັບ ວຽກງານຍົກຍ້າຍພົນລະເມືອງ ໄປຂຶ້ນກັບກອງບັນຊາການ ປກສ ແຂວງໄຊສົມບູນ ທ່ານໄດ້ຍົກໃຫ້ເຫັນເຖິງການຈັດຕັ້ງປະຕິບັດວຽກງານໃນໄລຍະຜ່ານມາ ຊຶ່ງແຂວງໄຊສົມປະກອບມີ 5 ເມືອງ, ມີ 89 ບ້ານ,  ມີ16.205.ຄອບຄົວ,  ມີພົນລະເມືອງທັງໝົດ 93.002ຄົນ, ຍິງ 46.783 ຄົນ, ປະຊາຊົນຍົກຍ້າຍເຂົ້າມາຢູ່ໃນ ແຂວງໄຊສົມບູນ ສ່ວນໃຫຍ່ແມ່ນມາຈາກການ ກໍ່ສ້າງພຶ້ນຖານໂຄງລ່າງ (ເຂື່ອນໄຟຟ້ານຳ້ຕົກ),  ແລະການຈັດສັນຂອ໗ລັດຖະບານ ອີກສວ່ນໜຶ່ງແມ່ນມາຕາມໜ້າທີ່ວຽກງານ, ການສ້າງຄອບຄົວ ແລະ ທຳການຜະລິດ.

 ໃນໄລຍະຜ່ານມາພະແນກພາຍໃນ ໂດຍສົມທົບກັບຂະແໜງການທີ່ກ່ຽວຂ້ອງ ໄດ້ຄົ້ນຄວ້າ ແລະ ນຳສະເໜີຫາທ່ານເຈົ້າແຂວງ ຕົກລົງຍົກຍ້າຍພົນລະເມືອງໄປຢູ່ຕ່າງແຂວງ ໄດ້ທັງໝົດ 187 ຄອບຄົວ,  ຈຳນວນ 1285 ຄົນ ແລະ ອະນຸມັດຮັບເອົາພົນລະເມືອງທີ່ຍົກຍ້າຍເຂົ້າມາຈາກຕ່າງແຂວງເຂົ້າມາຢູແຂວງໄຊສົມບູນ ໄດ້ 232 ຄອບຄົວ,  1795 ຄົນ, ລົງກວດກາການເຂົ້າມາຕັ້ງຖິ່ນຖານທີ່ບໍ່ຖືກຕ້ອງຕາມລະບຽບກົດໝາຍ ຢູ່ບັນດາເມືອງ ມີ 223 ຄອບຄົວ,  ຈຳ ນວນ 1002 ຄົນ, ທັງນີ້ ກໍເພື່ອເຮັດໃຫ້ການຈັດຕັ້ງປະຕິບັດວຽກງານການຍົກຍ້າຍເຂົ້າ-ອອກຂອງພົນລະເມືອງ ທົ່ວແຂວງໄຊສົມບູນ ຖືກຕ້ອງຕາມກົດໝາຍ ວ່າດ້ວຍທະບຽນຄອບຄົວ. 

ຈາກນັ້ນໄດ້ມີພິທີເຊັນບົດບັນທຶກມອບຮັບຮ່ວມກນ ລະຫວ່າງ ທ່ານ ແສງເດືອນ ວົງພະຈັນ ຮອງຫົວໜ້າພະແນກພາຍໃນແຂວງ ແລະ ທ່ານ ພັນໂທ ຄຳດອນ ຈັນທະວົງ ຮອງຫົວໜ້າກອງບັນຊາການ ປກສແຂວງໄຊສົມບູນ ໂດຍ ຊ່ອງໜ້າ ທ່ານຮອງເຈົ້າແຂວ ແລະ   ພາກສ່ວນທີ່ກ່ຽວຂ້ອງ ທັງສອງຝ່າຍ ເຂົ້າຮ່ວມເປັນສັກຂີພີຍານ.


 ໃນໂອກາດດຽວກັນ ທານ ແດງ ປະທຸມທອງ ຮອງເຈົ້າແຂວງໄຊສົມບູນ ໄດ້ມີຄຳເຫັນໂອ້ລົມ ຊຶ່ງໄດ້ສະແດງຄວາມຍ້ອງຍໍຊົມເຊີຍຕໍ່ວຽກງານຍົກຍ້າຍພົນລະເມືອງໃນໄລຍະຜ່ານມາ ທ່ານໄດ້ຍົກໃຫ້ເຫັນເຖິງການມອບຮັບວຽກງານຍົກຍ້າຍພົນລະເມືອງໃນຄັ້ງນີ້ ມັນເປັນການປັບປຸງກົນໄກບໍລິຫານ ແລະ ຄຸ້ມຄອງລັດ ຄຸ້ມຄອງສັງຄົມ ໃຫ້ຖືກຕ້ອງ ສອດຄ່ອງກັບສະພາບຄວາມເປັນຈິງ ຂອງໜ້າທີການເມືອງຂອງແຕ່ລະການຈັດຕັ້ງ ພ້ອມນີ້ ທ່ານໄດ້ຮຽກຮ້ອງ ໃຫ້ເອົາໃຈໃສ່ເກັບກຳສະຖິຕິຈຳນວນຄົນ ແລະ ສະກັດກັ້ນການເຂົ້າມາອາໃສຢູ່ ແຂວງໄຊສົມບູນ ແບບບໍ່ຖຶກຕ້ອງ, ຄົ້ນຄວ້າ ແກ້ໄຂການຍົກຍ້າຍເຂົ້າ-ອອກພົນລະເມືອງ ຢູ່ພາຍໃນແຂວງ ແລະ ແຂວງຕໍ່ແຂວງ ຢ່າງເຂັ້ມງວດ ເພື່ອໃຫ້ການເໜັງຕິງຂອງພົນລະເມືອງມີຄວາມຊັດເຈນ ເຂົ້າ-ອອກ ຖືກຕ້ອງຕາມລະບຽບ ກົດໝາຍ ແລະ ໃຫ້ດີຂຶ້ນກວ່າເກົ່າ.
  
ພາບ-ຂ່າວ: ພຸດທະສອນ 

Post a Comment

0 Comments