ລົດຕົກເຫວ ທີ່ເຂດບ້ານນາເມືອງ ເມືອງນານ ເສຍຊີວິດ ຄາທີ 1 ຄົນ



ຫຼວງພະບາງ: ລາຍງານຈາກໜ່ວຍກູ້ຊີບອົງການກາແດງລາວຫຼວງພະບາງ ໃຫ້ຮູ້ວ່າ ໃນຕອນເຊົ້າຂອງວັນທີ່ 2 ​ທັນວາ 2019 ເວລາ 08:36 ນາທີ ໄດ້ຮັບແຈ້ງຈາກປະຊາຊົນຜ່ານເບີ 071 1625 ວ່າມີອຸປະຕິເຫດລົດ ກະບະ ແດ່ຫັນ ເສຍຫລັກຕົກເຫວ ຢູ່ເສັ້ນທາງໃກ້ກັບຄ້າຍທະຫານຜາເຈຍ ເຂດບ້ານ ນາເມືອງ ເມືອງນານ ແຂວງຫລວງພະບາງ



ທາງຫນ່ວຍກູ້ຊີບອົງການກາແດງລາວ ແຂວງຫລວງພະບາງອອກກວດສອບເຫດ ພົບເຫັນຜູ້ເສຍຊີວິດ 01 ຄົນ ເປັນເພດຊາຍ, ຊື່: ທ້າວ ລີ່ຊື່ກຸ່ຍ ອາຍຸ 54 ປີ (ສັນຊາດຈີນ) ບ້ານຢູ່ປັດຈຸບັນ ບ້ານ ຫ້ວຍແປ້ນ ເມືອງ ປາກອູ ແຂວງ ຫລວງພະບາງ. ສ່ວນຜູ້ບາດເຈັບແມ່ນຖືກນຳສົ່ງ ສຸກສາລາບ້ານນາເມືອງ ກ່ອນທີມງານຈະມາເຖິງ.
ທາງຫນ່ວຍກູ້ຊີບອົງການກາແດງລາວ ໄດ້ທຳການຫໍ່ສົບ ແລ້ວນຳສົ່ງບ້ານຂອງຜູ້ກ່ຽວ (ບ້ານຫ້ວຍແປ້ນ ເມືອງປາກອູ ແຂວງຫຼວງພະບາງ).



ລາຍງານໂດຍ: ໜ່ວຍກູ້ຊີບອົງການກາແດງລາວ ແຂວງຫຼວງພະບາງ













------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------


Post a Comment

0 Comments