ປັບໃໝ່ 10,000,000 ກີບ ຖ້າ ສວຍໂອກາດຂຶ້ນລາຄາ ທີ່ເມືອງວັງວຽງ!​ ເຈົ້າເມືອງວັງວຽງ ສັ່ງການ ອີກຮອບ


ວັນທີ່ 28 ພະຈິກ 2019 ທີ່ຜ່ານມາ ເຈົ້າເມືອງວັງວຽງ ທ່ານ ຄໍາຜອງ ດວງວິໄລ ໄດ້ອອກແຈ້ງການ ເລກທີ 043/ຈມ.ວວ ເຖິງການຈັດຕັ້ງ ທຸກຂັ້ນ ຂອງເມືອງວັງວຽງທີ່ກ່ຽວຂ້ອງ ແລະ ຜູ່ປະກອບການ ໃນທົ່ວເມືອງວັງວຽງ ເພື່ອຮັບຊາບ ກ່ຽວກັບ ການຫ້າມບໍ່ໃຫ້ ສວຍໂອກາດ ຂຶ້ນລາຄາ ຫ້ອງພັກ, ລາຄາອາຫານ, ຄ່າບໍລິການ, ຄ່າເຂົ້າຊົມສະຖານທີ່ທ່ອງທ່ຽວ ແລະ ສິນຄ້າທຸກປະເພດ ຢູ່ເມືອງວັງວຽງ, ໂດຍສະເພາະ ໃນຍາມເທດສະການ ງານບຸນຕ່າງໆ.


ພ້ອມກັນນີ້ ກໍ່ໄດ້ມີມາດຕະການລົງໂທດ ປັບໃໝ ຊັດເຈນ ຄືແຕ່ 1-10 ລ້ານກີບ ຕາມສະຖານໜັກ ຫຼື ເບົາ.

ອ່ານແຈ້ງການ





ເຖິງຢ່າງໃດ ກໍ່ດີ ໃນແຈ້ງການ ຍັງຂາດ ຂໍ້ມູນ ທີ່ຈະເປັນບ່ອນ ອີງເຖິງ ລາຄາ ຂອງສິນຄ້າ ຫຼື ບໍລິການ ແຕ່ລະອັນ ວ່າ ຈະມີລາຄາ ກາງຢູ່ທີ່ເທົ່າໃດ ເພາະ ໃນຕົວຈິງ ລາຄາທີ່ຂາຍກັນ ກໍ່ເຫັນວ່າ ຂ້ອນຂ້າງສູງ, ສະນັ້ນ ຈິ່ງຢາກ ຮຽກ ຮ້ອງໃຫ້ທາງເມືອງວັງວຽງ ທີ່ຈະມີມາດຕະການ ຄຸ້ມຄອງ ລາຄາສິນຄ້າ ແລະ ບໍລິການຕ່າງໆ ນັ້ນ ຕ້ອງໄດ້ ກໍານົດ ລາຄາອອກມາຢ່າງຊັດ ເຈນ ເພື່ອ ນັກທ່ອງທ່ຽວ ແລະ ລູກຄ້າ ທີ່ໄປທ່ຽວ ເມືອງວັງວຽງ ຈະໄດ້ ຮັບຮູ້ ແລະ ສາມາດກວດສອບໄດ້. 

ຖ້າເປັນໄປໄດ້ ຄວນມີເວັບໄຊ ໃຫ້ລາຍລະອຽດ ລາຄາ ຂອງສິນຄ້າ ແລະ ບໍລິການ ແຕ່ລະປະເພດ ທີ່ທຸກຄົນ ສາມາດເຂົ້າເບິງ ໄດ້ຢ່າງໂປ່ງໃສ, ພ້ອມມີເບີໂທ ຖ້າພົບເຫັນ ການລະເມີດ ຂຶ້ນລາຄາ ກໍ່ຈະໂທ ໃຫ້ເຈົ້າໜ້າທີ່ ມາປັບໃໝ່ ຜູ່ທີຝ່າຝືນ ແຈ້ງການສະບັບນີ້.

ພ້ອມດຽວກັນນີ້, ສິງທີ່ຕ້ອງກວດສອບ ກໍ່ຄື ພື້ນທີ່ ເຊົ່າຂາຍເຄື່ອງ ຕ້ອງມີການກວດສອບ ເພາະຜູ່ສໍາປະທານ ອາດມີການກໍານົດ ລາຄາ ເຊົ່າພື້ນທີ່ ທີ່ແພງ, ຫຼື ການເກັບພາສີ ອາກອນ ທີ່ສູງເກີນໄປ ກໍ່ເປັນອີກສາເຫດ ທີ່ຜູ່ປະກອບ ການຈໍາເປັນ ຕ້ອງຂຶ້ນລາຄາສິນຄ້າ. ເພາະສະນັ້ນ, ຕ້ອງກວດສອບຢ່າງຮອບດ້ານ ແລະ ເປັນທໍາ ແກ່ທຸກຝ່າຍ ເພື່ອ ໃຫ້ຜູ່ປະກອບ ການສາມາດ ມີກໍາໄລ ແລະ ລູກຄ້າ ກໍ່ສາມາດ ຊື່ສິນຄ້າ ແລະ ບໍລິການ ດ້ວຍລາຄາ ທີ່ເໝາະສົມ.


ສຸດທ້າຍ
ຄົນລາວເຮົາ ຕ້ອງທ່ຽວເມືອງລາວ ຊ່ວຍກັນສົ່ງເສີມ ເສດຖະກິດພາຍໃນເນາະ! 




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------




Post a Comment

0 Comments