ນະຄອນຫລວງວຽງຈັນ ຄາດວ່າຈະອອກໃບຕາດິນ ໃຫ້ໄດ້ 10.400 ຕອນ ໃນເດືອນທັນວານີ້



ຂປລ. ພະແນກຊັບພະຍາກອນ ແລະ ສິ່ງແວດລ້ອມ ນະຄອນຫລວງວຽງຈັນ, ຈະສູ້ຊົນດຳເນີນການສຳຫລວດພິສູດຫລັກຖານ ອອກໃບຕາດິນໃນ 9 ຕົວເມືອງ ທົ່ວນະຄອນຫລວງວຽງຈັນ ໃຫ້ໄດ້ 10.400 ຕອນ ຈາກທີ່ທາງນະຄອນຫລວງວຽງຈັນ ມອບໝາຍໃຫ້ພຽງ 10 ພັນຕອນ, ແຕ່ປັດຈຸບັນແມ່ນໄດ້ 12 ພັນຕອນແລ້ວ. 


ພ້ອມນີ້, ຈະເກັບກຳສຳມະໂນທີ່ດິນ 9 ຕົວເມືອງ ເຂົ້າໃນລະບົບຖານຂໍ້ມູນໃຫ້ໄດ້ຕາມແຜນ ທີ່ສະພາປະຊາຊົນນະຄອນຫລວງວຽງຈັນ ຮັບຮອງ 80 ພັນຕອນ ຄາດວ່າຈະໃຫ້ສຳເລັດໃນເດືອນທັນວານີ້. ຂະນະທີ່ການຈັດເກັບລາຍຮັບ ກໍແມ່ນລື່ນຄາດໝາຍທີ່ຕັ້ງໄວ້, ທ່ານ ບຸນທາມ ພຸດທະວົງສາ ຫົວໜ້າພະແນກຊັບພະຍາກອນ ແລະ ສິ່ງແວດລ້ອມນະຄອນຫລວງວຽງຈັນ ໄດ້ໃຫ້ສຳພາດຕໍ່ສື່ມວນຊົນໃນວັນທີ 9 ທັນວາ 2019 ນີ້.

CR: ຂປລ

Post a Comment

0 Comments