ໂຮງຮຽນ ມສ ປາກແຊງ ໄດ້ຮັບການຊ່ວຍເຫຼືອ ມູນຄ່າ 15 ລ້ານກ່ວາກີບ


ຄອບຄົວທ່ານ ທອງເພັດ ສີສະຫັວດ ພ້ອມດ້ວຍໝູ່ຄູ່ປະເທດອົດສະຕາລີ ແລະ ລູກຫຼານຫຼວງພະບາງມອບເຄື່ອງໃຫ້ນ້ອງນັກຮຽນ ໂຮງຮຽນ ມສ ປາກແຊງ ມູນຄ່າ 15 ລ້ານກ່ວາກີບ

--------------------------
        ວັນທີ່ 24 ທັນວາ 2019ນີ້ ໄດ້ມີຄອບຄົວທ່ານ ທອງເພັດ ສີສະຫັວດ ພ້ອມດ້ວຍໝູ່ຄູ່ປະເທດອົດສະຕາລີ  ໄດ້ນໍາເອົາອຸປະກອນການຮຽນ, ເຄື່ອງໃຊ້ຊີວິດປະຈໍາວັນ,ເຄື່ອງນຸ່ງຮົ່ມ,ຢາແກ້ປວດ ແລະ ເຂົ້າໜົມ ມອບເຄື່ອງໃຫ້ນ້ອງນັກຮຽນ ໂຮງຮຽນ ມສ ປາກແຊງທີ່ອາໄສຢູ່ຫໍພັກຈຳນວນ 310 ນ້ອງ,ອຸປະກອນປະກອບມີ ປື້ມຂຽນ 930 ຫົວ, ຢາສີແຂ້ວ 310 ຫຼອດ,ໄມ້ສີແຂ້ວ 310 ອັນ,ຢາແກ້ປວດ 8 ກັບ, ເສື້ອກັນໜາວ 200 ຜືນ, ໂສ້ງ-ເສື້ອແຂນສັນຍິງ-ຊາຍ 100 ກ່ວາຊຸດ,ຖົງຕີນ 250 ຄູ່,ເກີບ 10 ຄູ່ ແລະ ເຂົ້າໜົມ 11 ແກັດ,  




ພ້ອມມອບອຸປະກອນກິລາໃຫ້ໂຮງຮຽນ ບານແຕະ 5 ໜ່ວຍ,ກະຕໍ້ 5 ໜ່ວຍ,ບານສົ່ງ 2 ໜ່ວຍ, ເປຕັ່ງ 3 ຊຸດ ແລະ ມອບຜ້າຮົ່ມໃຫ້ຄອບຄົວທຸກຍາກບ້ານ ບວມຜາແສງ ຈຳນວນ 10 ຄອບຄົວ, ຄອບຄົວລະ 1 ຜືນ,   ລວມມູນຄ່າ 15 ລ້ານກ່ວາກີບ, ນອກນັ້ນຍັງມີ ຮ້ານ MK.BarBer ບໍລິການຕັດຜົມຟີໃຫ້ແກ່ນ້ອງນັກຮຽນຕື່ມອີກ, ສ່ວນຕອນຄ່ຳຂອງວັນທີ່ 23   ຍັງໄດ້ສາຍຮູບເງົາກະຕູນ ແລະ ແຈກອາຫານ,ຈາກນັ້ນທີມງານກໍ່ໄດ້ພັດປ່ຽນກັນມອບເຄື່ອງດັ່ງກ່າວໃຫ້ແກ່ນ້ອງນັກຮຽນຢ່າງເປັນຂະບວນຟົດຝື້ນ ແລະ ມ່ວນຊື່ນ.

ໂດຍ: ສົມພົງ ແກ້ວມະນີທອງ (ນັກຂ່າວເມືອງ)










Post a Comment

0 Comments