ໄຂກອງປະຊຸມສະຖິຕິທົ່ວປະເທດ ປະຈຳປີ 2019 ທີ່ແຂວງ ອຸດົມໄຊ



ໂດຍ:   ແສງອາທິດ 

ກອງປະຊຸມສະຖິຕິທົ່ວປະເທດປະຈຳປີ 2019 ໄດ້ໄຂຂື້ນຢ່າງເປັນທາງການ ໃນວັນທີ່ 12 ທັນວາ 2019 ນີ້ ທີ່ຫ້ອງປະຊຸມພະແນກ ແຜນການ ແລະ ການລົງມທືນແຂວງ ອຸດົມໄຊ ໂດຍການເປັນປະທານຂອງທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ, ມີທ່ານ ສົມຈິດ ປັນຍາສັກ ຮອງເຈົ້າແຂວງໆ ອຸດົມໄຊ, ມີທ່ານ ປອ ສະໄໝຈັນ ບຸບຜາ ຫົວໜ້າສູນສະຖິຕິແຫ່ງຊາດ ຮອງລັດຖະມົນຕີກະຊວງແຜນການ ແລະ ການລົງທືນ, ມີບັນດາ ຮອງເຈົ້າແຂວງ ຫົວໜ້າສູນສະຖິຕິທົ່ວປະເທດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. 




ທ່ານ ປອ ສອນໄຊ ສິພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ ໄດ້ໃຫ້ກຽດກ່າວເປີດກອງປະຊຸມຢ່າງເປັນທາງການ ພ້ອມທັງຕີລາຄາສູງກ່ຽວກັບກອງປະຊຸມຄັ້ງນີ້ ເຊີ່ງເປັນກອງປະຊຸມທີ່ມີຄວາມໝາຍຄວາມສຳຄັນຫຼາຍສຳລັບວຽກງານສະຖິຕິແຫ່ງຊາດ, ມີຄວາມສຳຄັນ ຄວາມຈຳເປັນ ແລະ ຜົນສຳເລັດກ່ຽວກັບວຽກງານສະຖິຕິຫຼາຍໆດ້ານຢູ່ໃນຂະແໜງການຂັ້ນສູນກາງ ແລະ ຂັ້ນທ່ອງຖີ່ນໃນຂອບເຂດທົ່ວປະເທດ, ບໍ່ວ່າຈະເປັນການສຳຫຼວດໃຫຍ່, ສຳຫຼວດລະດັບຊາດ, ສຳຫຼວດຕົວແທນ ກໍ່ຄືການຄົ້ນຄ້ວາວິໄຈບັນຫາຂໍ້ມູນສະຖິຕິທາງການທີ່ສະໜອງໃຫ້ແກ່ການຕີລາຄາສະພາບການພັດທະນາເສດຖະກິດ-ສັງຄົມ, ທ່ານຍັງໄດ້ກ່າວຕື່ມວ່າ ຂໍ້ມູນສະຖິຕິ ສຸດທີ່ມີຄວາມສຳຄັນ ແລະ ມີປະໂຫຍດຫຼາຍໃຫ້ແກ່ລັດຖະບານ ແລະ ອົງການຈັດຕັ້ງສາກົນ ກໍ່ຄືຄູ່ຮ່ວມພັດທະນາ ເພາະເປັນບ່ອນອີງພື້ນຖານທີ່ສຸດ ໃຫ້ແກ່ການສ້າງແຜນ ແລະ ການຈັດຕັ້ງປະຕິບັດບັນດາແຜນງານຕ່າງໆທີ່ຊ່ວຍຍູ້ໜູນ ປະກອບສ່ວນໃຫ້ແກ່ການພັດທະນາ ແລະ ສ້າງສາພັດທະນາປະເທດຊາດຂອງພວກເຮົາຢ່າງຕໍ່ເນື່ອງ. 



ກອງປະຊຸມຄັ້ງນີ້ ບັນດາຜູ້ແທນແມ່ນຈະໄດ້ຮັບຟັງການສະຫຼຸບ ແລະ ທິດທາງວຽກງານລະບົບສະຕິແຫ່ງຊາດ, ສະຫຼູບວຽກງານປີ 2019, ແຜນປີ 2020 ແລະ ທິດທາງແຜນການ 5 ປີ ຂອງລະບົບສະຖິຕິແຫ່ງຊາດ, ທົບທວນຄືນການຈັດຕັ້ງປະຕິບັດ ຍຸດທະສາດ ແລະ ກົດໝາຍວ່າດ້ວຍສະຖິຕິ, ການຈັດຕັ້ງປະຕິບັດຄຳສັ່ງສະບັບເລກທີ່ 19 / ນຍ ສຳລັບການຈັດຕັ້ງສະຖິຕິສາຍຂວາງ, ທົບທວນຜົນການຈັດຕັ້ງປະຕິບັດຍຸດທະສາດການພັດທະນາລະບົບສະຖີຕິແຫ່ງຊາດ ປີ່ 2016 - 2027  ແລະ ວິໃສທັດປີ 2030 ການປະເມີນຄືນກ່ຽວກັບ 4 ແຜນແມ່ບົດ, ທົບທວນຄືນບັນດາຕົວຊີ້ບອກແຫ່ງຊາດ, ລະບົບຕິດຕາມ ແລະ ການປະເມີນການພັດທະນາເສດຖະກິດສັງຄົມແຫ່ງຊາດ, ແຜນພັດທະນາສະຖິຕິສີ່ງແວດລ້ອມ, ບົດບາດສະຖິຕິ ແລະ ການນຳໃຊ້ຂໍ້ມູນຕໍ່ວຽກງານຕິດຕາມ, ປະເມີນຜົນ, ວາງແຜນນະໂຍບາຍຂັ້ນແຂວງ, ການຈັດຕັ້ງປະຕິບັດວຽກງານສະຖິຕິຂັ້ນແຂວງ, ພ້ອມທັງຖອດຖອນບົດຮຽນຜ່ານມາ ແລະ ແຜນການ 2020 – 2025. ສະຖິຕິຂັ້ນບ້ານ,  ວຽກງານການຂື້ນທະບຽນພົນລະເມືອງ,  ການຂື້ນທະບຽນ - ຈົດນັບພົນລະເມືອງ ແລະ ການຂື້ນທະບຽນວິສາຫະກິດ, ຄວາມຄືບໜ້າການກະກຽມການສຳຫຼວດສະຖິຕິກະສິກຳ ແລະ ການສຳຫຼວດສະຖິຕິເສດຖະກິດທົ່ວປະເທດຄັ້ງທີ່ 3, ວຽກງານການສ້າງຖານຂໍ້ມູນ ແລະ ເຜີຍແຜ່ຂໍ້ມູນສະຖິຕິທາງການ,  ໂດຍຜ່ານລະບົບເວບໄຊຂອງສູນສະຖິຕິແຫ່ງຊາດ ການຫັນປ່ຽນທັນສະໄໝ ແລະ ທັນເວລາ.

ກອງປະຊຸມຍັງໄດ້ເປີດກ້ວາງໃຫ້ບັນດາຜູ້ແທນໄດ້ປະກອບຄວາມຄິດເຫັນເຂົ້າໃນແຕ່ລະວຽກງານເພື່ອໃຫ້ມີຄວາມເປັນເອກະພາບກັນໃນທົ່ວປະເທດ.

Post a Comment

0 Comments