ລົດພ່ວງ 24 ລໍ້ ຕໍາກັບລົດຕູ້ ເຈັບ 13 ສາຫັດ 3 ເຂດ ນໍ້າບາກ


ເກີດອຸປັດຕິເຫດລົດພ່ວງ 24 ລໍ້ ຕໍ່ກັບ ລົດຕູ້ຂົນສົ່ງຜູ້ໂດຍສານຈາກເມືອງງອຍ​ ຫາ​ ຫລວງພະບາງ
ຜູ້ບາດເຈັບທັງຫມົດ 13 ຄົນ ບາດ​ເຈັບ​ສາຫັດ​03 ຄົນ

ໃນຕອນທ່ຽງຂອງວັນທີ່ 23/ 12 / 2019 ເວລາ 13:34 ນາທີ​ ມີອຸປະຕິອຸປະຕິເຫດ ລົດພວງ24ລໍ້ ຕຳກັບລົດຕູ້ຂົນສົ່ງຜູ້ໂດຍສານຢູ່ເສັ້ນທາງ ບ້ານ ນ້ຳງາ  ເມືອງ​ ນ້ຳບາກ ແຂວງຫລວງພະບາງ.​




  ຂໍ້ມູນເບື້ອງຕົ້ນ ແມ່ນມີຜູ້ບາດເຈັບທັງຫມົດ 13ຄົນ,​  ໃນນັ້ນມີຄົນລາວ 04ຄົນ, ຍິງ02ຄົນ,​ຊາວຕ່າງຊາດ 09ຄົນ,​ຍິງ 04ຄົນ,​ ຜູ້ບາດເຈັບທັງໝົດແມ່ນຖືກນຳສົ່ງໂຮງໝໍຈີນ ນ້ຳຖ້ວມ ກ່ອນທີ່ຈະໄດ້ມີການນຳສົ່ງໂຮງໝໍຈີນຫລວງພະບາງ

ຫນ່ວຍກູ້ຊີບອົງການກາແດງລາວໄດ້ໃຫ້ການຊ່ວຍເຫລືອນຳສົ່ງຄົນເຈັບຈາກໂຮງໝໍຈີນນ້ຳຖ້ວມ ເມືອງ​ນ້ຳ​ບາກ ມາໂຮງໝໍຈີນຫລວງພະບາງຈຳນວນ 4ຄົນ ໃນນັ້ນມີ ຄົນລາວ​ 3ຄົນ,​ ເພດຍິງ 2 ຄົນ,​ ເພດຊາຍ​ 1ຄົນ ແລະ​ຊາວຕ່າງຊາດເພດຍິງ 1ຄົນຄື:



1:ນາງ ບົວເງິນ ອາຍຸ 21 ປີ ສັນຊາດລາວ ບ້ານຢູ່ປັດຈຸບັນ ບ້ານ​ສົບແຈມ ເມືອງ ງອຍ ແຂວງຫລວງພະບາງ 
  ອາການ​ບາດເຈັບເບື້ອງຕົ້ນ​ແມ່ນຂາເບື້ອງຂວາຫັກປິດ ແລະ ມີບາດແຜພົກຊ້ຳຢູ່ຫນ້າຜາກ ເບື້ອງ​ຂວາ.​

2: ນາງ​ ຈັນເພັງ ອາຍຸ​ 19​ປີ ສັນຊາດ​ລາວ ບ້ານຢູ່ປັດຈຸບັນ ບ້ານສົບຮຸນ ເມືອງ ງອຍ ແຂວງຫລວງພະບາງ

      ອາການບາດເຈັບເບື້ອງຕົ້ນ​ແມ່ນ​:ຂາເບື້ອງຂວາຫັກປິດ, ເຈັບແຂນສອກເບື້ອງຂວາ ແລະ ມີບາດແຜຈີກ​ຢູ່ຫນ້າເເຄ່ງເບື້ອງຊ້າຍ.​

3 : ທ້າວ​ ຫວຽດ ອາຍຸ 36 ປີ ສັນຊາດລາວ​ ບ້ານ​ຢູ່ປັດຈຸບັນ​ບ້ານ​ ຫ້ວຍນາ ເມືອງ ງອຍ ແຂວງຫລວງພະບາງ.​

        ອາການບາດເຈັບເບື້ອງຕົ້ນ​ແມ່ນມີອາການເຈັບປວດຕົນຕົວ .

4: Miss DENISE ອາຍຸ 39 ປີ ສັນຊາດ ຊາວຕ່າງຊາດອາການບາດເຈັບເບື້ອງຕົ້ນ ມີບາດແຜຈີກຢູ່ແຂນເບື້ອງຂວາ,​ຢູ່ຮີມປາກ,​ຢູ່ແກ້ມ ແລະມີບາດແຜພົກຊ້ຳຢູ່ບໍລິເວນຂອບຕາເບື້ອງຊ້າຍ.​




  ຜ່ານການສອບຖາມຜູ້ປະສົບອຸປະຕິເຫດຄັ້ງນີ້ແມ່ນ ລົດຄິວຄັນດັ່ງກ່າວແມ່ນເດີນທາງອອກຈາກ ເມືອງງອຍ ມາ ຫລວງພະບາງ ເມື່ອມາຮອດ ບ້ານນ້ຳງາ ເມືອງ​ນ້ຳ​ບາກ​  ໄດ້ມີລົດພວງ24 ລໍ້ທີ່ກຳລັງຂັບຂີ່ນັ້ນຕຳໃສ່ກັບຫົວລົດໂດຍສານຄັນດັ່ງກ່າວ.​





ສ່ວນໂຊເຟີລົດແລະຜູ້ບາດເຈັບທີ່ເຫລືອພາກສ່ວນຫນື່ງແມ່ນລົດຂອງໂຮງໝໍຈີນຫລວງພະບາງ ແລະ ລົດໂຮງໝໍເມືອງນ້ຳບາກ ນຳສົ່ງໄປກ່ອນແລ້ວ.

ຂໍ້ມູນຈາກ ໜ່ວຍກູ້ຊີບອົງການກາແດງລາວຫຼວງພະບາງ

Post a Comment

0 Comments