ກອງປະຊຸມ ປຶກສາຫາລື 3 ຝ່າຍ ຄັ້ງທີ II ລະຫວ່າງ ອົງການກວດກາລັດຖະບານ ແລະ ຕ້ານການສໍ້ລາດບັງຫລວງ




ຂປລ. ກອງປະຊຸມປຶກສາຫາລື 3 ຝ່າຍ ຄັ້ງທີ II ລະຫວ່າງ ອົງການກວດກາລັດຖະບານ ແລະ ຕ້ານການສໍ້ ລາດບັງຫລວງ ແຫ່ງ ສປປ ລາວ, ໜ່ວຍງານຕ້ານການສໍ້ລາດບັງຫລວງ ແຫ່ງ ຣາຊາອານາຈັກ ກໍາປູເຈຍ ແລະ ຄະນະກໍາມະການປ້ອງກັນ ແລະ ປາບປາມການສໍ້ລາດບັງຫລວງແຫ່ງຣາຊະອານາຈັກໄທ ໄດ້ຈັດຂຶ້ນໃນ ວັນທີ 11 ທັນວາ 2019 ທີ່ໂຮງແຮມຈໍາປາສັກແກຣນ ແຂວງ ຈໍາປາສັກ ສປປ ລາວ 


ຝ່າຍປະເທດລາວ ນໍາໂດຍ ທ່ານ ວິໄລວັນ ບຸດດາຄໍາ ຮອງປະທານອົງການກວດກາລັດຖະບານ, ຮອງຫົວໜ້າອົງການຕ້ານ ການສໍ້ລາດບັງຫລວງ ແຫ່ງ ສປປ ລາວ ພ້ອມດ້ວຍຄະນະ, ຝ່າຍຣາຊະອານາຈັກກໍາປູເຈຍ ນໍາໂດຍ ທ່ານ ຢອນ ຊີນັດ ຮອງປະທານອົງການຕ້ານການສໍ້ລາດບັງຫລວງ ແຫ່ງ ຣາຊະອານາຈັກ ກໍາປູເຈຍ ພ້ອມດ້ວຍ ຄະນະ ແລະ ຝ່າຍຣາຊະອານາຈັກໄທ ນໍາໂດຍ ທ່ານ ພິເຊດ ພຸ່ມພັນ ຮອງເລຂາທິການສໍານັກງານປ້ອງ ກັນ ແລະ ປາບປາມການສໍ້ລາດບັງຫລວງແຫ່ງຊາດ ຣາຊະອານາຈັກໄທ ພ້ອມດ້ວຍຄະນະ, ໂດຍການເປັນກຽດເຂົ້າຮ່ວມຂອງ ທ່ານ ສີໃນ ມຽງລາວັນ ຮອງປະທານ ອົງການກວດກາລັດຖະບານ, ຮອງຫົວໜ້າ ອົງການຕ້ານການສໍ້ລາດບັງຫລວງ ແຫ່ງ ສປປ ລາວ, ມີປະທານອົງການກວດກາແຂວງຈໍາປາສັກ, ປະທານອົງການກວດກາແຂວງອັດຕະປື, ຮອງປະທານກວດກາ, ຫົວໜ້າກົມ-ຮອງກົມ ແລະ ຫົວໜ້າພະແນກການຕ້ານການສໍ້ລາດບັງຫລວງຂັ້ນສູນກາງ ແລະ ແຂວງຈໍາປາສັກ ເຂົ້າຮ່ວມ.

Post a Comment

0 Comments