ການນໍາແຂວງຫຼວງພະບາງວາງກະຕ່າດອກໄມ້ ລະນຶກເຖິງບຸນຄຸນຂອງນັກຮົບປະຕິວັດ ເນື່ອງໃນວັນຊາດຄົບຮອບ 44 ປີ


ການນໍາແຂວງຫຼວງພະບາງວາງກະຕ່າດອກໄມ້
ລະນຶກເຖິງບຸນຄຸນຂອງນັກຮົບປະຕິວັດ
ເນື່ອງໃນວັນຊາດ


 ຕອນເຊົ້າຂອງວັນທີ 2 ທັນວາ 2019 ທ່ານ ຄໍາຂັນ ຈັນທະວິສຸກ ເລຂາພັກແຂວງ ເຈົ້າແຂວງຫຼວງພະບາງ ພ້ອມດ້ວຍການນໍາຂັ້ນແຂວງ,ຂັ້ນເມືອງ,ພະແນກການ,ປກສ,ປກຊ,ເຖົ້າແກ່ອາວຸໂສບໍານານ ພ້ອມດ້ວຍພະນັກງານອ້ອມຂ້າງແຂວງ ໄດ້ພາກັນ ເຂົ້າວາງກະຕ່າດອກໄມ້ ໂດຍເລີ້ມຈາກອານຸສາວະລີນັກຮົບປະຕິວັດ ແລະ ສືບຕໍ່ເຂົ້າວາງກະຕ່າດອກໄມ້ທີ່ອານຸສາວະລີປະທານ ໄກສອນ ພົມວິຫານ ທີ່ບ້ານພະບາດໃຕ້ ແລະ ອານຸສາວະລີປະທານ ສຸພານຸວົງ ທີ່ບ້ານນາວຽງຄໍາ ນະຄອນຫຼວງພະບາງ ທັງສອງຜູ້ນໍາທີ່ຄົບລົບຮັກຂອງປະຊາຊົນລາວທັງຊາດ ເພື່ອລະນຶກເຖິງຄຸນງາມຄວາມດີ ແລະ ພາລະກິດປະຕິວັດຂອງທ່ານ.ໃນໂອກາດສະເຫຼີມສະຫຼອງວັນຊາດ ທີ 2 ທັນວາ ຄົບຮອບ 44 ປີ.





 ເພື່ອສະແດງຄວາມຮູ້ບຸນຄຸນອັນຫຼົ້ນເຫຼືອ ແລະ ຜົນງານອັນໃຫຍ່ຫຼວງ ຂອງຜູ້ນໍາທີ່ເຄົາລົບຮັກ ແລະ ທນັກຮົບປະຕິວັດທີ່ໄດ້ອຸທິດຕົນ ເພື່ອພາລະກິດປະຕິວັດປົດປ່ອຍຊາດ ໂດຍຜ່ານຜ່າອຸປະສັກ ຄວາມຫຫຍຸ້ງຫຍາກລະອິດລະອ້ຽວ ຈົນສາມາດຍາດໄດ້ໄຊຊະນະ ແລະ ປົດປ່ອຍປະເທດຊາດຢ່າງສົມບູນ,ສະຖາປະນາເປັນປະເທດ ສປປ ລາວ ໃນວັນທີ 2 ທັນວາ 1975 . 






ຈາກນັ້ນໄດ້ນໍາພາປະເທດຊາດຮໍາບາດແຜສົງຄາມ ຕາມຈຸດໝາຍສັງຄົມນິຍົມ ແລະ ປະຕິບັດສອງທີ່ໜ້າຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຮັ່ງມີເຂັ້ມແຂງ,ປະຊາຊົນຮັ່ງມີຜາສຸກ,ສັງຄົມມີຄວາມສະຫງົບ ແລະ ຍຸດຕິທໍາ. ຕັ້ງໜ້າບູລະນະປະຊາທິປະໄຕຕາມທິດສ້າງລັດໃຫ້ເປັນລັດຂອງປະຊາຊົນ ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນຢ່າງແທ້ຈິງ. 




ເປັນແບບຢ່າງໃຫ້ການນໍາທຸກຂັ້ນຈົ່ງຮໍ່າຮຽນເອາຄຸນສົມບັດສິນທໍາປະຕິວັດ ມີຄວາມຈົ່ງຮັກພັກດີ ແລະ ເດັດ ດ່ຽວໜຽວແໜ້ນ ນໍາໃຊ້ເຂົ້າໃນຍຸດທະສາດການພັດທະນາ,ປົກປັກຮັກສາ ແລະ ສ້າງສາປະເທດຊາດ,ເພີ້ມທະວີວຽກງານກໍ່ສ້າງ ແລະ ປັບປຸງພັກ-ພະນັກງານທາງດ້ານການເມືອງແນວຄິດ ໃນທຸກການເຄື່ອນໄຫວວຽກງານ ແລະ ການດໍາລົງຊີວິດ,ສຸມສະຕິປັນຍາເຂົ້າໃນການສ້າງສາພັດທະນາ ເຮັດໃຫ້ປະເທດຫຼຸດພົ້ນອອກຈາກຄວາມທຸກຫຍາກເທື່ອລະກ້າວ. ໃນພິທີໄດ້ມີການສະແດງສິລະປະວັນນະຄະດີຈາກພະນັກງານ-ລັດຖະກອນເມືອງຫຼວງພະບາງຕື່ມອີກ. 

   ຂ່າວ: ເພັດສາຄອນ ສິມມະວົງ





Post a Comment

0 Comments