6 ປີ ແຫ່ງຄວາມສໍາເລັດໃນການດໍາເນີນກິດຈະການ ໂຮງຮຽນ ເດັກຄໍາຮູ້ ກັບ 6 ສາຂາ


ຄຽງຄູ່ກັບນະໂຍບາຍຂອງພັກລັດທີ່ໄດ້ໃຫ້ຄວາມສຳຄັນໃນການສົ່ງເສີມພັດທະນາຊັບພະຍາກອນມະນຸດກໍ່ຄືເດັກນ້ອຍໃນວັນນີ້ຄືອານາຄົດຂອງຊາດໃນວັນໜ້າ ທາງໂຮງຮຽນຈິ່ງໄດ້ມີຄວາມຕັ້ງໃຈ ແລະ ເອົາໃຈໃສ່ຕໍ່ກັບການພັດທະນາໂຮງຮຽນ ແລະ ເລັ່ງຂະຫຍາຍກິດຈະການໂຮງຮຽນ ເດັກຄຳຮູ້ ໃຫ້ໄດ້ບັນລຸເປົ້າໝາຍສູງສຸດຂອງໂຮງຮຽນຄື: ຕ້ອງຂະຫຍາຍສາຂາໄດ້ຄົບທຸກແຂວງທົ່ວປະເທດ ແລະ ເພື່ອໃຫ້ເປົ້າໝາຍດັ່ງກ່າວນັ້ນບັນລຸຜົນເປັນຈິງ ຈິ່ງຢາກເຊີນຊວນຜູ້ທີ່ມີຄວາມມັກຮັກ ແລະ ສົນໃຈຢາກປະກອບກິດຈະການໂຮງຮຽນ ທີ່ມີຄວາມໝັ້ນຄົງໂດຍການລົງທຶນຄັ້ງດຽວແຕ່ສາມາດຄືນທຶນໄດ້ໄວໃນໄລຍະເວລາອັນສັ້ນ ພວມເຮົາພ້ອມສະໜອງອຸປະກອນ, ສະໜອງວິຊາການ, ໃຫ້ການຊ່ວຍເຫຼືອ, ດູແລ ແລະ ບໍລິຫານໄປຄຽງຄູ່ທ່ານ ສົນໃຈຮ່ວມລົງທຶນ ຫຼື ຊື້ແຟນຊາຍໂຮງຮຽນ ຕິດຕໍ່ສອບຖາມຂໍ້ມູນລະອຽດໄດ້ທີ່ເບີ 020 92392829 & 55994516 ແລະ 020 23356665.


ໃນພິທີທ່ານນາງ ດາວວອນ ບຸນມະວົງ ໄດ້ຂຶ້ນຜ່ານປະຫວັດຄວາມເປັນມາຂອງໂຮງຮຽນອະນຸບານປະຖົມເດັກຄໍາຮູ້ ເຊິ່ງໂຮງຮຽນດັ່ງກ່າວໄດ້ສ້າງຕັ້ງຂຶ້ນໃນປີ 2013 ຕັ້ງຢູ່ບ້ານ ຮ່ອງແກ ເມືອງໄຊເສດຖາ ນະຄອນຫຼວງວຽງຈັນ ໃນ 6 ປີຜ່ານມາທາງໂຮງຮຽນໄດ້ມີການພັດທະນາສົ່ງເສີມໃຫ້ເດັກມີຄວາມຮູ້ຄວາມສາມາດ ແລະ ຈິນຕະນາການອັນໃໝ່ໆ ເພື່ອສ້າງໃຫ້ເຂົາເຈົ້າກາຍເປັນອານາຄົດຂອງຊາດ. ດັ່ງນັ້ນ, ໂຮງຮຽນຈຶ່ງໄດ້ຂະຫຍາຍສ້າງໂຮງຮຽນຂຶ້ນຕື່ມ ເຊິ່ງມີ 6 ສາຂາຄື : ສາຂາທີໜຶ່ງແມ່ນຢູ່ນະຄອນຫຼວງວຽງຈັນ,​ ສາຂາທີສອງແມ່ນຢູ່ນະຄອນປາກເຊ ແຂວງຈໍາປາສັກ, ສາຂາທີສາມຢູ່ແຂວງວຽງຈັນ, ສາຂາທີສີ່ຢູ່ແຂວງຫຼວງນໍ້າທາ. ມາຮອດປີ 2020 ຈະໄດ້ເພີ່ມຂຶ້ນອີກສອງສາຂາຄື : ສາຂາທີຫ້າຕັ້ງຢູ່ບ້ານໂພເງິນເຂດບ້ານຫ້ອມ ເມືອງຫາດຊາຍຟອງ ນະຄອນຫຼວງວຽງຈັນ, ສາຂາທີຫົກແມ່ນຕັ້ງຢູ່ແຂວງຫຼວງນໍ້າທາ (ເຊິ່ງແມ່ນສາຂາທີສອງຂອງແຂວງຫຼວງນໍ້າທາ). 

ສະເພາະສາຂານະຄອນປາກເຊແມ່ນຈະໄດ້ຂະຫຍາຍໂຮງຮຽນປະຖົມອີກ ເພື່ອຮັບຮອງໃຫ້ແກ່ຫຼານນ້ອຍທີ່ກໍາລັງພັດທະນາໃຫ້ມີຄຸນນະພາບ ປັດຈຸບັນມີຫ້ອງຮຽນແລ້ວສະເພາະ ປໍ1-ປ3 ໂດຍທາງໂຮງຮຽນຈະໄດ້ເລື່ອນຂຶ້ນຮອດ ປໍ5 ໃນປີຕໍ່ໄປ. ພ້ອມດຽວກັນນີ້ທາງໂຮງຮຽນຍັງໄດ້ຮ່ວມມືກັບສູນພາສາຈີນ ລາວຢາງ ເພື່ອນຳເອົາຫລັກສູດການຮຽນການສອນພາສາຈີນເຂົ້າມາສອນນັກຮຽນ ເຊິ່ງຈະເລີ່ມຈັດຕັ້ງປະຕິບັດການຮຽນການສອນໃນຕົ້ນປີ 2020 ນີ້, ໂອກາດນີ້ອັນມີຄວາມໝາຍຄວາມສໍາຄັນໂຮງຮຽນກໍ່ໄດ້ຈັດພິທີເລົ່າຄືນມູນເຊື້ອປະຫວັດຄວາມເປັນມາຂອງວັນຄູແຫ່ງຊາດ 7 ຕຸລາ ຄົບຮອບ 25 ປີ ເຊິ່ງແມ່ນທ່ານນາງ ພູເງິນ ຫຍຸຍມະນີວົງ ວິຊາການໂຮງຮຽນ ໄດ້ເລົ່າຄືນປະຫວັດຄວາມເປັນມາຂອງນາຍຄູຄໍາ ເຊິ່ງເປັນຄູລາວຄົນທໍາອິດທີ່ໄດ້ເຂົ້າຮ່ວມຂະບວນການຕໍ່ສູ້ກັບພວກຝລັ່ງເພື່ອຍາດເອົາສິດເສລີພາບອີກປະການໜຶ່ງກໍ່ເພື່ອໃຫ້ນ້ອງນ້ອຍນັກຮຽນໄດ້ຮັບຮູ້ເຖິງຄວາມໝາຍຄວາມສໍາຄັນຂອງວັນຄູແຫ່ງຊາດ. ໃນພິທີທ່ານນາງດາວວອນ ບຸນມະວົງ ກໍ່ໄດ້ຂຶ້ນມອບຂອງຂວັນໃຫ້ແກ່ຄູເພື່ອເປັນກໍາລັງໃຈໃຫ້ແກ່ຄູ ໃນຕອນທ້າຍພິທີຍັງໄດ້ຮັບຟັງຄິດເຫັນຂອງທ່ານ ອອ່ນແກ້ວ ເພັດພູມີ ຕໍ່ຄູອາຈານ ແລະ ໄດ້ຮັບຊົມການສະແດງສິນລະປະຂອງຄູອາຈານ ແລະ ຫຼານນ້ອຍນັກຮຽນພາຍໃນໂຮງຮຽນອີກດ້ວຍ.


ສຳລັບຜູ້ປົກຄອງທີ່ມີລູກນ້ອຍອາຍຸຕັ້ງແຕ່ 3ເດືອນ – 6ປີ ສາມາດພາລູກມາຮຽນນຳພວກເຮົາໄດ້ທີ່ ໂຮງຮຽນ ເດັກຄຳຮູ້ ທຸກສາຂາ:
  1. ສາຂາ ນະຄອນຫຼວງວຽງຈັນ: ຕັ້ງຢູ່ບ້ານ ຮ່ອງແກ ເມືອງໄຊເສດຖາ ໂທ 020 99737530
  2. ສາຂາ ແຂວງຈຳປາສັກ: ຕັ້ງຢູ່ບ້ານ ສວນສະຫວັນ ນະຄອນປາກເຊ ໂທ 020 97773351
  3. ສາຂາ ແຂວງວຽງຈັນ: ຕັ້ງຢູ່ບ້ານ ໜອງປຸ່ງ ເມືອງໂພນໂຮງ ໂທ 020 54231115
  4. ສາຂາ ແຂວງຫຼວງນ້ຳທາ: ບ້ານ ໄຊສົມບູນ ໂທ 020 55456173, 030 5494889
  5. ສາຂາ ນະຄອນຫຼວງວຽງຈັນ: ຕັ້ງຢູ່ບ້ານ ໂພເງິນ ເມືອງຫາດຊາຍຝອງ ໂທ 020 92392829 & 55994516
  6. ສາຂາ ແຂວງຫຼວງນ້ຳທາ: ຕັ້ງຢູ່ເມືອງນ້ຳທາ ໂທ 020 55456173, 030 5494889


ທາງໂຮງຮຽນເນັ້ນການພັດທະນາເດັກໃນທຸກໆດ້ານ ບໍ່ວ່າຈະເປັນດ້ານຮ່າງກາຍ, ດ້ານສະໝອງ ແລະ ດ້ານອາລົມ. ສອນໃຫ້ເດັກມີຄວາມຮູ້ຄວາມສາມາດສົມກັບໄວຂອງເຂົາເຈົ້າ, ສອນໃຫ້ຮູ້ຈັກແບ່ງປັນ, ສອນໃຫ້ຮູ້ຈັກປັບຕົວເຂົ້າກັບສັງຄົມ, ສອນໃຫ້ມີຄວາມກ້າຫານ ແລະ ກ້າສະແດງອອກ ດ້ວຍວິທີການຮຽນ, ການຝຶກແອບ, ການຫຼິ້ນທີ່ຫຼາກຫຼາຍ, ການຈັດກິດຈະກຳ, ການທັດສະນະນອກສະຖານທີ່ ແລະ ຍັງມີຄູຕ່າງປະເທດສອນພາສາອັງກິດໃຫ້ເດັກອີກດ້ວຍ.

ນອກຈາກການຮຽນແລ້ວ ທາງໂຮງຮຽນຍັງເນັ້ນຄວາມສະອາດ ແລະ ຄວາມປອດໄພຂອງເດັກເປັນສິ່ງສຳຄັນ ພ້ອມທັງອຳນວຍຄວາມສະດວກສະບາຍໃຫ້ແກ່ຜູ້ປົກຄອງ ແລະ ນັກຮຽນເຊັ່ນ:
 – ມີອາຫານເຊົ້າ, ອາຫານສວຍ ແລະ ອາຫານຫວ່າງ ເຊິ່ງອາຫານຂອງພວກເຮົາແມ່ນເນັ້ນຄວາມສະອາດ ແລະ ຖືກຫຼັກໂພຊະນາການສຳລັບເດັກມີເມນູພັດປ່ຽນປະຈຳອາທິດ, ປະຈຳເດືອນ ພະນັກງານປຸງແຕ່ງອາຫານແມ່ນຜ່ານການຝຶກອົບຮົມດ້ານໂພຊະນາການອາຫານເດັກ.


 – ມີກ້ອງວົງຈອນຕິດຕາມທຸກຫ້ອງຮຽນ, ຫ້ອງນ້ຳເດັກ, ຫ້ອງອາຫານ ແລະ ເດີ່ນຫລິ້ນ, ມີນວມກັນກະທົບທັງຝາ ແລະ ພື້ນເພື່ອຄວາມປອດໄພສຳລັບເດັກ
 – ມີບ່ອນນອນທີ່ສະອາດໃຫ້ (ບໍ່ສ້າງຄວາມຫຍຸ້ງຍາກໃຫ້ຜູ້ປົກຄອງ).
 – ມີປື້ມຕິດຕາມປະຈໍາວັນສຳລັບລາຍງານການເຄື່ອນໄຫວຂອງເດັກ.
 – ຫ້ອງຮຽນຕິດແອເຢັນ ແລະ ແອອຸ່ນ.
 – ມີລະບົບນ້ຳອຸ່ນ ແລະ ອຸປະກອນອາບນ້ຳສໍາຫຼັບເດັກ.
– ມີການອັບເດດກິດຈະກໍາການຮຽນ-ການສອນຂອງນັກຮຽນລົງໃນເຟດບຸກເພື່ອໃຫ້ຜູ້ປົກຄອງງ່າຍຕໍ່ການຕິດຕາມການການຮຽນຂອງລູກ.
 – ອໍານວຍຄວາມສະດວກໃຫ້ແກ່ຜູ້ປົກຄອງດ້ວຍການຮັບຝາກເດັກລ່ວງເວລາຈົນຮອດ 18:30.














Post a Comment

0 Comments