ປະຫວັດສາດຈາລຶກ ຮັບສະມາຊິກຊາວໜຸ່ມໃໝ່ ຈຳນວນ 8,232 ສະຫາຍ



ເຊົ້າຂອງວັນທີ ວັນທີ 14 ທັນວາ 2019 ທີ່ ຫໍພິພິດຕະພັນ ໄກສອນ ພົມວິຫານ ຄະນະຊາວໜຸ່ມ ປະຊາຊົນປະຕິວັດລາວ ນະຄອນຫຼວງວຽງຈັນ ໄດ້ຈັດ ພິທີ ເລື່ອນສະມາຊິກເຍົາວະຊົນທີ່ກ້າວໜ້າ ຈຳນວນ 8,232 ສະຫາຍ, ຍິງ 3,720 ສະຫາຍ ເຂົ້າເປັນສະມາຊິກຊາວໜຸ່ມ ປະຊາຊົນປະຕິວັດລາວ 

ເພື່ອສ້າງຂະບວນການຂໍ່ານັບຮັບຕ້ອນວັນສຳຄັນຂອງຊາດ, ຂອງພັກ ກໍ່ຄືວັນຊາດ ທີ 2 ທັນວາ ຄົບຮອບ 44 ປີ ແລະ ວັນຄ້າຍວັນເກີດ ຂອງປະທານ ໄກສອນ ພົມວິຫານ ບັນຈົບຄົບຮອບ 99ປີ. ເປັນກຽດເຂົ້າຮ່ວມຂອງ 
#ທ່ານ ອາລຸນໄຊ ສູນນະລາດ ກຳມະການສຳຮອງສູນກາງພັກ, ສະມາຊິກສະພາຊຸດທີ VIII, ເລຂາຄະນະບໍລິຫານງານ ສູນກາງຊາວໜຸ່ມ ປະຊາຊົນປະຕິວັດລາວ




ນອກຈາກນີ້ຍັງມີຄະນະນຳ ນະຄອນຫຼວງວຽງຈັນ, ພະແນກສຶກສາ ແລະ ກິລານະຄອນຫຼວງ, ຄະນະຊາວໜຸ່ມຈາກບັນດາເມືອງອ້ອມຂ້າງນະຄອນຫຼວງ ພ້ອມດ້ວຍພະນັກງານຄູອາຈານຈາກບັນດາໂຮງຮຽນຕ່າງໆເຂົ້າຮ່ວມຢ່າງເປັນຂະບວນການຟົດຟື້ນ.

"ນົກອິນຊີ“ ທັງຫຼາຍຈົ່ງສືບຕໍ່ບີນຂື້ນສູງ,ບີນໃຫ້ໄກຢູ່ບົນທ້ອງຟ້າຂອງປະເທດຊາດເຮົາ.

"ສິນໄຊ“ ທັງຫຼາຍຂອງຍຸກສະໄໜໃໜ່ຈົ່ງນໍາເອົາຄວາມສະຫງ່າລາສີມາສູ່ປະເທດຊາດແລະສ້າງອະນາຄົດອັນສົດໃສໃຫ້ຄົນຮຸ່ນໜຸ່ມພວກເຮົາ




ອວຍພອນໃຫ້ຊາວໜຸ່ມລາວຈົ່ງດໍາລົງບົດບາດປະຈັນບານ ປະດິດສ້າງ ປະຕິວັດ ແລະວິລະຊົນຂອງປະຊາຊົນລາວວິລະຊົນ!ຊາວໜຸ່ມລາວອາດຫານກ້າວຂື້ນ!
(ຄໍາປາໄສ ປະທານ ໄກສອນ ພົມວິຫານ ກ່າວຕໍ່:ກອງປະຊຸມໃຫ່ຍ ຄັ້ງທີ II ຂອງຄຊປປລປີ1988.)

Post a Comment

0 Comments