ບໍລິສັດ ເອັສວີ ກຣຸບ ຈໍາກັດ ໃຫ້ທຶນ 845 ບ້ານກວ່າກີບ ສ້າງໂຮງຮຽນມັດທະຍົມຕອນຕົ້ນ ຄໍາບໍ່ ອິນທິລາດ ບ້ານຕາດໄຮໂຄກ ເມືອງພີນ


ພິທີມອບ-ຮັບໂຄງການກໍ່ສ້າງໂຮງຮຽນມັດທະຍົມຕອນຕົ້ນ ຄໍາບໍ່ ອິນທິລາດ ບ້ານຕາດໄຮໂຄກ ເມືອງພີນ

 ໂຄງການກໍ່ສ້າງໂຮງຮຽນມັດທະຍົມຕອນຕົ້ນ ຄໍາບໍ່ ອິນທິລາດ ບ້ານ ຕາດໄຮໂຄກ ເມືອງພີນ ແຂວງສະຫວັນນະເຂດ ເປັນອາຄານຊັ້ນດຽວ ຂະໜາດ 9,50 x 40 ແມັດ, ມີ 05 ຫ້ອງຮຽນ, ມີຫ້ອງນໍ້າ 01 ຫຼັງ 03 ຫ້ອງ ຂະໜາດ 3 x 4 ແມັດ, ມີໂຕະຕັ່ງນັກຮຽນ 80 ຊຸດ, ໂຕະຕັ່ງຄູ 08 ຊຸດ ແລະ ກະດານດໍາ 05 ຊຸດ, ມີຕາຂ່າຍໄຟຟ້າ ແລະ ກົງເຕີໄຟຟ້າເຂົ້າໂຮງຮຽນ, ຕິດຕັ້ງລະບົບໄຟຟ້າພາຍໃນອາຄານຄົບຊຸດ, ມີເສົາທຸງ, ມີປະຕູໂຂງເຂົ້າໂຮງຮຽນພ້ອມປ້າຍຊື່ໂຮງຮຽນ ແລະມີປະຕູເຫຼັກເລື່ອນທາງເຂົ້າໂຮງຮຽນ ລວມມູນຄ່າກໍ່ສ້າງທັງໝົດ 862.705.690 ກີບ,



 ໃນນັ້ນ ເຊີ່ງເປັນການປະກອບທຶນຂອງ ທ່ານ ໄຊສົງຄາມ ວໍລະຈິດ ປະທານບໍລິສັດ ເອັສວີ ກຣຸບ ຈໍາກັດ ມູນຄ່າ 845.145.690 ກີບ ແລະ ທຶນຊາວບ້ານປະກອບສ່ວນ 17.560.000 ກີບ. ເລີ່ມການກໍ່ສ້າງແຕ່ເດືອນ ມັງກອນ ( 1 ) 2019 ແລະ ກໍ່ສ້າງສໍາເລັດ ໃນຕົ້ນເດືອນ ສິງຫາ ( 8 ) 2019 ທີ່ຜ່ານມາ.



 ມາໃນຕອນເຊົ້າຂອງວັນທີ 11 ທັນວາ 2019 ໄດ້ຈັດພິທີ ມອບ-ຮັບ ໂຄງການກໍ່ສ້າງໂຮງຮຽນດັ່ງກ່າວລະຫວ່າງ  ທ່ານ ສາລີ ວິນລາວັນ ເລຂາພັກເມືອງ ເຈົ້າເມືອງໆພີນ ກັບ ຕ່າງໜ້າບໍລິສັດ ເອັສວີ ກຣຸບ ມອບໂຄງການດັ່ງກ່າວໃຫ້ອໍານາດການປົກຄອງເມືອງພີນ ແຂວງສະຫວັນນະເຂດ ເພື່ອປະກາດ ແລະ ມອບໃຫ້ເຂດບ້ານຊົມໃຊ້ຢ່າງເປັນທາງການ.







Post a Comment

0 Comments