ອົງການຈັດຕັ້ງມະຫາຊົນ ແມ່ຍິງ-ຊາວໝຸ່ມ ທະຫານ ແຂວງອັດຕະປືລົງຊຸກຍູ້ນ້ຳໃຈໃຫ້ອ້າຍນ້ອງແນວໜ້າ



ໃນວັນທີ 25 ທັນວາ ປີ 2019 ນີ້  ອົງການຈັດຕັ້ງມະຫາຊົນແມ່ຍິງ-ຊາວໜຸມອ້ອມຂ້າງແຂວງ, ກອງບັນຊາການທະຫານແຂວງ
ອັດຕະປື ພ້ອມດ້ວຍສະຫະພັນແມ່ຍິງແຂວງ, ຄອບຄົວການນຳ, ນັກທຸລະກິດຍິງ ໄດ້ລົງໄປມອບເຄື່ອງອຸປະໂພກບໍລິໂພກ ເພື່ອປະກອບສ່ວນຊຸກຍູ້ນ້ຳໃຈໃຫ້ພະນັກງານ-ນັກຮົບ ກອງພັນ 21 ທີ່ພວມປະຕິບັດໜ້າທີ່ຢູ່ແນວໜ້າ ທີ່ແບກຫາບພາລະອັນໜັກໜ່ວງ ໃນການປົກປັກຮັກສາ ແລະ ສ້າງສາພັດທະນາປະເທດຊາດ.
 ເຄື່ອງທີ່ນຳມາມອບຄັ້ງນີ້ ມີ: ນ້ຳດື່ມ ຈຳນວນ70 ແກັດ, ເຄື່ອງດື່ມ M 100 ຈຳນວນ 10 ແກັດ, ໝີ່ໄວໆ 7 ແກັດ, ໂອວັນຕິນ-ກາເຟ 10 ແກັດ, ປາປ໋ອງ ແລະ ເຄື່ອງອື່ນໆອີກຈຳນວນຫລາຍ ເຊິ່ງລວມມູນຄ່າທັງໝົດ 11.409.000 ກີບ 


ໃນນັ້ນ: ໄດ້ຈາກພາກສ່ວນຕ່າງໆ ທີ່ປະກອບສ່ວນ: ມີອົງການ ຈັດຕັ້ງມະຫາຊົນແມ່ຍິງ-ຊາວໜຸ່ມທະຫານແຂວງ ປະກອບສ່ວນ ເຄື່ອງຕ່າງໆ ລວມມູນຄ່າ 5.000.000 ກີບ, ການນຳເພດຍິງ-ຄອບຄົວການນຳ ແລະ ນັກທຸລະກິດຍິງ ລວມມູນຄ່າ 5.009.000 ກີບ, ຄອບຄົວຄະນະພັກກອງບັນຊາການທະຫານແຂວງ 1.100.000 ກີບ, ຫ້ອງການສະຫະພັນແມ່ຍິງແຂວງ 300.000 ກີບ.

ໃຫ້ກຽດກ່າວມອບໂດຍ ທ່ານ ພັທ ນາງ ຊອນພະຈັນ ດວງມະນີ  ຫົວໜ້າພະແນສະຫະພັນແມ່ຍິງທະຫານແຂວງ, ກ່າວມອບໂດຍ ທ່ານ ນາງ ສຸກວິໄລ ວຽງໄຊ ຮອງປະທານສະຫະ ພັນ ແມ່ຍິງແຂວງ, ກ່າວຮັບໂດຍ ພັທ ຄຳເພົ້າ ເທດສານາວົງ ຄະນະພັກຮາກຖານຮອງຫົວໜ້າຫ້ອງການເມືອງ.




 ຂ່າວ ຍັງໃຫ້ຮູ້ຕື່ມອີກວ່າ: ໃນວັນດຽວກັນນີ້ ກອງບັນຊາການທະຫານເມືອງສາມັກຄີໄຊ  ໄດ້ຈັດກອງປະຊຸມສະຫຼຸບຖອດຖອນບົດຮຽນ  ປະຈຳປີ 2019 ແລະ ວາງທິດທາງ ປີ 2020 ພາຍໃຕ້ການເປັນປະທານຂອງທ່ານ ບຸນທະມາລີ ໝັ້ນອານົງ ກຳມະການພັກແຂວງ ເລຂາພັກເມືອງເຈົ້າເມືອງສາມັກຄີໄຊ  ມີຄະນະພັກກອງບັນຊາການທະຫານແຂວງ,ຫ້ອງວ່າການປົກຄອງເມືອງ,ກອງບັນຊາການປ້ອງກັນຄວາມສະຫງົບເມືອງ,ອຳນາດການປົກຄອງບ້ານພ້ອມດ້ວຍຄະນະພັກ-ຄະນະບັນຊາ ພະນັກງານ-ນັກຮົບກົມກອງດັ່ງກ່າວ ເຂົ້າຮ່ວມ.  

ຂ່າວ ປກຊ ນາງຕີ່ມພອນ

Post a Comment

0 Comments