ສັງເກດຕີລາຄາສະ ພາບແວດລ້ອມພາກພື້ນ ແລະ ສາກົນ, ການເຄື່ອນໄຫວວຽກງານການຕ່າງປະເທດຂອງ ສປປ ລາວ




ຂປລ. ໃນວັນທີ 10 ທັນວາ 2019, ຢູ່ສູນການຮ່ວມມືສາກົນ ແລະ ການຝຶກອົບຮົມ (ICTC), ນະຄອນຫລວງວຽງຈັນ ກະຊວງການຕ່າງປະເທດ ໄດ້ຈັດກອງປະຊຸມວິຊາການວຽກງານການຕ່າງປະເທດຂຶ້ນ ໃນລະຫວ່າງ ວັນທີ 10-11 ທັນວາ 2019, ໂດຍມີ ທ່ານ ສະເຫລີມໄຊ ກົມມະສິດ ກຳມະການສູນກາງພັກ, ລັດຖະມົນຕີ ກະຊວງການຕ່າງປະເທດ ແລະ ມີບັນດາຮອງລັດຖະມົນຕີ, ຄະນະກົມ ແລະ ຄະນະພະແນກກະຊວງການຕ່າງປະເທດ, ເອກອັກຄະລັດຖະທູດ ແລະ ກົງສຸນໃຫຍ່ ແຫ່ງ ສປປ ລາວ ປະຈຳຢູ່ຕ່າງປະເທດ ແລະ ຜູ້ຕາງໜ້າຂະແໜງການທີ່ກ່ຽວຂ້ອງ ຈາກບັນດາກະຊວງ, ທະບວງກົມ, ນະຄອນຫລວງ ແລະ ບັນດາແຂວງທົ່ວປະເທດ ເຂົ້າຮ່ວມ.

ກອງປະຊຸມຄັ້ງນີ້, ໄດ້ສຸມໃສ່ການປຶກສາຫາລື ກ່ຽວກັບ 2 ຫົວຂໍ້ສໍາຄັນ ຄື: ສັງເກດຕີລາຄາສະ ພາບແວດລ້ອມພາກພື້ນ ແລະ ສາກົນ, ການເຄື່ອນໄຫວວຽກງານການຕ່າງປະເທດຂອງ ສປປ ລາວ ໃນໄລຍະ 3 ປີຜ່ານມາ ແລະ ທິດທາງໃນຕໍ່ໜ້າ ແລະ ຍົກສູງຄຸນນະພາບໃນການເປັນເສນາທິການ, ປັບປຸງກົນໄກການປະສານງານ ແລະ ການຄຸ້ມຄອງວຽກງານການຕ່າງປະເທດຂອງ ສປປ ລາວ ໃຫ້ມີຄວາມໜັກແໜ້ນ, ຄ່ອງແຄ້ວ, ທັນການ ແລະ ມີປະສິດທິພາບ. ບັນດາຜູ້ແທນກອງປະຊຸມໄດ້ປະກອບຄໍາເຫັນຢ່າງຈິງໃຈສ້າງສັນກົງໄປກົງມາ ເພື່ອຍົກໃຫ້ເຫັນດ້ານດີທີ່ຄວນເສີມຂະຫຍາຍ.

Post a Comment

0 Comments