ລາວ-ເຢຍລະມັນ ສືບຕໍ່ສະໜັບສະໜູນການປົກປັກຮັກສາຊີວະນານາພັນ



  ຂປລ. ລັດຖະບານແຫ່ງ ສປປ ລາວ ແລະ ລັດຖະບານ ເຢຍລະມັນ ສືບຕໍ່ຈັດຕັ້ງປະຕິບັດ ໂຄງການປົກປັກຮັກສາ ແລະ ນໍາໃຊ້ລະບົບນິເວດປ່າໄມ້ ແລະ ຊີວະນາໆພັນ ແບບຍືນຍົງ (ProFEB) ໄລຍະສອງ ໃນຂໍ້ຕົກລົງສືບຕໍ່ໂຄງການດັ່ງກ່າວ, ລັດຖະບານເຢຍລະມັນ ໄດ້ປະກອບສ່ວນເປັນທຶນ ຈຳ ນວນ 6.200.000 ເອີໂຣ ສົ່ງເສີມວຽກງານການຄຸ້ມຄອງປ່າໄມ້ທີ່ດີ ແລະ ການຄຸ້ມຄອງເຂດປ່າ ສະ ຫງວນ ແລະ ການສົ່ງເສີມສິ່ງແວດລ້ອມ ຢ່າງມີປະສິດທິຜົນ. 


ພິທີເຊັນສັນຍາດັ່ງກ່າວ, ໄດ້ຈັດຂຶ້ນໃນວັນທີ 11 ທັນວາ 2019 ທີ່ນະຄອນຫລວງວຽງຈັນ, ລະ ຫວ່າງ ກົມປ່າໄມ້ ແລະ ກົມກວດກາປ່າໄມ້  ກະຊວງກະສິກຳ ແລະ ປ່າໄມ້, ກົມມໍລະດົກ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ກົມສົ່ງເສີມຄຸນນະພາບສິ່ງແວດລ້ອມ ກະຊວງຊັບພະຍາ ກອນທຳມະຊາດ ແລະ ສິ່ງແວດລ້ອມ, ພະແນກກະສິກຳ ແລະ ປ່າໄມ້ ແຂວງຄຳມ່ວນ, ຫ້ອງວ່າການປົກ ຄອງເມືອງບົວລະພາ, ກົມຮ່ວມມືສາກົນ ກະຊວງແຜນການ ແລະ ການລົງທຶນ, ອົງການ GIZ ປະຈຳລາວ ແລະ ໂຄງການ ProFEB ໄລຍະສອງ. ໂດຍມີ, ທ່ານ ທອງພັດ ວົງມະນີ ຮອງລັດຖະມົນຕີ ກະຊວງກະສິກຳ ແລະ ປ່າໄມ້, ທ່ານ ເຢນສ໌ ລຸກເຄິນເຮິມ (Jens Lutkenherm) ເອກອັກຄະລັດ ຖະທູດ ເຢຍລະມັນ ປະຈຳ ລາວ, ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.

Post a Comment

0 Comments