ເມືອງຫົງສາ ແຂວງໄຊຍະບູລີ ຈັດພິທີ ປະກາດການຈັດຕັ້ງ



ພິທີປະກາດການຈັດຕັ້ງຂອງເມືອງຫົງສາ ໄດ້ຈັດຂື້ນໃນຕອນເຊົ້າຂອງວັນທີ 11 ທັນວາ 2019ນີ້ ຢູ່ທີ່ສະໂມສອນຂອງເມືອງ  ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ຄໍາຫຼ້າ ຜິວວັນນາ  ເລຂາພັກເມືອງ ເຈົ້າເມືອງໆຫົງສາ  ມີຄະນະປະຈຳພັກເມືອງ, ກໍາມະການພັກເມືອງ, ຫົວໜ້າຫ້ອງການ, ກົມກອງ,  ພະນັກງານອາວຸໂສບໍານານ, ນາຍບ້ານ, ຫົວຫນ່ວຍວິສາຫະກິດສູນບໍລິການປະຈຳເມືອງ ພ້ອມດ້ວຍພະນັກງານຫຼັກແຫຼ່ງຂອງເມືອງ ເຂົ້າຮວ່ມຢ່າງພ້ອມພຽງ. 

      ໃນພິທີ  ທ່ານນາງ ດາວວິນ ລາດຊະກິດ  ຮອງເລຂາພັກເມືອງ ກໍ່ໄດ້ຜ່ານ ມະຕິຕົກລົງ ຂອງຄະນະປະຈໍາພັກເມືອງວ່າດ້ວຍການບົ່ງຕົວແຕ່ງຕັ້ງເລຂາ, ຮອງເລຂາ ແລະ ຄະນະໜ່ວຍພັກຈຳນວນ 9 ສະຫາຍ, ຜ່ານຂໍ້ຕົກລົງຂອງທ່ານເຈົ້າເມືອງຫົງສາວ່າດ້ວຍການໂຍກຍ້າຍພະນັກງານໄປຮັບໜ້າທີ່ໃໝ່ຈຳນວນ 8 ທ່ານ ແລະ ຜ່ານຂໍ້ຕົກລົງຂອງທ່ານເຈົ້າເມືອງຫົງສາວ່າດ້ວຍການແຕ່ງຕັ້ງຫົວໜ້າຫ້ອງການ ແລະ ຮອງຫົວໜ້າຫ້ອງການຈຳນວນ 12 ທ່ານ, ເຊິ່ງປະກອບມີ 




ໂຍກຍ້າຍ ແລະ ແຕ່ງຕັ້ງທ່ານ ພົມມາ ພົມມະຫານ ກຳມະການປະຈຳພັກເມືອງ ຫົວໜ້າຫ້ອງການກະສິກຳ ແລະ ປ່າໄມ້ເມືອງ ເປັນເລຂາໜ່ວຍພັກ ຫົວໜ້າຄະນະຈັດຕັ້ງເມືອງ, 


ໂຍກຍ້າຍ ແລະ ແຕ່ງຕັ້ງ ທ່ານ ນາງຈັນທີ ຄຳພູວົງ ກຳມະການປະຈຳພັກເມືອງ ຫົວໜ້າຫ້ອງການພາຍໃນ ເປັນເລຂາໜ່ວຍພັກ ຫົວໜ້າຄະນະໂຄສະນາອົບຮົມເມືອງ, 


ໂຍກຍ້າຍ ແລະ ແຕ່ງຕັ້ງ ທ່ານ ທອງໂຕ້ ຈັນທະລັງມາ ກຳມະການພັກເມືອງຫົວໜ້າຄະນະຈັດຕັ້ງເມືອງ ເປັນເລຂາໜ່ວຍພັກ ຫົວໜ້າຫ້ອງການພາຍໃນເມືອງ, 

ໂຍກຍ້າຍ ແລະ ແຕ່ງຕັ້ງ ທ່ານ ຄຳພັນ ພັນລັກທຳ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງ ໄປເປັນ ເລຂາໜ່ວຍພັກ ຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງ, 

ໂຍກຍ້າຍ ແລະ ແຕ່ງຕັ້ງ ທ່ານ ບຸນມີ ສີເມືອງ ຫົວໜ້າຫ້ອງການແຮງງານ ແລະ ສະຫວັດດີການສັງຄົມ ເປັນ ເລຂາໜ່ວຍພັກ ຫົວໜ້າຫ້ອງການວິທະຍາສາດ ແລະ ເຕັກໂນໂລຊີ, 

ໂຍກຍ້າຍ ແລະ ແຕ່ງຕັ້ງ ທ່ານ ອາບີ ພົງສະຫວັນ ຫົວໜ້າຫ້ອງການວິທະຍາສາດ ແລະ ເຕັກໂນໂລຊີ ເປັນຮອງຫົວໜ້າຄະນະໂຄສະນາອົບຮົມເມືອງ, 

ໂຍກຍ້າຍ ແລະ ແຕ່ງຕັ້ງ ທ່ານ ອຸດອນ ສີມຸນຕີ ຮອງຫົວໜ້າຫ້ອງວ່າການເມືອງ ໄປເປັນຮອງຫົວໜ້າຫ້ອງການພາຍໃນ, 

ໂຍກຍ້າຍ ທ່ານ ນາງກອງມາ ພູລີຈັນ ໄປຮັບໜ້າທີ່ໃໝ່ຢູ່ອົງການແນວລາວສ້າງຊາດ, ແຕ່ງຕັ້ງ ທ່ານ ພູວົງ ກອງຊັບ ກຳມະການພັກເມືອງ ເປັນເລຂາໜ່ວຍພັກ ຫົວໜ້າຫ້ອງການກະສິກຳ ແລະ ປ່າໄມ້, 

ແຕ່ງຕັ້ງ ທ່ານບຸນຊ້ອຍ ແກ້ວມະນີ ກຳມະການພັກເມືອງ ເປັນຮອງເລຂາໜ່ວຍພັກ, ເປັນປະທານກວດກາໜ່ວຍພັກຄະນະກວດກາພັກ-ອົງການກວດກາລັດເມືອງ ແລະ ເປັນຮອງອົງການກວດກາລັດເມືອງ, 


ແຕ່ງຕັ້ງທ່ານ ຂັນແກ້ວ ລິນທອນສີ ເປັນຮອງອົງການກວດກາລັດເມືອງ, ບົ່ງຕົວແຕ່ງຕັ້ງ ສະຫາຍ ວິຈິດ ບຸນຍາວົງ ເປັນຮອງເລຂາໜ່ວຍພັກ, ເປັນປະທານກວດກາໜ່ວຍພັກຫ້ອງການກະສິກຳ ແລະ ປ່າໄມ້, 

ບົ່ງຕົວແຕ່ງຕັ້ງ ສະຫາຍ ຫຸມແພງ ວິໄລຫົງ ເປັນຄະນະໜ່ວຍພັກ ເປັນຮອງປະທານກວດກາໜ່ວຍພັກຫ້ອງການກະສິກຳ ແລະ ປ່າໄມ້, 

ແຕ່ງຕັ້ງທ່ານ ບຸນທະວີ ສີປະເສີດ ເປັນຮອງຫົວໜ້າຫ້ອງການແຜນການ ແລະ ການລົງທຶນ, ແຕ່ງຕັ້ງທ່ານ ບຸນທັນ ພວງແກ້ວ ເປັນຮອງຫົວໜ້າຫ້ອງວ່າການເມືອງ.

        ໃນຕອນທ້າຍພິທີ  ທ່ານ ຄໍາຫຼ້າ ຜິວວັນນາ  ເລຂາພັກເມືອງ ເຈົ້າເມືອງໆຫົງສາ   ກໍ່ໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນໍາຫຼາຍບັນຫາຕໍ່ບັນດາທ່ານທີ່ໄດ້ຮັບການໂຍກຍ້າຍ ແລະ ແຕ່ງຕັ້ງຮັບໜ້າທີ່ໃໝ່ໃນຄັ້ງນີ້ຕື່ມອີກ.

ຂ່າວ: ບຸນປອນ

Post a Comment

0 Comments