ມອບ-ຮັບເງິນນະໂຍບາຍປ່ຽນແທນໂກຕ້າລົດ


 

ໃນວັນທີ 24 ທັນວາ ນີ້, ຢູ່ກົມນະໂຍບາຍກົມໃຫຍ່ການ ເມືອງກອງທັບ ໄດ້ຈັດພິທີມອບ- ຮັບເງິນນະໂຍບາຍປ່ຽນແທນ ໂກຕ້າລົດ ໃຫ້ວີລະຊົນແຫ່ງຊາດ, ນັກຮົບແຂ່ງຂັນ ແລະ ພະນັກງານ ປະຕິວັດອາວຸໂສເຂົ້າການປະຕິ ວັດແຕ່ປີ 1954 ຄືນຫຼັງ ໂດຍ ການເປັນປະທານຂອງ ສະຫາຍ ພົນຈັດຕະວາ ບຸນລ້ຽງ ແສງພະ ຈັນ ກຳມະການຄະນະພັກກະ ຊວງປ້ອງກັນປະເທດ ຫົວໜ້າກົມ ປ້ອງກັນພາຍໃນກົມໃຫຍ່ການເມືອງກອງທັບ, ມີຄະນະກົມນະ ໂຍບາຍ, ຕາງໜ້າ 4 ກົມໃຫຍ່ ແລະ ບັນດາຜູ້ຕາງໜ້າຄອບຄົວ ພະນັກງານອາວຸໂສເຂົ້າຮ່ວມ. 



ສະຫາຍ ພັນເອກ ວັນລະວົງ ນັນທະວົງ ຮອງຫົວໜ້າກົມນະ ໂຍບາຍໄດ້ຂຶ້ນຜ່ານຂໍ້ຕົກລົງວ່າ ດ້ວຍການປະຕິບັດນະໂຍບາຍໃຫ້ ເງິນປ່ຽນແທນໂກຕ້າລົດປະ ຈຳປີ 2019 ໂດຍອີງຕາມດຳລັດ ວ່າດ້ວຍການຈັດຕັ້ງ ແລະ ການ ເຄື່ອນໄຫວຂອງກະຊວງແຮງ ງານ ແລະ ສະຫວັດດີການສັງ ຄົມວ່າດ້ວຍການປະຕິບັດນະໂຍ ບາຍຕໍ່ຜູ້ມີຜົນງານ ແລະ ຄຸນງາມ ຄວາມດີໃນພາລະກິດຮັບໃຊ້ການ ປະຕິວັດຊາດ ປະຊາທິປະໄຕ ແລະ ອີງໃສ່ບັນດາລາຍຊື່ເປົ້າ ໝາຍທີ່ຈະໄດ້ຮັບນະໂຍບາຍເງິນ ປ່ຽນແທນໂກຕ້າລົດຂອງກົມ ນະໂຍບາຍກະຊວງປ້ອງກັນປະ ເທດ.


 ໃນການມອບເງິນນະໂຍ ບາຍໃນຄັ້ງນີ້ ກໍເພື່ອສະແດງເຖິງ ຄວາມກະຕັນຍູ-ຮູ້ບຸນຄຸນຕໍ່ອະ ດີດພະນັກງານປະຕິວັດຜູ້ທີ່ມີຜົນ ງານໃນພາລະກິດຕໍ່ສູ້ກູ້ຊາດຕ້ານ ພວກຈັກກະພັດລ່າເມືອງຂຶ້ນແບບ ເກົ່າ ແລະ ໃໝ່ ທີ່ຍອມເສຍສະ ຫຼະເລືອດເນື້ອຂອງຕົນຕໍ່ພາລະ ກິດຮັບໃຊ້ການປະຕິວັດຊາດ ປະ ຊາທິປະໄຕ ໃນໄລຍະຜ່ານມາ, ເຊິ່ງໃນພິທີ ມອບ-ຮັບ ນະໂຍ ບາຍໃນຄັ້ງນີ້ ມີຈຳນວນ 28 ສະຫາຍ ເປັນຈຳນວນເງິນ 2.213.251.200 ກີບ. ໂອກາດ ນີ້, ສະຫາຍ ພົນຈັດ ຕະວາ ບຸນລ້ຽງ ແສງພະຈັນ ກໍໄດ້ໂອ້ລົມຕໍ່ບັນດາຜູ້ຕາງໜ້າ ຄອບຄົວພະນັກງານອາວຸໂສວ່າ: ໃນການມອບຮັບເງິນນະໂຍບາຍ ປ່ຽນແທນໂກຕ້າລົດໃນຄັ້ງນີ້ ແມ່ນສະແດງເຖິງຄວາມເອົາໃຈ ໃສ່, ຄວາມເປັນຫ່ວງເປັນໄຍ ແລະ ຮູ້ບຸນຄຸນຈາກພັກ-ລັດ, ຄະນະນຳກະຊວງປ້ອງກັນປະ ເທດທີ່ມີຕໍ່ບັນດາພະນັກງານອາ ວຸໂສຜູ້ທີ່ໄດ້ປະກອບສ່ວນໃນພາ ລະກິດປະຕິວັດຜ່ານມາ ພ້ອມ ນີ້ກໍໄດ້ຮຽກຮ້ອງໃຫ້ເອົາໃຈໃສ່ ສືບຕໍ່ເສີມຂະຫຍາຍມູນເຊື້ອຂອງ ນັກຮົບປະຕິວັດ, ເສີມສ້າງຄວາມ ສາມັກຄີອັນເປັນປຶກແຜ່ນແໜ້ນ ໜາ, ຍົກສູງຄວາມເປັນແບບ ຢ່າງນຳໜ້າຕັ້ງໜ້າປະກອບສ່ວນ ເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດໃຫ້ໝັ້ນ ຄົງຕະຫຼອດໄປ.

 ໂດຍ: ອາຫວຸ້ນ

Post a Comment

0 Comments