ສູນລວມຄຣິສຕະຈັກຂ່າວປະເສີດແຫ່ງ ສປປ ລາວ ມອບເຄື່ອງນຸ່ງຫົ່ມໃຫ້ ສນຊ



 ວັນທີ 18 ທັນວາ 2019 ນີ້, ຢູ່ທີ່ສູນກາງແນວລາວສ້າງຊາດ ສູນລວມຄຣິສຕະຈັກຂ່າວປະເສີດແຫ່ງ ສປປ ລາວ ໄດ້ນຳເອົາເຄື່ອນຸ່ງຫົ່ມປະເພດເສື້ອກັນໜາວເດັກນ້ອຍມາມອບໃຫ້ ສູນກາງແນວລາວສ້າງຊາດ ໂດຍການກ່າວມອບ ຂອງທ່ານ ອາຈານໃຫ່ຍ ສຈ.ດຣ ຄໍາພອນ ກຸນທະປັນຍາ, ປະທານ ບໍລິຫານສູນລວມ ຄຣິສຕະຈັກ ຂ່າວປປະເສີດ ແຫ່ງ ສປປ ລາວ ພ້ອມດ້ວຍຄະນະ ເປັນກຽດກ່າວຮັບ ໂດຍທ່ານ ປອ. ໄຊສົມພອນ ພົມວິຫານ, ກໍາມະການກົມການເມືອງສູນກາງພັກ, ປະທານສູນກາງແນວແນວລາວສ້າງຊາດ ມີພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂີພິຍານ.



ເຊິ່ງເຄື່ອງທີ່ນໍາມາມອບໃນຄັ້ງນີ້ປະກອບມີ:  ເຄື່ອງນຸ່ງຫົ່ມປະເພດເສື້ອກັນໜາວເດັກນ້ອຍ ຈໍານວນ 300 ຊຸດ ລວມມູນຄ່າ 7,500,000 ກີບ ( ເຈັດລ້ານຫ້າແສນກີບ ) ມອບໃຫ້ສູນກາງແນວລາວສ້າງຊາດເພື່ອນໍາໄປມອບຕໍ່ໃຫ້ເດັກນ້ອຍທີ່ຢູ່ເຂດຫ່າງໄກສອກຫຼີກ, ບັນດາແຂວງທີ່ປະສົບໄພໜາວເພື່ອໃຫ້ເຂົາເຈົ້າໄດ້ຮັບຄວາມອົບອຸ່ນທາງດ້ານຮ່າງກາຍ.

 ໂອກາດດັ່ງກ່າວ ທ່ານ ປະທານ ສູນກາງແນວລາວສ້າງຊາດໄດ້ສະແດງຄວາມຂອບໃຈເປັນຢ່າງສູງ ແລະ ມອບໃບຍ້ອງຍໍ ໃຫ້ເພື່ອເປັນການສະແດງຄວາມຂອບໃຈຕໍ່ ສູນລວມຄຣິຕະຈັກຂ່າວປະເສີດແຫ່ງ ສປປ ລາວທີ່ໄດ້ນໍາເອົາເຄື່ອງນຸ່ງຫົ່ມກັນໜາວເດັກນ້ອຍມາມອບໃຫ້ໃນຄັ້ງນີ້.

Post a Comment

0 Comments