ທ່ານ ຮອງນາຍົກລັດຖະມົນຕີປະທານອົງການກວດກາລັດຖະບານ ພ້ອມດ້ວຍຄະນະເຄື່ອນໄຫວ ແລະ ເຮັດວຽກຢູ່ແຂວງຫຼວງນໍ້າທາ



         ວັນທີ 25 ທັນວາ 2019 ຢູ່ທີສະໜາມບິນແຂວງຫຼວງນໍ້າທາ ທ່ານ ບຸນຍີ່ ແກ້ວຄູນເມືອງ ຮອງເລຂາພັກແຂວງ ຮອງເຈົ້າແຂວງໆຫຼວງນໍ້າທາ ພ້ອມດ້ວຍຄະນະໄດ້ອອກຕ້ອນຮັບ ທ່ານ ບຸນທອງ ຈິດມະນີ ກໍາມະການກົມການເມືອງສູນກາງພັກ ເລຂາທິການ
ສູນກາງພັກ ຮອງນາຍົກລັດຖະມົນຕີ ປະທານອົງການກວດ
ກາລັດຖະບານ ພ້ອມດ້ວຍຄະນະດ້ວຍຄວາມອົບອຸ່ນ. ໂອກາດດຽວກັນນີ້ຢູ່ທີ່ຫ້ອງປະຊຸມຊັ້ນ 2 ຂອງຫ້ອງວ່າການແຂວງ
ກໍ່ໄດ້ພົບປະການນໍາຂອງແຂວງ. 



ໂອກາດນີ້ທ່ານ ບຸນຍີ່ ແກ້ວຄູນເມືອງ ຮອງເລຂາພັກແຂວງ ຮອງເຈົ້າແຂວງໆຫຼວງນໍ້າທາ ກໍ່ໄດ້ລາຍງານສະພາບການພັດທະນາຂອງແຂວງ, ແຂວງຫຼວງນໍ້າທາມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍດີ, ສະພາບແນວຄິດຂອງພະນັກງານ, ທະຫານ-ຕໍາຫຼວດ ແລະ ປະຊາຊົນບັນດາເຜົ່າມີຄວາມອຸ່ນອຽງທຸນທ່ຽງ, ມີຄວາມເຊື້ອໜັ້ນຕໍ່ການນໍາພາ, ມີຄວາມເປັນເອກະພາບແນວທາງ
ນະໂຍບາຍຂອງພັກ, ມີນໍ້າໃຈຮັກຊາດຮັກບ້ານເກີດເມືອງນອນ, ມີຄວາມກະຕືລືລົ້ນຕໍ່ການສ້າງສາພັດທະນາ ແລະ ມີສະຕິຕໍ່
ກົນອຸບາຍຫັນປ່ຽນໂດຍສັນຕິຂອງຄົນບໍດີ, ດ້ານເສດຖະກິດ
ໄດ້ຂະຫຍາຍຕົວຢ່າງຕໍ່ເນື່ອງ, ຖຶກທິດໃນລະດັບ 8,99% ຕໍ່ປີ, ສະເລ່ຍລາຍຮັບຕໍ່ຫົວຄົນໄດ້ 1.796 ໂດລາສະຫະລັດ, ໄດ້ຊຸກ
ຍູ້ສົ່ງເສີມກະສິກໍາສະອາດ, ການປູກຝັງ-ລ້ຽງສັດເປັນຕົ້ນແມ່ນ: ປູກຢາງພາລາ, ອ້ອຍ, ມັນຕົ້ນ, ສາລີ, ໝາກອື, ໝາກນໍ້າມັນ, ພຶດຕະກຸນຖົ່ວ ແລະ ລ້ຽງສັດປະເພດງົວ, ຄວາຍ, ແບ້,ໜູ,ປາ ແລະ ສັດປິກ ເພື່ອສະໜອງໃຫ້ແກ່ຕະຫຼາດພາຍໃນ ແລະ ຈໍານວນໜຶ່ງ
ກໍ່ຂາຍສົ່ງອອກໄປ ຕ່າງປະເທດ, 



ການຄຸ້ມຄອງລາຍຮັບ -ປະຕິບັດລາຍຈ່າຍກໍ່ໄປຕາມລະບຽບການ ແລະ ກົດໜາຍ, ການຂຸດຄົ້ນລາຍຮັບເຂົ້າງົບປະມານກໍ່ເຮັດໄດ້ດີ, ໂດຍສະເພາະ 2-3 ປີຜ່ານມາແມ່ນປະຕິບັດໄດ້ລື່ນຄາດໜາຍ, ປີ 2018 ນີ້ປະຕິບັດໄດ້ 118% ຂອງແຜນການປີ, 9 ເດືອນຕົ້ນປີ 2019 ນີ້ການເກັບລາຍຮັບເຂົ້າງົບປະມານສູນກາງປະຕິບັດໄດ້ 56,84% ທ້ອງຖິ່ນປະຕິບັດໄດ້ 82,25%, ດ້ານພຶ້ນຖານໂຄງລ່າງກໍ່ໄດ້ຮັບການປົກປັກຮັກສາ, ກໍ່ສ້າງ-ສ້ອມແປງ ແລະ ຍົກລະດັບເຮັດໃຫ້ການສັນຈອນໄປມາໄດ້ປົກກະຕິ, ມາຮອດປະຈຸບັນບ້ານທີ່ມີທາງລົດເຂົ້າເຖິງກວມ 99,4% ຂອງຈໍານວນບ້ານໃນທົ່ວແຂວງ, ປະຊາຊົນໄດ້ຊົມໃຊ້ໄຟຟ້າກວມ 89,18% ຂອງຈໍານວນຄົວເຮືອນ
ໃນທົ່ວແຂວງ ແລະ ໄດ້ນໍາໃຊ້ນໍ້າສະອາດກວມ 98% ໄດ້ເອົາ
ໃຈໃສ່ໄກ່ເກ່ຍ, ແກ່ໄຂ ແລະ ຕິດຕາມ ແລະ ອໍານວຍຄວາມສະ
ດວກໃຫ້ແກ່ໂຄງການກໍ່ສ້າງທາງລົດໄຟລາວ -ຈີນຊ່ວງຜ່ານ
ແຂວງຫຼວງນໍ້າທາ 16,9 ກິໂລແມັດ, ໄດ້ປັບປຸງລະບົບການເມືອງ
ແຕ່ລະຂັ້ນໃຫ້ໜັກແໜ້ນເຂັ້ມແຂງ, ລະບົບກົງຈັກການບໍລິ
ຫານລັດມີຄວາມກະທັດຮັດ, ໂປງໃສ ແລະ ສອດຄ່ອງກັບສະ
ພາບຄວາມເປັນຈິງ, ທົ່ວແຂວງມີ 81 ຄະນະພັກຮາກຖານ, 
ມີ 605 ໜ່ວຍພັກ, ມີສະມາຊິກພັກ 11.097 ສະຫາຍ, ຍິງ 
2.918 ສະຫາຍ, ມີໜ່ວຍພັກປອດໃສ, ເຂັ້ມແຂງ, ໜັກແໜ້ນ 426 ໜ່ວຍ.    


 ທ່ານ ທອງແດງ ສິດທິສົນ ສະມາຊິກສະພາແຂວງ ຫົວໜ້າຄະນະໄກ່ເກ່ຍ ແລະ ເບິີກຈ່າຍຜົນກະທົບໂຄງການເສັ້ນທາງລົດໄຟລາວ-ຈີນ ໄດ້ລາຍງານຄວາມຄືບໜ້າຂອງໂຄງການກໍ່ສ້າງທາງລົດໄຟລາວ-ຈີນ. ໂຄງການກໍ່ສ້າງເສັ້ນທາງລົດໄຟລາວ-ຈີນ ເລີ່ມແຕ່ບໍ່ເຕ່ນ( ຊາຍແດນລາວ-ຈີນ ) ຫານະຄອນຫລວງວຽງຈັນມີຄວາມຍາວທັງໜົດ  409 ກິໂລແມັດ, ໃນນີ້ແລວທາງລົດໄຟໄດ້ຜ່ານແຂວງຫຼວງນໍ້າທາ 16, 9 ກິໂລແມັດ, ປະກອບມີ 2 ສະຖານີຄື: ບໍ່ເຕ່ນ ແລະ ສະຖານີນາເຕີຍ, ໃນນີ້ກໍ່ສ້າງອຸໂມງ 3 ແຫ່ງຄື: ອຸໂມງມິດຕະພາບລາວ-ຈີນ, ອຸໂມງບໍ່ເຕ່ນ ແລະ ອຸໂມງຕີນຕົກມີຄວາມຍາວທັງໜົດ 10.051,5 ແມັດ, ເຈາະແລ້ວໄດ້ 9.362,1 ແມັດ, ເທົ່າກັບ 93,1%, 




ມາເຖິງປະຈຸບັນ ໄດ້ສຳເລັດການເຈາະອຸໂມງແລ້ວ 2 ແຫ່ງຄື:ອຸໂມງບໍ່ເຕ່ນ ແລະ ອຸໂມງຕີນຕົກ,ຮອດທ້າຍເດືອນກັນຍາ 2019 ກໍ່ສາມາດມອບພື້ນທີ່ໃຫ້ໂຄງການດຳເນີດການກໍ່ສ້າງ 100%ສຳລັບໜ້າວຽກສະຖານີບໍ່ເຕ່ນທີ່ໄດ້ຂະຫຍາຍເພີ່ມຈາກ 29 ເຮັກຕາມາເປັນ 34,5 ເຮັກຕາແມ່ນໄດ້ໄກ່ເກ່ຍສຳເລັດພ້ອມມອບພື້ນທີ່ໃຫ້ໂຄງການໄດ້ດຳເນີນການກໍ່ສ້າງແລ້ວ,ປະຈຸບັນສຳເລັດແລ້ວ 89%.ເຊິ່ງໃນນັ້ນຍັງບໍ່ໄດ້ລວມວຽກງານຕິດຕັ້ງລາງລົດໄຟ ແລະ ລະບົບໄຟຟ້າເພື່ອສະໜອງໃຫ້ລົດໄຟ ແລະ ແຂວງຫຼວງນ້ຳທາໄດ້ຮັບເງີນຊົດເຊີຍຈາກສູນກາງແລ້ວທັງໝົດ 6 ງວດ ລວມມູນຄ່າທັງໝົດ 118,623,248,776 ກີບ,ຄະນະຮັບຜິດຊອບເບີກຈ່າຍຄ່າຊົດເຊີຍແຂວງຫຼວງນ້ຳທາຍັງຈະໄດ້ດຳເນີນການເບີກຈ່າຍໃຫ້ແກ່ຜູ້ທີ່ໄດ້ຮັບຜົນກະທົບຕໍ່ໄປອີກທີ່ມອບພື້ນທີ່ໃຫ້ໂຄງການໄດ້ດຳເນີນການກໍ່ສ້າງກ່ອນ 208 ຄອບຄົວ ເທົ່າກັບ 66,4%ຂອງມູນຄ່າທີໄດ້ຮັບຜົນກະທົບ
ທັງໝົດ 178,554,751,248 ກີບ,ຂອງຈຳນວນ 321 ຄອບຄົວ,ນອກນັ້ນຍັງໄດ້ນຳໃຊ້ເງີນຈຳນວນດັ່ງກ່າວເຂົ້າໃນການກໍ່ສ້າງສາລາເຢັນ,ຍ້າຍປ່າຊ້າບ້ານນາເຕີຍ ແລະ ແຜນຈະຈ່າຍໃນງວດທີ 7 ຈໍານວນ 13,292,393,672 ກີບ.ໂອກາດນີ້ຍັງໄດ້ລົງ
ກວດພາກສະໜາມເຂດກໍ່ສ້າງສະຖານີລົດໄຟລາວຈີນ ແລະທ່ຽວຊົມການພັດທະນາເຂດພີເສດສະເພາະບໍ່ເຕ່ນ
ແດນງາມ.

ຂ່າວ: ສົມພອນ ຂຸນດາວົງ

Post a Comment

0 Comments