ມອບເງິນຄ່າຊົດເຊີຍໃຫ້ແກ່ຜູ້ໄດ້ຮັບຜົນກະທົບຈາກໂຄງການກໍ່ສ້າງຂົວຂ້າມນ້ຳຂອງ ກ້ອນຕື່ນ-ຫ້ວຍແກ້ວ.




ພິທີມອບເງິນຊົດເຊີຍທີ່ດິນທີ່ໄດ້ຮັບຜົນກະທົບຈາກໂຄງການກໍ່ສ້າງຂົວຂ້າມແມ່ນ້ຳຂອງກ້ອນຕື່ນ-ຫ້ວຍແກ້ວເມືອງປາກທາ ໄດ້ຈັດຂື້ນໃນວັນທີ 30 ພະຈິກ 2019 ນີ້ຢູ່ທີ່ຫ້ອງປະຊຸມຂອງໂຄງການ ໂດຍການເຂົ້າຮ່ວມຂອງ ທ່ານ ວັນທອງ ວິໄພບູນ ຮອງເລຂາພັກເມືອງ ຮອງເຈົ້າເມືອງປາກທາ, ທ່ານ ໂນລະສັກ ສີສຸພັນ ຫົວໜ້າໂຄງການກໍ່ສ້າງຂົວຂ້າມນ້ຳຂອງກ້ອນຕື່ນ-ຫ້ວຍແກ້ວ, ມີບັນດາຄະນະຮັບຜິດຊອບການເບີກຈ່າຍເງິນຄ່າຊົດເຊີຍສິ່ງກີດຂວາງຂອງໂຄງການກໍ່ສ້າງຂົວ, ອຳນາດການປົກຄອງບ້ານ ແລະ ປະຊາຊົນຜູ້ທີ່ໄດ້ຮັບຜົນກະທົບຈາກບ້ານກ້ອນຕື່ນ ແລະ ຫາດສາກ 26 ຄອບຄົວ.



ທ່ານ ໂນລະສັກ ສີສຸພັນ ຫົວໜ້າໂຄງການກໍ່ສ້າງຂົວຂ້າມນ້ຳຂອງກ້ອນຕື່ນ-ຫ້ວຍແກ້ວກ່າວວ່າ: ໂຄງການກໍ່ສ້າງຂົວຂ້າມນ້ຳຂອງກ້ອນຕື່ນ-ຫ້ວຍແກ້ວແມ່ນໂຄງການຂອງລັດຖະບານໂດຍກົງເຊິ່ງການກໍ່ສ້າງໄດ້ກວມເອົາທີ່ຢູ່ອາໄສຕະຫຼອດຮອດເນື້ອທີ່ທຳການຜະລິດຂອງພໍ່ແມ່ປະຊາຊົນ, ເປັນຈຳນວນຫຼາຍຖືກເສຍຫາຍ ສະນັ້ນທາງລັດຖະບານໄດ້ໃຫ້ຄວາມສຳຄັນ ແລະ ເອົາໃຈໃສ່ຕິດຕາມຕະຫຼອດມາໃນການຊົດເຊີຍຄ່າເສຍຫາຍຂອງພໍ່ແມ່ປະະຊາຊົນໃຫ້ມີຄວາມຍຸຕິທຳ, ມີຄວາມໂປງ່ງໃສ, ຖືກຕ້ອງຕາມລະບຽບການ ແລະ ກວດສອບໄດ້ ເຊິ່ງເງິນທີ່ໄດ້ຊົດເຊີຍໃຫ້ຜູ້ທີ່ໄດ້ຮັບຜົນກະທົບໃນຄັ້ງນີ້ລວມທັງໝົດ 276 ລ້ານກວ່າກີບ, ຊົດເຊີຍໃຫ້ປະຊາຊົນ ບ້ານ ຫາດສາກ 26 ຕອນ ແລະ ບ້ານກ້ອນຕື່ນ 16 ຕອນ ນີ້ກໍ່ເພື່ອເປັນການຍົກລະດັບຊີວິດການເປັນຢູ່ຂອງປະຊາຊົນແຕ່ລະຄອບຄົວທີ່ໄດ້ຮັບຜົນກະທົບຈາກໂຄງການກໍ່ສ້າງຂົວໃຫ້ດີຂື້ນ ແລະ ນຳໃຊ້ເຂົ້າໃນການສ້າງເສດຖະກິດຄອບຄົວໃຫ້ມີຢູ່ມີກິນເທື່ອລະກ້າວ,

ໃຫ້ກຽດມອບເງິນຄ່າຊົດເຊີຍໃນຄັ້ງນີ້ໂດຍ ທ່ານ ວັນທອງ ວິໄພບູນ ຮອງເລຂາພັກເມືອງ ຮອງເຈົ້າເມືອງປາກທາ ແລະ ຫົວໜ້າໂຄງການກໍ່ສ້າງຂົວຂ້າມກ້ອນຕື່ນ-ຫ້ວຍແກ້ວ ຮັບໂດຍຄອບຄົວຜູ້ທີ່ໄດ້ຮັບຜົນກະທົບພັດປ່ຽນກັນໂດຍຊ່ອງໜ້າກັບຜູ້ເຂົ້າຮ່ວມເປັນສັກຂີພິຍານ.

ພາບ-ຂ່າວ: ວັນນະເດດ ວິໄລຄຸນ.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------

Post a Comment

0 Comments