ເຖິງຈະເປັນເຂດສອກຫຼີກທຸລະກັນດານ ແຕ່ດ້ວຍຈິດໃຈພັກລັດ -ທະຫານ -ປະຊາຊົນຄືປາກັບນໍ້າການນໍາແຂວງ ກໍ່ໄປຮອດຈອດເຖິງ




ໃນວັນເສົາທີ​ 11 ມັງກອນ 2020, ທ່ານ​ ປະລິນຍາເອກ​ ບຸນຖອງ​ ດີວິໄຊ​ ເຈົ້າແຂວງໆຈຳປາສັກ​ ປະທານຄະນະກຳມະການປ້ອງກັນຊາດ-ປ້ອງກັນຄວາມສະຫງົບແຂວງ ພ້ອມດ້ວຍຄະນະ ໄດ້ເດີນທາງໄປຢ້ຽມຢາມຖາມຂ່າວຄວາມສຸກ,ທຸກ ແລະ ມອບຂອງຂັວນ, ອວຍພອນນາຍ ແລະພົນທະຫານທີ່ກໍາລັງປະຕິບັດໜ້າທີ່ຢູ່ກົມກອງຕ່າງໆ ໃນເຂດຫ່າງໄກສອກຫຼີກ (ພູຂຽວນິນ) ​



ການເດີນທາງຢ້ຽມຢາມຢູ່ແຕ່ລະກົມກອງໃນຄັ້ງນີ້ ທ່ານ ປອ ບຸນຖອງ ດີວິໄຊ ເຈົ້າແຂວງຈໍາປາສັກ ໄດ້ສະແດງຄວາມຢື້ຢາມຖາມຂ່າວ ແລະ ສ້າງຂັວນກໍາລັງໃຈອັນອົບອຸ່ນໃຫ້ແກ່ນາຍ ແລະ ພົນທະຫານໃນການເຮັດໜ້າທີປ້ອງກັນຊາດ,ອໍານາດ ອະທິປະໄຕ ແລະຜືນແຜນດິນອັນຄົບຖ້ວນຂອງຊາດ ໄວ້ຢ່າງໝັ່ນຄົງ,ເຮັດໃຫ້ເຫັນໄດ້ສະພາບຄວາມເປັນຈິງຢູ່ແຕ່ລະກົມກອງ ຈາກນີ້ກໍໄດ້ມອບເຂົ້າສານອາຫານແຫ້ງຈໍານວນໜື່ງ ພ້ອມທັງຄໍາອວຍໄຊໃຫ້ພອນເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 71 ປີ (20 ມັງກອນ 1949 ~ 20 ມັງກອນ 2020 ທີ່ໝູນວຽນມາຄົບຮອບໃນປີນີ້.



ຮ່ວມຕິດຕາມເຄື່ອນໄຫວພ້ອມທ່ານເຈົ້າແຂວງໃນຄັ້ງນີ້ຍັງມີ ທ່ານ​ ບົວລິນ ວົງພະຈັນ ຮອງເຈົ້າແຂວງໆຈຳປາສັກ,ທ່ານ​ ພົນຈັດຕະວາ ສຸໄກ ພິມມະສານ ຫົວໜ້າການທະຫານກອງບັນຊາການທະຫານແຂວງ,​ ອົງການຈັດຕັ້ງມະຫາຊົນຂອງແຂວງ,ຫົວໜ້າດ່ານພາສີສາກົນວັງເຕົ່າ,​ ​ບໍລິສັດ​ ປາວີນາ ພັດທະນາກະສິກຳຈໍາກັດ,ບໍລິສັດກໍ່ສ້າງຂົວທາງຄົບວົງຈອນຈຳກັດ ແລະ ພາກສ່ວນທີ່ກ່ຽວຂ້ອງຂອງແຂວງ​ອີກຈໍານວນໜື່ງ.



ພາບແລະຂ່າວ: ເກດສະໜາ ແກ້ວສຸວັນນະແສງ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------

Post a Comment

0 Comments