ສະຫຼຸບວຽກງານປ້ອງກັນຊາດ-ປ້ອງກັນຄວາມສະຫງົບ 3 ແຂວງ ພາກເໜືອ ປະຈຳປີ 2019


.

ວັນທີ 7 ມັງກອນ 2020 ນີ້, ຢູ່ທີ່ກອງບັນຊາການທະຫານ ແຂວງຫົວພັນໄດ້ເປັນເຈົ້າພາບ ຈັດກອງປະຊຸມສະຫຼຸບວຽກງານ ປ້ອງກັນຊາດ-ປ້ອງກັນຄວາມສະ ຫງົບ 3 ແຂວງພາກເໜືອ, ຫົວ ພັນ, ຊຽງຂວາງ ແລະ ໄຊສົມບູນ ປະຈຳປີ 2019 ແລະ ວາງທິດ ທາງແຜນການປີ 2020 ໂດຍໃຫ້ ກຽດເຂົ້າຮ່ວມເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການ ເມືອງສູນກາງພັກ, ຮອງປະທານ ຜູ້ປະຈຳການ ປກຊ-ປກສ ຂັ້ນສູງ ກາງ, ລັດຖະມົນຕີກະຊວງປ້ອງ ກັນປະເທດ, ມີສະຫາຍ ວັນໄຊ ແພງຊຸມມາ ກຳມະການສູນກາງ ພັກ, ເລຂາພັກແຂວງ, ເຈົ້າແຂວງໆ ຫົວພັນ, ປະທານ ປກຊ-ປກສ ແຂວງ, ຕາງໜ້າຫ້ອງວ່າການ ສູນກາງພັກ, ກະຊວງປ້ອງກັນປະ ເທດ, ກະຊວງປ້ອງກັນຄວາມ ສະຫງົບ, ຫ້ອງການ ປກຊ-ປກສ ສູນກາງ, ກອງບັນຊາການທະ ຫານແຂວງຫົວພັນ, ຊຽງຂວາງ, ໄຊສົມບູນ, ຫ້ອງການ ປກຊ-ປກສ ແຂວງ, ບັນດາເຈົ້າເມືອງ, ພະນັກ ງານຫຼັກແຫຼ່ງເຂົ້າຮ່ວມ. 


ກອງປະຊຸມໄດ້ສະຫຼຸບວຽກ ງານປ້ອງກັນຊາດ-ປ້ອງກັນ ຄວາມສະຫງົບທົ່ວປວງຊົນຮອບ ດ້ານ, ໃນໄລຍະ 1 ປີຜ່ານມາ ດ້ານດີ, ຂໍ້ຄົງຄ້າງ ແລະ ບົດຮຽນ ທີ່ຖອດຖອນໄດ້ ເປັນຕົ້ນແມ່ນຂົງ ເຂດວຽກງານເຮັດໃຫ້ສະພາບມີ ຄວາມສະຫງົບ, ເຊິ່ງຍາມໃດຄະ ນະກຳມະການ ປກຊ-ປກສ ພວກ ເຮົາກໍໄດ້ເອົາໃຈໃສ່ສຶກສາອົບ ຮົມວຽກງານການເມືອງ-ນຳພາ ເເນວຄິດເປັນຫຼັກເຮັດໃຫ້ພະ ນັກງານ-ນັກຮົບມີຄຸນທາດການ ເມືອງໜັກແໜ້ນ, ມີຄຸນສົມບັດ ສິນທຳປະຕິວັດ, ຫຼັກໝັ້ນຊົນ ຊັ້ນຫັນເອົາກຳລັງລົງກໍ່ສ້າງ ຮາກຖານການເມືອງພັດທະນາ ຊົນນະບົດຮອບດ້ານຕາມ 4 ເນື້ອໃນ 4 ຄາດໝາຍທີ່ກົມການ ເມືອງສູນກາງພັກວາງອອກ, ເຮັດໃຫ້ປະຊາຊົນບັນດາເຜົ່າຮູ້ ແຈ້ງຕໍ່ແນວທາງປ່ຽນແປ່ງໃໝ່ ຂອງພັກ ແລະ ແນວທາງປ້ອງ ກັນຊາດ-ປ້ອງກັນຄວາມສະ ຫງົບຂອງພັກ, ຕິດພັນກັບວຽກ ງານ 3 ສ້າງເປັນສຳຄັນໃນ ການສ້າງເເຂວງເປັນຫົວໜ່ວຍ ຍຸດທະສາດ, ສ້າງເມືອງເປັນ ຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍ ພັດທະນາ, ໄປຄວບຄູ່ກັບການ ເຕົ້າໂຮມບ້ານນ້ອຍໃຫ້ເປັນບ້ານ ໃຫຍ່ ແລະ ເຕົ້າໂຮມບ້ານໃຫຍ່ ເປັນຕົວເມືອງນ້ອຍໃນຊົນນະບົດ ໂດຍຖືວ່າຮາກຖານເຂັ້ມແຂງ ສັງຄົມກໍມີຄວາມສະຫງົບ. 


ສັງລວມແລ້ວ, ໃນໄລຍະຜ່ານມາ ການປະຕິບັດວຽກງານປ້ອງກັນ ຊາດ-ປ້ອງກັນຄວາມສະຫງົບ ເຫັນວ່າສະຖຽນລະພາບທາງ ດ້ານການເມືອງຂັ້ນແຂວງ, ເມືອງ ແລະ ຮາກຖານບ້ານມີຄວາມສະ ຫງົບ, ໃນນີ້ໄດ້ສ້າງບ້ານປ້ອງ ກັນຊາດເຂັ້ມແຂງໄດ້ 120 ບ້ານ, ບ້ານປ້ອງກັນຄວາມສະຫງົບ 44 ບ້ານ ແລະ ບ້ານປອດຢາເສບຕິດ 246 ບ້ານ, ໃນນັ້ນໄດ້ກະຕຸກຊຸກ ຍູ້ເສດຖະກິດ, ວັດທະນະທຳ, ສັງ ຄົມມີທ່າກ້າວຂະຫຍາຍຕົວ ແລະ ເຕີບໃຫຍ່ເຂັ້ມແຂງເປັນກ້າວໆ, ປະຊາຊົນບັນດາເຜົ່າໄດ້ມີຄວາມ ສະດວກໃນການທຳມາຫາກິນ ແລະ ປະກອບສ່ວນສຳຄັນເຂົ້າ ໃນການປົກປັກຮັກສາ ແລະ ພັດ ທະນາປະເທດຊາດ, ສະເພາະ ແຂວງຫົວພັນ GDP ບັນລຸໄດ້ 2.927,22 ຕື້ກີບ, ຊຽງຂວາງ ບັນລຸໄດ້ 3.728,19 ຕື້ກີບ, ກອງ ປະຊຸມຍັງປະກອບຄຳຄິດເຫັນໃສ່ ບົດສະຫຼຸບ ແລະ ທິດທາງແຜນ ການຢ່າງກົງໄປກົງມາມີເນື້ອໃນ ຄົບຖ້ວນ ແລະ ພ້ອມກັນວາງທິດ ທາງແຜນການໃນຕໍ່ໜ້າຕື່ມອີກ. 


ສະຫາຍ ພົນເອກ ຈັນສະ ໝອນ ຈັນຍາລາດ ໄດ້ເນັ້ນໃຫ້ ການນຳແຂວງ ແລະ ຄະນະກຳ ມະການປ້ອງກັນຊາດ-ປ້ອງກັນ ຄວາມສະຫງົບແຕ່ຂັ້ນສູນກາງ ລົງຮອດທ້ອງຖິ່ນ, ຈົ່ງພ້ອມ ກັນເສີມຂະຫຍາຍທາດແທ້ມູນ ເຊື້ອວີລະຊົນຂອງກອງທັບປະ ຕິວັດເຮົາ ແລະ ແຂວງໃນໄລ ຍະໃໝ່, ເພື່ອເປັນບົດຮຽນ ແລະ ບ່ອນອີງໃນການໝູນໃຊ້ເຂົ້າ ໃນໜ້າທີ່ການເມືອງຂອງຕົນ, ຢາກເຮັດໄດ້ແນວນັ້ນ ຄະນະ ພັກ-ຄະນະບັນຊາທຸກຂັ້ນຕ້ອງ ເພີ່ມທະວີວຽກງານສຶກສາ ອົບຮົມການເມືອງ-ນຳພາແນວ ຄິດເປັນກົກ ເພື່ອເຮັດໃຫ້ພະນັກ ງານມີຄຸນທາດການເມືອງໜັກ ແໜ້ນ, ມີຄຸນສົມບັດສິນທຳປະຕິ ວັດ, ຖືເອົາວຽກງານ ປກຊ-ປກສ ທົ່ວປ່ວງຊົນຮອບດ້ານເປັນໜ້າທີ່ ຂອງໝົດທຸກຄົນ, ສະນັ້ນ, ຮຽກ ຮ້ອງໃຫ້ພະນັກງານຫຼັກແຫຼ່ງໃນ ແຕ່ລະຂັ້ນຕ້ອງເປັນເສນາທິການ ໃຫ້ຂັ້ນເທິງ ເພື່ອເຮັດໃຫ້ສະພາບ ມີຄວາມສະຫົງບປອດໄພ, ເສີມ ຂະຫຍາຍທາດແທ້ມູນເຊື້ອປະ ຕິວັດຂອງກອງທັບເຮົາເພື່ອຜັນຂະ ຫຍາຍໃຫ້ຄົນຮຸ່ນໜຸ່ມສືບທອດ ປ່ຽນແທນໃຫ້ເຂົ້າໃຈແຈ້ງຕໍ່ກັບ ຂົງເຂດວຽກງານ ປກຊ-ປກສ ທົ່ວປ່ວງຊົນຮອບດ້ານ, ຫັນເອົາພະນັກງານລົງກໍ່ສ້າງຮາກຖານການເມືອງໃຫ້ເຂັ້ມແຂງແບບມູນ ເຊື້ອ ແລະ ຍາວນານຊອກໃຫ້ເຫັນ ບັນຫາຂໍ້ຄົງຄ້າງອັດຕັນທ່ວງດຶງຕໍ່ກັບການພັດທະນາເສດຖະກິດ ສັງຄົມ ແລະ ບັນດາກົມກອງຂອງ ພວກສະຫາຍແລ້ວຮີບຮ້ອນ ພ້ອມ ກັນແກ້ໄຂໃຫ້ທ່ວງທັນ, ໄປຄຽງ ຄູ່ກັນນັ້ນ, ວຽກງານອົບຮົມ-ຫັດ ແອບກໍສຳຄັນໃນການປັບປຸງກໍ່ ສ້າງກຳລັງເຮົາໃຫ້ເຕີບໃຫຍ່ເຂັ້ມ ແຂງ, ວຽກງານຄຸ້ມຄອງສຳມະໂນຄົວກໍຕ້ອງມີການບັນທຶກເກັບກຳຕົວເລກໃຫ້ລະອຽດຈະແຈ້ງ, ຂົງເຂດວຽກງານຊາຍແດນກໍ ຕ້ອງໄດ້ແລກປ່ຽນປະສານສົມ ທົບກັບປະເທດເພື່ອນມິດທີ່ມີ ຊາຍແດນຕິດຈອດກັນ ໂດຍສະ ເພາະແມ່ນ ສສ ຫວຽດນາມ ໃຫ້ເລິກເຊິ່ງ ສະຫຼຸບຖອດຖອນ ບົດຮຽນຮ່ວມກັນແຕ່ຂັ້ນແຂວງ ລົງຮອດຮາກຖານປະຊາຊົນເພື່ອເຮັດໃຫ້ການແລກປ່ຽນຂໍ້ມູນຂ່າວ ສານໃນການເຮັດໃຫ້ສະພາບມີ ຄວມສະຫງົບໂດຍພື້ນຖານ, ເວົ້າ ສະເພາະແມ່ນແຕ່ລະທ້ອງຖິ່ນໃຫ້ກວ້າງຂວາງເປັນການກະຕຸກຊຸກ ຍູ້ວຽກງານດັ່ງກ່າວໃຫ້ມີຄວາມ ໜັກແໜ້ນເຂັ້ມແຂງກ້າວຂຶ້ນຢ່າງ ບໍ່ຢຸດຢັ້ງ.

Post a Comment

0 Comments